Հեղինակ և վարող՝ Աննա Սարգսյան
Արագ փոփոխվող ժամանակակից աշխարհում անհատը ինքնադրսևորման խնդիր ունի, հասարակությունները՝ ինքնության նոր նշանների: Մարդկությանը հուզող հավերժական հարցերը, համամարդկային արժեքներն ամեն հանրույթում փորձության են ենթարկվում յուրովի և պահանջում են լուծումներ յուրաքանչյուր անհատից առանձին:
«Հետխորհրդային հայ իրականություն», «Հավաքական հիշողություն», «Գիտելիք և տեղեկատվություն», «Անկախության դասեր», «Լեզու և ինքնագիտակցություն»... Թեմաներ, որ քննարկում են վաստակաշտ և երիտասարդ գիտնականներն, արվեստագետներն ու հոգևորականները «Երրորդ հազարամյակի» տաղավարում:
Հաղորդաշարը ստեղծվել է 2005թ.: 2011թ-ին բանավեճի մշակույթ զարգացնելու համար արժանացել է Երևանի մամուլի ակումբի ամենամյա մրցանակին:
Պարբերականությունը՝ ամեն հինգշաբթի, ժամը 21:55-ին
Կրկնությունը՝ ուրբաթ, ժամը 13:00-ին, կիրակի, ժամը 15:15-ին
 |
Ինչպես ազատվել նվաստացումիցՈ՞րն է տապալված պետության և փոքր պետության տարբերությունը: Ինչու՞ է Հայաստանն այսօր համարվում փխրուն պետություն: Ինչպե՞ս թոթափել նվաստացման բեռը: «Երրորդ հազարամակի» տաղավարում հյուրընկալվել է քաղաքագետ Սուրեն Պետրոսյանը: Զրույցը վարում է Աննա Սարգսյանը: |
 |
Ո՞վ է խախտում Նոյեմբերի 9-ի հայտարարությունըՈ՞րն է այն ռացիոնալ հեռանկարը, որին հենվելով՝ կոչ ենք անում արցախցիներին դիմանալ շրջափակմանը և էթնիկ զտման վտանգին: Միգուցե պետք է պարզապես փրկե՞լ: «Երրորդ հազարամակ»-ում հյուրընկալվել է քաղաքագետ Ալեն Ղևոնդյանը: Զրույցը վարում է Աննա Սարգսյանը: |
 |
Փոփոխվող աշխարհակարգը, Արցախն ու ՀայաստանըԻ՞նչ գլոբալ փոփոխությունների միջավայրում են հայտնվել հայկական երկու պետությունները: Ինչպե՞ս է փոխվում աշխարհակարգը, ինչպե՞ս էր 2020թ. արցախյան պատերազմը կապված դրա հետ: «Երրորդ հազարամակ»-ում հյուրընկալվել է հանրային-քաղաքական գործիչ Սուրեն Սաֆարյանը: Զրույցը վարում է Աննա Սարգսյանը: |
 |
Արցախի համար պայքարն ունի՞ այլընտրանք. տեսազրույց Ռուբեն Վարդանյանի հետ2022թ. դեկտեմբերի 12-ից Արցախի Հանրապետությունը շրջափակման մեջ է: Մինչ մենք քննարկում ենք՝ ով ավելի շատ չի կատարում իր պարտավորությունը կամ որքան սրտառուչ է ներողություն խնդրում բացթողումների համար, 120 000 մեր հայրենակիցներ ցեղասպանության անմիջական վտանգի տակ են: Տեսակապ ենք հաստատել Արցախ, Ստեփանակերտից մեզ միացել է հասարակական, քաղաքական գործիչ, ԱՀ նախկին պետնախարար Ռուբեն Վարդանյանը: Զրույցը վարում է Աննա Սարգսյանը: Հաղորդումը տեսագրվել է 18.04.2023թ.-ին: |
 |
Էլիտաներ, հասարակություն և «նոր Սարդարապատ»«Ադրբեջանի կողմից նոր ագրեսիայի վտանգ կա և Հայաստանի և Արցախի դեմ: ԼՂ հայության համար կա իրական ցեղասպանության վտանգ»: Սա պաշոտնական տեղեկատվություն է մեր վիճակի մասին: Արդյո՞ք իրավիճակի այսպիսի արձանագրմանը անմիջապես չպիտի հետևի երկրում բոլոր ռեսուրսների մոբիլիզացիա: Զրուցում ենք վերլուծաբան, «Այլընտրանքային նախագծեր» խմբի հիմնադիր Վահե Հովհաննիսյանի հետ: Զրույցը վարում է Աննա Սարգսյանը: |
 |
Ինքնորոշման իրավունքՄարտի 21-ին Մայր Աթոռի Գերագույն հոգևոր խորհուրդը հանդես եկավ հայտարարությամբ՝ Բերձորի (Լաչինի) միջանցքի արգելափակման 100-րդ օրվա վերաբերյալ: Հայտարարության մեջ շեշտվում է, որ Հայ Եկեղեցին հետևողականորեն պաշտպանելու է Արցախի ժողովրդի ինքնորոշման իրավունքի իրագործումը՝ անկախություն հանուն փրկության ու անվտանգության սկզբունքով: Ի՞նչ էական տարբերություն կա Լեռնային Ղարաբաղում բնակվող «հայերի իրավունքներ» և «ինքնորոշման իրավունք» ձևակերպումների միջև: Արդյո՞ք դա հակասում է տարածքային ամբողջականության սկզբունքին: Ինչի՞ շուրջ կարող է լինել Ադրբեջանի և Հայաստանի միջև կնքվող խաղաղության պայմանգիրը: Պարզաբանում է իրավաբանական գիտությունների դոկտոր, ԳՀԽ անդամ Գևորգ Դանիելյանը: Զրույցը վարում է Աննա Սարգսյանը: |
 |
Մեր բաժին պատմական պատասխանատվությունըԻ՞նչ է պատմական պատասխանատվությունը, ինչպե՞ս է ուրվագծվում պատասխանատվության շրջանակը հայության համար: Ո՞վ է պատմական պատասխանատվության կրողը: Քննարկում են Արևմտյան Եվրոպայի հայրապետական պատվիրակ, Սուրբ Աթոռում Հայ առաքելական եկեղեցու ներկայացուցիչ Խաժակ արքեպիսկոպոս Պարսամյանը և պատմական գիտությունների դոկտոր, արտակարգ և լիազոր դեսպան Ռուբեն Կարապետյանը: Զրույցը վարում է Աննա Սարգսյանը: |
 |
Արցախի Հանրապետությունը՝ դե ֆակտո պետություն. Վարդան Պողոսյան«Արցախի Հանրապետության միջազգային ճանաչման հրամայականը» համաժողովին միջազգային հարաբերությունների մասնագետ, սահմանադրագետ Վարդան Պողոսյանը ներկայացնում է Արցախի Հանրապետության՝ որպես դե ֆակտո կայացած պետության դեպքը. «Պետության առաջացումը պատմական փաստ է՝ անկախ նրանից, թե ինչ հիմքով է առաջացել: Միջազգային իրավունքը ընդունում է այն իրողությունը, որ կա պետություն՝ ելնելով պետության հատկանիշների առկայության հանգամանքից»: Որո՞նք են այդ հատկանիշները և ինչպե՞ս է Արցախի Հանրապետությունը հանդիսանում միջազգային իրավունքի սուբյեկտ: |
 |
Արցախի Հանրապետության միջազգային ճանաչման հրամայականը. Լևոն ԳևորգյանՄայր Աթոռ Սուրբ Էջմիածնի օրհնությամբ կազմակերպվել է համաժողով՝ «Արցախի Հանրապետության միջազգային ճանաչման հրամայականը» խորագրով: Միջազգային իրավունքի մասնագետ Լևոն Գևորգյանը ինքնորոշման իրավունքի թեման սկսում է երեք հիմնարար գաղափարների ներկայացմամբ՝ Արցախի տիտղոսային պատկանելության, տարածքային ամբողջականության սկզբունքի, «խորհրդային սահմանների շարունակականություն» հասկացության: Այստեղից է հաճախ սկսվում միջազգային իրավունքի և քաղաքական-քարոզչական թեզերի բախումը: |
 |
Պետությու՞ն, թե՞ գաղթօջախԻ՞նչ ինքնություն և պետություն է կերտում այսօր Ադրբեջանը ի հաշիվ մեզ: Ինչպիսի՞ ինքնություն է ձևավորվում մեզանում 2020թ. պատերազմից հետո: Տաղավարում պատմական գիտությունների թեկնածու, իսրայելագետ Սերգեյ Մելքոնյանն է: Զրույցը վարում է Աննա Սարգսյանը: |
 |
Պետություն և արժանապատվությունՊատկերացնու՞մ էիք, որ կգա միօր, երբ Արցախը 2 ամսից ավելի անորոշ շրջափակման մեջ կլինի, իսկ Երևանի փողոցներում ոչինչ չի կատարվի: Հետպատերազմյան ազգային ինքնության մասին զրուցում ենք ազգագրագետ Մխիթար Գաբրիելյանի հետ: Զրույցը վարում է Աննա Սարգսյանը: |
 |
Շրջափակումը՝ ցեղասպանության վտանգՑեղասպանագետների միջազգային ընկերակցությունը հունվարի 30-ին ընդունել է նոր հայտարարություն՝ դատապարտելով Արցախի շրջափակումը: Կազմակերպությունը 2022թ. հոկտեմբերին ընդունել էր նաև հայտարարություն՝ դատապարտելով Հայաստանի Հանրապետության տարածքի վրա ադրբեջանական հարձակումը: Ցեղասպանության վտանգը և Արցախի տևական շրջափակումը թեման քննարկում ենք ցեղասպանագետ Սուրեն Մանուկյանի հետ: Զրույցը վարում է Աննա Սարգսյանը: |
