Գրականագետներ Հայկ Համբարձումյանն ու Արքմենիկ Նիկողոսյանը բանավիճում են հայ դասական ու համաշխարհային գրականության ամենահայտնի, սիրված, միաժամանակ, վիճահարույց ստեղծագործությունների շուրջ: Յուրաքանչյուր քննարկում նվիրված է մեկ գրական երկի, գրականագետների բանավեճը ներկայացնում է դրա ավանդական ու նորովի ընկալման  հնարավորությունները:

Ի՞նչ է պակասում հայ արձակին


Համեմատելով մեր, հատկապես, արդի արձակը թարգմանական հայտնի օրինակների հետ՝ ընթերցողները տարբեր խնդիրներ են նշում։ Գրականագետներն իրենց հերթին հաճախ ասում են, որ հրաշալի ու համաշխարհային գրականության հետ համադրելի արձակ ունենք, բայց հարցեր մնում են։ Ինչո՞վ է համադրելի մեր արձակը համաշխարհային հայտնի երկերի հետ, ի՞նչ կարող էր լինել և ի՞նչ է պակասում հայ արձակագիրներին համաշխարհային հռչակի հասնելու համար: Քննարկում են գրականագետներ Հայկ Համբարձումյանը, Արքմենիկ Նիկողոսյանը և գրող, հրապարակախոս Գևորգ Տեր-Գաբրիելյանը։

Մեկ պատմվածքի շուրջ․ Լևոն Խեչոյան, «Երրորդ որդին»


Անկախության շրջանի հայ արձակի վարպետներից մեկի՝ Լևոն Խեչոյանի «Երրորդ որդին» պատմվածքը ազդեցիկ ու տպավորող է իր ցնցող սյուժեով: Մյուս կողմից, այն իբրև ժանրային իրացում, հայ պատմվածքի նորագույն դրսևորումների լավագույն օրինակներից մեկն է: Խեչոյանի «Երրորդ որդին» պատմվածքը քննարկում են գրականագետներ Հայկ Համբարձումյանը և Արքմենիկ Նիկողոսյանը:

Ո՞վ է պատմողը հայ արձակում


Գրողները, հատկապես նորագույն ժամանակներում, ամենատարբեր գեղարվեստական հնարանքներով և տեսնողի ու պատմողի բազմազան դիրքավորումներով են ներկայացնում իրականությունը։ Տեսանկյունների ու պատմողների բազմազանության շնորհիվ հետաքրքիր գեղարվեստական էֆեկտ է ստացվում։ Հայ արձակում պատմողի ու տարբեր տեսանկյունների շուրջ «Զուգահեռ ընթերցումներ»-ում բանավիճում են գրականագետներ Հայկ Համբարձումյանը, Արքմենիկ Նիկողոսյանը և արձակագիր Գրիգը:

Հայ արձակի ամենահետաքրքիր առաջին տողերը


Գրական ստեղծագործությունների վերնագրերը շատ կարևոր նշանակություն ունեն, սակայն ոչ պակաս կարևոր են պատմվածքը կամ վեպը բացող նախադասությունները: Դրանք պետք է գրավեն ընթերցողին, հարցեր առաջացնեն ու ստիպեն շարունակել ընթերցանությունը։ Որո՞նք են հայ արձակի ամենահիշվող առաջին տողերը։ Բանավիճում են գրականագետներ Հայկ Համբարձումյանն ու Արքմենիկ Նիկողոսյանը:

Ո՞րն է հայ գրականության ոսկեդարը


Դպրոցական դասագրքերից մեզ հայտնի է, որ հայ գրականության ոսկեդարը 5-րդ դարն է: Գրերի գյուտից հետո թարգմանական ու գրական մի մեծ շարժում է սկսվում, որի արդյունքում թարգմանական երկերին զուգահեռ ստեղծվում են հայ գրականության ինքնուրույն երկեր՝ պատմագրություն, փիլիսոփայություն, շարականներ, վարքեր-վկայաբանություններ, մեկնություն և այլն: Արդյո՞ք այս շրջանն իր նշանակությամբ իրապես լավագույնն է հայ գրականության պատմության մեջ և ի՞նչ սկզբունքներով է այն այդպիսին համարվում: Բանավիճում են Հայկ Համբարձումյանն ու Արքմենիկ Նիկողոսյանը:

Երկու ջրհեղեղի արանքում. անկախությունն ու հայ պոեզիան


Անկախության առաջին տարիները մեծ փոփոխությունների շրջան էին նաև հայ պոեզիայի համար։ Այսօր, տարիների հեռվից մի շարք հարցեր են առաջանում՝ ինչպե՞ս բանաստեղծությունն արձագանքեց պատմական այդ կարևոր իրադարձությանը թե բովանդակապես, թե՛ ձևով, ինչո՞ւ չգովերգվեց անկախությունը, ինչպե՞ս փոխվեցին բանաստեղծներն ու ո՞ւր կորան ընթերցողները, արդյո՞ք ստեղծվեցին մնայուն գործեր։ Այս հարցերի շուրջ բանավիճում են գրականագետներ Հայկ Համբարձումյանը, Արքմենիկ Նիկողոսյանն ու Հասմիկ Հակոբյանը։

Մեկ պատմվածքի շուրջ. Հրանտ Մաթևոսյան, «Նժույգս, Նժույգս»


Ինչո՞վ է առանձնանում Հրանտ Մաթևոսյանի ոչ այնքան հայտնի «Նժույգս, Նժույգս» պատմվածքը: «Զուգահեռ ընթերցումներ»-ում բացահայտում են գրականագետներ Հայկ Համբարձումյանը և Արքմենիկ Նիկողոսյանը:

Ո՞ւմ համար են հեքիաթները


Հեքիաթը բանահյուսական ու գրական ամենատարածված ու սիրված ժանրն է։ Երեխաների աշխարհի հետ շփումը կայանում է նաև հեքիաթների միջոցով։ Չարի ու բարու, արդարի ու անարդարի, աշխատանքի ու ծուլության, հերոսության ու նենգության և շատ այլ հիմնարար հասկացությունների մասին մենք առաջին հերթին իմանում ենք հեքիաթներից։ Սրանով հանդերձ, շատ հեքիաթներ ուղղված չեն միայն երեխաներին, նույնիսկ միա՛յն մեծահասակների համար են։ Հեքիաթների հասցեատիրոջ, նպատակների ու նշանակության հարցերը «Զուգահեռ ընթերցումներ»-ում քննարկում են գրականագետներ Հայկ Համբարձումյանը, Արքմենիկ Նիկողոսյանը և բանագետ Նվարդ Վարդանյանը:

Գուրգեն Մահարու կյանքն ու ողբերգությունը


Գուրգեն Մահարու կյանքը համընկավ մեր ժողովրդի պատմության ամենաբուռն ու իրադարձություններով լեցուն շրջանին. Մեծ եղեռն, Առաջին հանրապետության հռչակում և անկում, Հայաստանի խորհրդայնացում, 1930-ականների բռնություններ, 1960-ականների Ձնհալ և այլն: Մահարուն վիճակված էր լինել այդ բոլոր իրադարձությունների ժամանակակիցն ու վկան, հերոսն ու զոհը: Գուրգեն Մահարու կյանքն ու ողբերգությունը «Զուգահեռ ընթերցումներ»-ում քննարկում են գրականագետներ Հայկ Համբարձումյանն ու Արքմենիկ Նիկողոսյանը:

 

Ինչո՞ւ ֆենթզի


Ինչո՞վ են ֆենթզի վեպերն ու ֆիլմերը գրավում մարդկանց, ընդ որում ոչ միայն երեխաներին ու պատանիներին, ինչո՞ւ նույն հաջողությունները չունեն հարակից ժանրերը՝ հեքիաթները, առասպելները, էպոսը, պատմավեպը և այլն։ «Զուգահեռ ընթերցումներ»-ում բանավիճում են գրականագետներ Հայկ Համբարձումյանն ու Արքմենիկ Նիկողոսյանը:

Ինչո՞ւ և ո՞ւմ են ձոնված գրական գործերը


Հայ և համաշխարհային գրականության մեջ հազարավոր ստեղծագործություններ կան, որոնք ձոնված կամ նվիրված են կոնկրետ մարդկանց: Ընդ որում, դրանց մեծ մասը սոսկ նվեր չէ, այլ կարող է պարունակել գեղագիտական խորքեր, ինտիմ գաղտնիքներ, ակնարկներ կամ նույնիսկ՝ վեճեր ու անհամաձայնություններ: Ինչո՞ւ և ո՞ւմ են ձոնվում գրական գործերը, հնարավո՞ր է արդյոք այդ ձոների ու նվիրումների հենքով գիտական ու հետազոտական բացահայտումներ անել: «Զուգահեռ ընթերցումներ»-ում բանավիճում են գրականագետներ Հայկ Համբարձումյանն ու Արքմենիկ Նիկողոսյանը:

Հայ գրականության ազգափրկիչ հերոսները. մաս 2-րդ


Ովքե՞ր են հայ գրականության ազգափրկիչ հերոսները և ի՞նչ ծրագրեր ունեն: Շարունակում են բանավիճել գրականագետներ Հայկ Համբարձումյանն ու Արքմենիկ Նիկողոսյանը: