Ռեժիսոր Արտակ Ավետյան

Ալեքսանդր Քեմուրջյան

Նվեր Սաֆարյան. խաղաղություն երազող գեներալը

1945թվականի գարնանը խորհրդային զորքերը գրավեցին Բեռլինը և ավարտվեց Երկրորդ աշխարհամարտը: Բեռլինի գրավմանը Խորհրդային բանակի ազգային դիվիզիաներից մասնակցեց միայն հայկականը՝ 89-րդ Թամանյան դիվիզիան: Հրամանատարը գեներալ-մայոր Նվեր Սաֆարյանն էր: Հայկական դիվիզիայի հրամանատարը, որը քսաներորդ դարի երկու աշխարհամարտերի աղետները սեփական մաշկի վրա էր զգացել, մի երազանք ուներ՝ տեսնել Հայաստանը միավորված:

Կյանքի գինը

«Առաջին համաշխարհայինի տարիները դժվար էին: Դժվարություններին դիմանալու համար բաց սիրտ է պետք: Համբուրգում, մի փոքրիկ եկեղեցում, իմ ամենածանր օրը ես կյանք էի ստացել իբրև  պարգև…իսկ ամենակարևորը՝ հասկացել էի դրա գինը»:

Դանիել Վարուժան. «Հեթանոս երգեր»

1913թ. Դանիել Վարուժանի  «Հեթանոս երգեր» բանաստեղծական ժողովածուն  ոգևորության մեծ ալիք բարձրացրեց: Դրա շնորհիվ հեթանոսական գրական շարժումը նոր թափ առավ: Վարուժանի գեղագիտական ծրագիրը անավարտ մնաց, տեղի ունեցավ 1915-ի Հայոց ցեղասպանությունը և խափանվեցին բոլոր ծրագրերը:
«Հեթանոս երգեր» ժողովածուն իր նոր ու յուրահատուկ գեղագիտությամբ մնաց չգերազանցված և չունեցավ հետևորդներ` դառնալով միակը իր տեսակի մեջ:

Համո Բեկնազարյան

Նա սկսեց իր ռեժիսորական աշխատանքը, երբ կինեմատոգրաֆը դեռ համր էր: Նա առաջին հայ կինոռեժիսորն է:
«Նամուս» դրամայից հետո նկարեց առաջին հայկական կինոկատակերգությունը` «Շորն ու Շորշորը», ազգագրական առաջին կինոպատումները` «Զարե» և «Խասփուշ»  ֆիլմերը, հայկական առաջին հնչուն ֆիլմը ` «Պեպոն», պատմահեղափոխական թեմայով  թերևս լավագույն ֆիլմը` «Զանգեզուրը»: Բեկնազարյանը ձևավորեց հայ կինոյի ինքնատիպ ազգային բնույթը` գործածելով լիովին հայկական նյութ` հայ դերասան, ազգային գրականություն, նկարչություն և երաժշտություն:
Համո Բեկնազարյանը գրեթե չունեցավ թույլ կամ չստացված ֆիլմեր, նրա բոլոր ֆիլմերը գոհացնում էին թե հանդիսատեսին, թե քննադատներին:

Սպասված և մերժված

Ըստ վիճակագրության, յուրաքանչյուր 100 աղջկա դիմաց 104-106 տղայի ծնունդ պիտի արձանագրվի: 2011-ին 100 աղջկա հաշվարկով ծնվել է 114 տղա: Այս ցուցանիշով Հայաստանը հայտնվել է սեռով պայմանավորված հղիության արհեստական ընդհատման վատագույն ցուցանիշներ ունեցող երկրների շարքում՝ Չինաստան, Հարավային Կորեա, Ադրբեջան: Սեռով պայմանավորված հղիության ընդհատումների թիվը բարձր է հատկապես մարզերում:

Յանուշ Կորչակ

«Քեզ չեմ ուղղում երկար աղոթք, Տե՛ր: Խորին խոնարհումներ չեմ անում: Քո փառքը չեմ գովաբանում և չեմ մատուցում ճոխ զոհաբերություն: Քեզ չեմ ձգտում մոտենալ, Ամենակալ,  ստանալու համար ողորմությունդ: Իմ մտքերը չունեն թևեր, որ իմ երգը երկինք հասցնեն: Բառերն իմ գունեղ չեն և ոչ էլ խնկաբույր: Հոգնած եմ ես և ուժասպառ: Աչքերն իմ խամրել են, մեջքս կքվել է հոգսերի բեռից: Քեզ եմ դիմում, Տե՛ր, սրտագին խնդրանքով: Տո՛ւր երեխաներին ուրախություն, օգնի՛ր ու օրհնի՛ր նրանց ջանքերը»:Յանուշ Կորչակ: Գրող, բժիշկ, մարդ: Նրա կյաքի բացառիկ պատմությունը ՝«Քրիստոնյայի օրագիր» շարքով:

Նորման Ուիսդոմ

Արվեստում ամենադժվար բանը ծիծաղեցնելն է, իսկ նա հիանալի էր դա անում: Նորման Ուիսդոմը՝  Չապլինի ամենասիրելի ծաղածուն: Ուիսդոմի կյանքն ու ստեղծագործական ուղին՝ «Հայտնի-անհայտ կինո» հաղորդաշարում:   

Տոնինո Գուերա

«Լավ կլիներ՝ լինեին  աշխարհներ, որտեղ կկարողանայիր ժամանակը կանգնեցնել ու  սպասել հետ ընկող հոգիներին...»: Տոնինո Գուերա. նրա կյանքն ու ստեղծագործական ուղին՝ «Հայտնի-անհայտ կինո» հաղորդաշարում:

Աթոս Մարգարյան

Նկարիչ, դիզայներ Աթոս Մարգարյանը գնացքների հավաքածու ունի: Դրանց մի մասը ինքն է պատրաստել՝ ուսումնասիրելով խորհրդային շոգեքարշերի ինժեներական գծագրերը: