Հեղինակ Սիրանուշ Հայրապետյան

Սոնա Հովհաննիսյանը Կոմիտասի անվան պետական կոնսերվատորիայի ռեկտորի պաշտոնում առաջին անգամ ընդունեց բուհի նոր ուսանողներին: Ռեկտորի հետ առաջին հանդիպումը ուսանողների համար մի յուրօրինակ դաս էր: Նրա նախաձեռնությամբ առաջին կուրսեցիները տեղում սովորեցին երգել «Գաուդեամուս» ուսանողական օրհներգը:

 

Շորժայի «Վիշապ» լողափում անցկացվեց «Հուսո առագաստ» հեղինակային երգի 5-րդ փառատոնը:

 

Շուրջ երկու տարվա ընդմիջումից հետո դարձյալ Սպենդիարյանի անվան օպերայի և բալետի ազգային ակադեմիական թատրոնի բեմում է Դոնիցետտիի «Պողիկտոս» օպերան: Հուլիսի 26-ի ներկայացումը նվիրվեց երջանկահիշատակ Վազգեն Ա Ամենայն հայոց կաթողիկոսի մահվան 25-րդ տարելիցին:

 

Քրիստոսի Պայծառակերպության տոնը նշվեց նաև Վեդու Սուրբ Աստվածածին եկեղեցում: Արարատի մարզի հոգևոր տեսուչ Տ. Գևորգ եպիսկոպոս Սարոյանի հանդիսապետությամբ, տոնական պատարագը մատուցեց եկեղեցու հոգևոր հովիվ Տ. Հովակիմ քահանա Հարությունյանը: Տոնը եկեղեցու բակում շարունակվեց Վարդավառի ուրախ ջրախաղով և համերգային ծրագրով:

 

Ե. Չարենցի տուն-թանգարանում տեղի է ունեցել «Դեպի Արևելք» գրքի շնորհանդեսը և «365 օր անց» խորագրով ամենամյա հաշվետու ցուցահանդեսը:

 

Հայաստանի նկարիչների միությունում բացվեց Ռուբեն Էնֆենջյանի անհատական ցուցահանդեսը: «Տեսնել տիեզերքը» խորագրով ցուցադրությանը ներկայացված են 80-ականներից մինչև 2019 թվականն ստեղծված գործեր:

«Արամ Խաչատրյան» համերգասրահի բեմում Հայաստանի պետական ջազ նվագախումբն ու ամերիկացի ջազ վոկալիստ, շեփորահար Ռոնալդ Բեյքերն էին: Սա նրանց առաջին համագործակցությունն էր և Բեյքերի առաջին այցը մեր երկիր:

 

Օպերայի և բալետի ազգային ակադեմիական թատրոնում կայացավ Միջազգային օպերային մրցանակաբաշխությունում 2019 թվականի լավագույն օպերային երգչուհի ճանաչված, սոպրանո Հասմիկ Գրիգորյանի համերգը:

 

Երկու տարի հետո Գեղարքունիքի մարզի Մադինա համայնքն իր եկեղեցին կունենա: Շուրջ հազար բնակիչ ունեցող համայնքի ղեկավար Վրեժ Սարգսյանի խոսքով՝ աղոթատուն ունենալու անհրաժեշտությունը վաղուց կար, քանի որ եկեղեցական արարողությունների մասնակցելու համար բնակիչներն ստիպված են հարևան համայնքների եկեղեցիներ հասնել: Եկեղեցու շինարարական աշխատանքների սկիզբը օրհնեց և հիմնաքարերը օծեց Տ. Վազգեն եպիսկոպոս Միրզախանյանը: