Տաղավարում

Կրթության և գիտության նոր ռազմավարություն. մաս 155-րդ

Որոշ պաշտոնյաներ չեն հասկանում ինչ է ցեղասպանությունը

Հայոց ցեղասպանության թանգարան-ինստիտուտի համեմատական ցեղասպանագիտության բաժնի վարիչ Սուրեն Մանուկյան համարում է, որ չնայած վերջին տասնամյակներին կատարված կրթական գործընթացին, հայ պաշտոնյաները չգիտեն ինչ է ցեղասպանությունը։ Ցեղասպանությունը շատ մարդկանց սպանությունը չի, զանգվածային սպանությունը չի, դա խմբին ոչնչացնելու ուղղված գործողություն է։ Ըստ նրա՝ Ցեղասպանության մասին հայտարարություն անելուց առաջ ճիշտ կլինի, որ պաշտոնյաները խորհրդակցեն թանգարանի հետ։ Հովհաննես Երանյանը «Տաղավարում» Սուրեն Մանուկյանի հետ քննարկել է Հայոց ցեղասպանության զոհերի թվի անհարկի շահարկումները, «Ցեղասպանություն» և «Մեծ եղեռն» եզրերի տարբերությունը:
 

Կրթության և գիտության նոր ռազմավարություն. մաս 154-րդ

Պատերազմում պարտության պատճառներից մեկը կրթության բացերն են

Պատերազմից հետո կամավորության սկզբունքով ձեւավորված «Բարձունք» կրթական շարժումը Հայաստանում գործում է ոչ որպես ֆորմալ կրթության այլընտրանք, այլ որպես փոխլրացնող կառույց։ Հովհաննես Երանյանը «Բարձունք» կրթական կամավորական շարժման առաջնորդող խորհրդի անդամ, ծրագրավորող Տիգրան Արեգունու հետ քննարկել է արժեքահեն կրթության, քաղաքացիական ու ազգային գիտակցությամբ օժտված նոր սերնդի ձևավորման կարևորությունը Հայաստանում։
 

Կրթության և գիտության նոր ռազմավարություն. մաս 153-րդ

Կրթությանը պետք է վերաբերվել շինարարի տրամաբանությամբ

Մենք կրթությանը պետք է վերաբերվենք ոչ թե զինվորի տրամաբանությամբ, այլ շինարարի, որ ամեն մեկիս ձեռքում մի քար կա և այդ քարը պետք է դնենք մեր պետության կառուցման գործում։ Ամեն ինչ պետք է սկսել առաջին դասարանից և երբ երեխան ավարտի ու մասնագիտություն ձեռք բերի, իր գիտելիքները պետք է նպաստեն երկրի զարգացմանը։ «Տաղավարում» Հովհաննես Երանյանը Հայկական պետական մանկավարժական համալսարանի պրոռեկտոր Մարիաննա Հարությունյանի հետ քննարկել է կրթության խնդիրները։
 

Կրթության և գիտության նոր ռազմավարություն. մաս 152-րդ

ԳԱԱ ոչ մի առաջարկ կառավորությունը չի ընդունել

Գիտնականների ատեստավորման նոր կարգի վերաբերյալ ԳԱԱ գիտական ինստիտուտների, բաժանմունքների և նախագահության տասնյակ առաջարկներից ոչ մեկը  կառավարությունը հաշվի չի առնում: Քննարկումներն ունեն իմիտացիոն բնույթ։ Դրանք պարզապես նրա համար են, որ հայտարարեն, թե քննարկումներ են եղել։ Ուղարկվում է նախագիծ, լայնածավալ քննարկում է իրակյանացվում և կառավարությունը ոչինչ հաշվի չի առնում։
Գիտնականների ատեստավորման նոր կարգի խնդրահարույց կետերը Հովհաննես Երանյանը «Տաղավարում» քննարկել է ԳԱԱ ակադեմիկոս-քարտուղար Արթուր Իշխանյանի հետ։
 

Կրթության և գիտության նոր ռազմավարություն. մաս 151-րդ

Երեւանը չպետք է դատարկվի ուսանողներից

ԵՊՀ դասախոս,«Արեգնազան» կրթահամալիրի ուսուցիչ Արա Աթայանը համարում է, որ «Ակադեմիական քաղաքը» ոչ թե Հայաստանի կրթությունը փրկելու, կամ բարելավելու մասին է, այլ քաղաքի կենտրոնի լավ գույքի սեփականության վերաբաշխման։ Ըստ նրա՝ ընդամենը մեկ-երկու տարի հետո պարզ կլինի, թե բուհերի շենքերն այսօրվա վերնախավից որ ընտանիքներին է պատկանում։
Հովհաննես Երանյանը Արա Աթայանի հետ քննարկել է «Ակադեմիական քաղաքի» կառուցման և համալսարանները մայրաքաղաքից հանելու խնդիրը։

Կրթության և գիտության նոր ռազմավարություն. մաս 150-րդ

Կյանքի բոլոր դրվագները մարդու ուղեղն անկարող է հիշել, բայց մի դիպված, կամ մի հոտ կարող է հիշեցնել կոնկրետ իրադարձության բոլոր մանրամասները։ Նեյրոլեզվաբան Հասմիկ Դանիելը պնդում է, որ ՆԼԾ միջոցով հնարավոր է վատ հիշողությունների հետ հաշտվել, իսկ լավ հիշողություններից ստանալ էներգիա առաջ շարժվելու համար։ «Տաղավարում» Հովհաննես Երանյանը նեյրոլեզվաբան Հասմիկ Դանիելի հետ քննարկել է, թե ինչպես ՆԼԾ ազդեցությամբ կրթության որակը բարձրացնել և ինչպես հաղթահարել հետպատերազմական ստրեսը։

Կրթության և գիտության նոր ռազմավարություն. մաս 149-րդ

Ինչպե՞ս հաղթահարել ֆունկցիոնալ անգրագիտությունը

Newmag հրատարակչությունը վերջերս հրատարակել է գործարար Գոռ Կարապետյանի Proակտիվ առաջնորդը գիրքը, որը կոչ է անում համատեղ փնտրել լուծումներ, հաղթահարել ֆունկցիոնալ անգրագիտությունը, բարձրացնել սոցիալական պատասխանատվության և կրթության ցածր մակարդակը։ Հեղինակն ընդգծում է ֆունկցիոնալ առաջնորդության, մենթորության և հոգատարության միջոցով դրական փոփոխություններ առաջ բերելու կարևորությունը։ Տաղավարում Գոռ Կարապետյանն է։
 

Կրթության և գիտության նոր ռազմավարություն. մաս 148-րդ

Մասնագիտություն ընտրելու հարցում ծնողի դերը պետք է լինի ուղղորդող

Դեռահասների ծնորղները հաճախ առաջնորդվում են կարծրատիպերով և չտիրապետելով մասնագիտության կողմոնորշման առանձնահատկություններին, երեխաներին խորհուրդ են տալիս ընտրել իրենց կարծիքով հեղինակավոր մասնագիտություն։ Ծնողի դերը մասնագիտություն ընտրելու հարցում պետք է լինի ոչ թե պարտադրող, այլ ուղղորդող։ Որոշում կայացնելիս շատ կարեւոր է պատճառը միջոցից տարբերելը։ Սկզբից պետք է ընտրել մասնագիտություն, հետո Համալսարան։ «Մասնագիտական կողմնորոշման կենտրոն» ՀԿ-ի խորհրդի անդամ Գայանե Դավթյանը ներկայացրել է մասնագիտության ընտրության առանձնահատկությունները:

Կրթության և գիտության նոր ռազմավարություն. մաս 147-րդ

Կրթությունը պետք է լուծի այսօրվա խնդիրը

Աշխատաշուկայում, կյանքի կազմակերպման ձեւերի մեջ այս պահին ընթանում են լուրջ փոփոխություններ։ Հիմա որոշ երիտասարդներ մեծ ներդրումներ են կատարում և ձեռք են բերում մասնագիտություն, որն արդեն գոյություն չունի։ Այսօրվա կրթությունը պետք է լուծի այսօրվա խնդիրները։ «Ռենդերֆորեսթ» ընկերության «Արդի» ակադեմիայի կրթական ծրագրերի համակարգող Արեգ Թադևոսյանը ներկայացրել է ակադեմիայի ստեղծման նպատակները և տեխնոլոգիական կրթության նոր հնարավորությունները:

Կրթության և գիտության նոր ռազմավարություն. մաս 146-րդ

Մտավոր խնդիրներ ունեցող երեխաներին հանրակրթական դպրոցները չեն կարող սպասարկել

Երևանի 17-րդ հատուկ դպրոցի ուսումնական ծրագիրը զգալիորեն տարբերվում է հանրակրթական դպրոցների ծրագրից։ Հատուկ դպրոցի ծրագրում չկան ֆիզիկա, քիմիա, կենսաբանություն առարկաներ։ Հատուկ դպրոցում երեխաները սովորում են ինքնասպասարկում ու ինքնաճանաչում։ Ի՞նչ պետք է անեն մտավոր խնդիրներ ունեցող երեխաները հանրակրթական դպրոցում, որտեղ կրթության նպատակն այլ է։ Հովհաննես Երանյանը թեման քննարկել է Երևանի 17-րդ հատուկ դպրոցի տնօրեն Վերգինե Եսայանի հետ։