Հեղինակ Լուսինե Բալյան

	Մաստարայի Սուրբ Հովհաննես եկեղեցի Առանց սյուների առաջին հայկական եկեղեցին Մաստարայի Սուրբ Հովհաննես Եկեղեցին զարմացնում է ճարտարապետական լուծումներով։ Սա Հայաստանում առաջին եկեղեցին է, որ կառուցվել է առանց սյուների։ Առավել ուշագրավ է լայնաթռիչք գմբեթը, որը շրջված զանգի են նմանեցնում։ Շատերը Սուրբ Հովհաննեսը ճանաչում են հենց Մաստարա անունով։
	Վիգեն Արքեպիսկոպոս Այքազյանը Մայր Աթոռ Սուրբ Էջմիածնի թանգարանին թանկարժեք նվերներ է փոխանցել Վիգեն արքեպիսկոպոս Այքազյանը Մայր Աթոռին է նվիրել 1839 թվականին պատրաստված Մշո Սուրբ Կարապետ եկեղեցու խաչը, որը Սրբազանը մոտ հիսուն տարի առաջ է ձեռք բերել։ Նա Մայր աթոռին է նվիրել նաեւ Կիլիկիայի Լևոն թագավորի շրջանի մետաղադրամով 1275 թվականին պատրաստված եզակի մատանի։ Վիգեն արքեպիսկոպոսը Մայր Աթոռի թանգարանին է հանձնել նաև եպիսկոպոսական ձեռնադրության ժամանակ մոր նվիրած պանակեն և Ռոմանովների իշխանական տոհմի անվանի հայ ոսկերիչների ձեռքով պատրաստած այս եզակի խաչը։
	«Ոսկե սերունդ» ամառային ճամբար Արցախից բռնի տեղահանված 63-79 տարեկան անձանց համար հունիսի 11-ից հուլիսի 7-ը «Միասին» ՀԿ-ն Ծաղկաձորում կազմակերպել է «Ոսկե սերունդ» սոցիալ-կրթական ամառային ճամբար: Ծրագրի նպատակն է հրավիրել հասարակության ուշադրությունը տարեցների խնդիրներին, ցուցաբերել սոցիալ-հոգեբանական աջակցություն, նպաստել նրանց առողջ ապրելակերպին, օգտակար և հետաքրքիր առօրյայի կազմակերպմանը։ Ծրագիրն իրականացվել է «Առաքելություն Հայաստան» բարեգործական հասարակական կազմակերպության միջոցով և ՄԱԿ-ի Փախստականների հարցերով գերագույն հանձնակատարի գրասենյակի ֆինանասավորմամբ։
	Ճշմարտախոսություն. մեկնում է Տ. Գևորգ եպիսկոպոս Սարոյանը Ինչո՞ւ է ճշմարտախոսությունը առաքինություն համարվում, արդյո՞ք խոսքը ուժ ունի և պատասխանատվություն է ենթադրում։ Ի՞նչ մեխանիզմներով կարող է եկեղեցին պաշտպանել ճշմարտությունը: Մեր հարափոփոխ ժամանակներում ինչպե՞ս տարբերակել ճշմարտությունը: Այս և այլ հարցեր մեկնում է Տ. Գևորգ եպիսկոպոս Սարոյանը:
	Եկեղեցիներում մատուցվել է ննջեցյալների հիշատակության Սուրբ Պատարագ Հիսուս Քրիստոսի Պայծառակերպության տոնին հաջորդող երկուշաբթի բոլոր եկեղեցիներում մատուցվել է ննջեցյալների հիշատակության Սուրբ Պատարագ։ Մեռելոց Պատարագից հետո կատարվել է հոգեհանգստյան կարգ, հնչել են շարականներ, ընթերցվել սուրբգրային մեջբերումներ, հիշատակվել բոլոր ննջեցյալներն՝ ում անունները Պատարագի ընթացքում փոխանցել են հավատացյալները:
	Ազգային գրադարանում տեղի է ունեցել «Հայ բանասիրության հեռանկարներ» խորագրով միջազգային գիտաժողով Ազգային գրադարանի մի քանի դահլիճներում զուգահեռ անցկացվող գիտաժողովի ընթացքում Հայաստանում և աշխարհի տարբեր երկրներում ապրող բանասերները երեք տասնյակ զեկուցում են ներկայացրել։ «Հայ բանասիրության հեռանկարներ» միջազգային գիտաժողովի կազմակերպիչ և հովանավոր Հայ եկեղեցու ԱՄՆ Արեւմտյան թեմը գիտժողովի հոդվածների հիման վրա կփորձի հրատարակել միջազգային չափորոշիչներին համապատասխանող ժողովածու, ապա հետամուտ կլինի գիտնականների կողմից առաջադրված խնդիրների լուծմանը։
	Արցախի հեղինակային երգի ակումբի վերածնունդը Արցախի հեղինակային երգի ակումբը հիմնել է Ջուլիետտա Առուստամյանը Շուշիում կիթառի դասարանի իր սաների հետ: Նրանք միասին մի քանի պատերազմ են անցել, տեղահանությունից հետո Հայաստանում փորձում են կրկին գործիքներ ձեռք բերել, ստեղծագործել, երազել Արցախ վերադառնալու մասին: Ակումբը այժմ գործում է «Բաց հարթակի» տարածքում, երաժիշտներին աջակցում է նաև հեղինակ կատարող Արեգ Նազարյանը:
	ԳՀՃ քառաձայն արական երգչախմբի առաքելությունը Գեւորգյան հոգեւոր ճեմարանի երգչախումբը աշխատում է, որպեսզի առաջիկայում մասնակցի միջազգային մրցույթների և թողարկի ձայնագրություններ։ Երգչախմբի նպատակն է տարածել ու ճանաչելի դարձնել հայ հոգևոր ու ժողովրդական երգը, լինել Կոմիտաս վարդապետի գործի կրողն ու շարունակողը։
	Մայր Աթոռ Ս․ Էջմիածնից Չքնաղ գյուղի եկեղեցի է տարվել Սուրբ Ստեփանոս Նախավկայի Մասունքը Հունիսի 23-ին Արագածոտնի թեմում նշվել է Չքնաղ գյուղի Սուրբ Ստեփանոս եկեղեցու օծման 20-ամյակը։ Հունիսի 20-ին հաջորդող կիրակի օրը եկեղեցու ուխտի օրն է, որի առիթով ամեն տարի Մայր Աթոռ Ս․ Էջմիածնից բերվում է Սուրբ Ստեփանոս Նախավկայի Մասունքը և մատուցվում է տոնական պատարագ։ Չքնաղի եկեղեցին կառուցվել է Գարեգին Բ Ամենայն Հայոց Կաթողիկոսի տնօրինությամբ՝ 4-րդ դարի Սուրբ Ստեփանոս եկեղեցու հարևանությամբ։ Հովսեփյան ընտանիքի բարերարությամբ կառուցվել է ոչ միայն նոր գյուղի գործող միակ եկեղեցին, այլև ամրակայվել են հնամենի եկեղեցու հիմքերը։
	Արագածոտնի թեմը նշել է Մելիքգյուղի Սուրբ Հովհաննես եկեղեցու վերաօծման 29-րդ տարեդարձը Երջանկահիշատակ Գարեգին Ա կաթողիկոսը 29 տարի առաջ վերաօծել է Մելիքգյուղի Սուրբ Հովհաննես Մկրտիչ եկեղեցին, որ խոնարհված էր ավելի քան 60 տարի։ Այն կառուցվել է 1891 թվականին Ալաշկերտից եկած գաղթականների կողմից։ 1935 թվականին խորդային իշխանությունների հրամանով դադարել է գործել ու վերածվել պահեստի։ Այս տարի Մայր Աթոռից եկեղեցու վերաօծման օրվա կապակցությամբ առաջին անգամ գյուղ է բերվել Հովհաննես Մկրտչի մասունքը և մատուցվել տոնական պատարագ։
	Արագածոտնի թեմի 25 սպասավորներ Հովհանավանքում դպրական աստիճան են ստացել Հովհանավանքում Արագածոտնի թեմի առաջնորդ Մկրտիչ եպիսկոպոս Պռոշյանը դպրության տվչության կարգ է կատարել: Տեղերի, Օշականի, Ապարանի, Մուղնու, Բյուրականի, Աշտարակի, Հովհաննավանքի, Թալինի և Կոշի եկեղեցիներում ծառայող 25 սպասավորներ նվիրապետական աստիճան են ստացել։ Դպրական աստիճանը եկեղեցու նվիրապետական փոքր աստիճանն է համարվում։ Դպիրը եկեղեցու դուռն է բացում, կարգ ու կանոն հաստատում աղոթատանը, մոմակալ բռնում, Աստվածաշունչ ընթերցում։
	«Ուրու» բենդ «Ուրու» բենդի նոր երգերը շուտով կողողեն համացանցը «Ուրու» բենդի երգերը շուտով հասանելի կդառնանա սոցիալական բոլոր հարթակներում: Բենդը ձևավորվել է անվանի ռոք երաժիշտ Արիկ Գրիգորյանի ղեկավարությամբ՝ Թումոյի աշխատարաններում: Վերջին մեկ տարում խումբը հանդես է գալիս համալրված կազմով և ընդլայնված երգացանկով: Մեկ գաղափարի շուրջ համախմբված ութ տարբեր անհատականություններ ստեղծագործում են հայերեն և երաժշտություն գրում հայ պոետների գործերով:

1 2 3 4 5 › »