Հայաստանում գրանցված 60-ից ավելի կրոնական կազմակերպությունները գրեթե չեն վերահսկվում


Համագումարի ընթացքում միաբանների համար Մայր Աթոռում կազմակերպվել են թեմատիկ բանախոսություններ: Բանախոսները նկատել են, որ Հայաստանում առաքելական սուրբ եկեղեցին իր կառույցներով բացառիկ կարգավիճակ ունի: Այսինքն 91 թվից դրված է եղել հայ առաքելական սուրբ եկեղեցին որպես ազգային կառույց դիտելու և կարգավիճակը իրավաբանորեն ամրագրելու պարտականությունը, որը հետագայում ամրագրվեց 2005 թվականի սահմանադրությամբ: Իսկ Հայաստանում գրանցված 60-ից ավելի կրոնական կազմակերպությունները գրեթե չեն վերահսկվում, հաշվետվողականությունը թերի է:

 

Համագումարին բացվել է «Սուրբ Էջմիածնի միաբանը 19-20րդ դարեորւմ» ցուցահանդեսը


Ցուցահանդեսում ամփոփված փաստագրական նյութը էջմիածնական ականավոր միաբանների եւ հայրապետների մասին է։ Նրանց գործունեությունն անջնջելի հետք է թողել Մայր Աթոռի և հայ ժողովրդի պատմության վրա։ Նրանք ոչ միայն հոգևորականներ են եղել, այլև հայտնի մտավորականներ ու գիտնականներ։ Գևորգ Չորրորդ կաթողիկոսը հիմնադրել է նոր շրջանում Հայաստանի առաջին բարձրագույն ուսումնական հաստատությունը՝ Գևորգյան հոգեվոր ճեմարանը։ Այստեղ կրթվել են ոչ միայն ժամանակի հոգեվորականները, այլև ապագա գրողներ, ուսուցիչներ, երաժիշտներ, պատմաբաններ, հանրային գործիչներ։

 

Ամենայն Հայոց Կաթողիկոսը միաբաններին պատգամել է նոր փորձությունների հանդիման լինել միասնական


Հայոց Հովվապետը, խոսելով հայրենիքի և ժողովրդի համար ներկայիս դժվարին ժամանակաշրջանի մասին, նաև մտահոգությամբ անդրադարձել է Նիկոլ Փաշինյանի կողմից Հայոց Հայրապետի և եկեղեցականության թիրախավորմանը՝ նշելով, որ ծրագրավորված հարձակումները նպատակ ունեն վարկաբեկել հայ եկեղեցականությանն ու Եկեղեցուն, լռեցնել Եկեղեցու ձայնը և նվազեցնել հասարակության մեջ նրա բարձր վարկն ու հեղինակությունը։

 

Վեհափառ Հայրապետն ընդունել է հայագիտական դասընթացներին մասնակցող երիտասարդների


Ամենայն Հայոց Կաթողիկոսի օրհնությամբ Մայր Աթոռում կազմակերպված դասընթացների նպատակն է զորացնել երիտասարդների՝ հայոց լեզվի և պատմության իմացությունն ու հոգևոր գիտելիքները, ինչպես նաև հնարավորություն ընձեռել հաղորդակցվելու հայրենիքի հոգևոր-մշակութային ժառանգությանն ու արժեքներին։ Ծրագրի տևողությունը 21 օր է, տարբեր երկրներից ժամանած երիտասարդները ապրում և կրթվում են Մայր Աթռում:

ՀԵՀԵՄ 25


Հայ Եկեղեցու Համաշխարհային Երիտասարդական Միավորումն այս տարի նշում է հիմնադրման 25 ամյակը: Ամեն ինչ սկսվեց 2001-ին, երբ Հայաստանը նշում էր քրիստոնեությունը պետական կրոն հռչակելու 1700-ամյակը։ Գարեգին Բ Ամենայն Հայոց Կաթողիկոսի տնօրինությամբ ստեղծվեց երիտասարդական գրասենյակ, որի նպատակն էր ակտիվացնել երիտասարդության ներգրավվածությունը հայ Եկեղեցու կյանքում։ Հենց այդ կառույցի հիմքի վրա տարիներ անց ստեղծվեց ՀԵՀԵՄԸ՝ Հայ Եկեղեցու Համաշխարհային Երիտասարդական Միավորումը։

«Զվարթնոց» օդանավակայանում հարյուրավոր մարդիկ դիմավորեցին Ամենայն հայոց հայրապետին


Գարեգին Բ Ամենայն հայոց կաթողիկոսը մեկօրյա այցով մեկնել էր Արաբական Միացյալ Էմիրություններ, որտեղ հանդիպում է ունեցել Կալկաթայի Սուրբ Նազարեթ եկեղեցու և Հայոց մարդասիրական ճեմարանի հոգաբարձուների հետ: Վեհափառի վերադարձի օրը որդիական իրենց աջակցությունն ու սերն արտահայտելու համար, «Զվարթնոց» օդանավակայան էին եկել հարյուրավոր մարիկ: Նորին սրբությունը հայրական իր հորդորը հղեց՝ ամուր մնալ, չտրվել ավելորդ հույզերի և միասնաբար հաղթահարել մեր երկրի առջև ծառացած մարտահրավերները:

 

Հայաստանի ազգային նվագարանների պետական նվագախումբ


Հայաստանի ազգային նվագարանների պետական նվագախումբը ստեղծվել է 2005թ-ին Արա Գևորգյանի և դիրիժոր Նորայր Դավթյանի նախաձեռնությամբ: Այն առաքելություն է ստանձնել պահպանելու և զարգացնելու Հայաստանում ձևավորված ժողովրդական նվագախմբային կատարողական արվեստը: Կինոերաժշտությունից մինչև դասական գործերի փոխադրումներ՝ նվագախումբը նորովի է ներկայացնում ազգային գործիքները:

Հավատ


Ի՞նչ է հավատը, ինչպե՞ս կարող է դրսևորվել ամենօրյա վարքում, ի՞նչ է բովանդակում պատարգին արտասանվող Հավատո հանգանակը։ Մեկնում է Տեր Վահան եպիսկոպոս Հովհաննիսյանը:

Ցեղասպանության թանգարանը հրատարակել է նորվեգացի միսիոներ Բոդիլ Բյոռնի օրագրիրը


Այդ գրառումները սկզբնաղբյուրային արժեք ունեն Հայոց ցեղասպանության ուսումնասիրության համար: Նորվեգուհու հարուստ արխիվը՝ օրագրերը, լուսանկարները, բժշկական գործիքները, անձնական իրերը թանգարան-ինստիտուտին է նվիրել նրա թոռը՝ որբանոցից որդեգրած հայ որդու՝ Ռաֆայելի զավակը, Յուսսի Բյոռնը։

 

Ամենայն Հայոց Կաթողիկոսը «Սուրբ Գրիգոր Լուսավորիչ» շքանշան է շնորհել գործարար Արթուր Գրանցին


Նրա բարերարությամբ Մինսկում կառուցվել է հայկական առաջին եկեղեցին, որը կրում է հայոց առաջին Հայրապետի՝ Սուրբ Գրիգոր Լուսավորչի անունը։ «Էջ Միածինն ի Հօրէ» շարականի երգեցողության ներքո բերվել է Հայրապետական սրբատառ կոնդակը, որում Նորին Սրբությունը իր գնահատանք է հայտնում բարերարին եկեղեցանկպաստ ու հայրենանվեր գործի համար։

 

ՀԵՀԵՄ-ը պատրաստվում է հոբելյանական 25 ամյակի առիթով կազմակերպվող ուխտագնացությանը


«Հայ ընտանիքը հայոց ինքնության խարիսխ» համահայկական ուխտագնացության ընթացքում՝ հուլիսի 2-7-ը, մոտ երեք հարյուր երիտասարդ Հայաստանից և սփյուռքից կհավաքվեն հայրենիքում։ Հայտադիմումներն արդեն լրացված են, կազմակերպչական բազմաթիվ հարցեր՝ լուծվում են։ ՀԵՀԵՄ -ը այս տարիների ընթացքում աշխարհի տարբեր երկրներում ապրող հազարավոր երիտասարդների համար համագործակցության կամուրջ է դարձել։

 

Օղբին


Վայոց Ձորի լքված 60 գուղերից մեկը Օղբինն է։ Հայտնի չէ, թե ինչ է նշանակում կամ ինչպես է բացատրվում բնակավայրի անունը։ Գյուղը սահմանակից է Ադրբեջանին,  Խնձորուտ գյուղից մոտ 8 կմ հյուսիս-արևելք է գտնվում։ Լքված գյուղի կանգուն վկան 1666 թ-ին կառուցված ժայռերին ձուլված Օղբինի եկեղեցին է։