Հիշողություն և անվտանգություն


Հավաքական հիշողությունը անվտանգության գործիք է, որը մի կարեւոր բաղադրիչ ունի՝ ինչը մոռանալ։ Հենց այդ պատճառով է Ադրբեջանը ջնջում ու հիմնահատակ ավերում Արցախի պետականության վերաբերյալ ցանկացած խորհրդանիշ։ Արցախը յուրացնելուց հետո Ադրբեջանը առաջինը ոչնչացրեց պետականությունը հիշեցնող ինստիտուտները։ Ավերում ու վերախմբագրում է հայերի դարերով Արցախում ապրելու վկայությունները՝ եկեղեցիներն ու պատմամշակութային հուշարձանները։ Ինչո՞ւ է հավաքական հիշողությունը անվտանգության մաս։ Աննա Սարգսյանը զրուցել է ազգագրագետ Ռուզաննա Ծատուրյանի հետ:

Ճանապարհ ճշմարտության և կյանքի


Ինչպե՞ս է Քրիստոս մեր ճանապարհը դառնում և այդ նույն ճանապարհի ուղեկցը. Մեկնաբանում է Տ. Ռուբեն վարդապետ Զարգարյանը։

Վերաօծվել է Հաղարծինի ավելի քան 1 դար չգործող Սուրբ Աստվածածին եկեղեցին


Արագածաոտնի թեմի առաջնորդ Մկրտիչ եպիսկոպոս Պռոշյանը սրբալույս մյուռոնով օծել է եկեղեցու սուրբ սեղանը, մկրտության ավազանը, սյուներն ու խաչը: Սուրբ Աստվածածինը դռները բացել է Հաղարծին, Թեղուտ, Հովք ու հարակից համայքների բնակիչների առջև: Եկեղեցին կառուցվել է 1848 թվականին, սակայն 1902 թվականին փայտաշեն տանիքը քանդվել է։ Խրիմյան Հայրիկը գումար է հատկացրել եկեղեցին վերակառուցելու համար, սակայն գումարը ծախսել են աղքատների կարիքների համար։ Ավելի քան մեկ դար անց եկեղեցին վերակառուցվել է Հաղարծինի բնակիչների ջանքերով։

 

12-րդ անգամ անցկացվել է «Ֆրեսկո» արդի արվեստի և հոգևոր ֆիլմերի միջազգային փառատոնը


Այն Հայաստանի մշակութային կյանքում յուրօրինակ հարթակ է, որը համադրում է արվեստը, հոգևոր, մարդասիրական արժեքները: Փառատոնն անցկացվել է օգոստոսի 18-ից սեպտեմբերի 5-ը: Լոռու, Կոտայքի մարզերի մի շարք քաղաքներում ու Երևանում մարդիկ համերգային երեկոների են մասնակցել, որոնց հաջորդել են ֆիլմերի դիտումներն ու քննարկումները: Փառատոնին ընտրվել են այնպիսի ֆիլմեր, որոնցում շեշտադրված են հոգևոր ու մարդասիրական արժեքները, որոնք քարոզում են սեր, բարություն, խաղաղասիրություն, դժվարություններից չընկրկելու հաստատակամություն:

 

Ճարտարապետը ներկայացրել է Քարաշամբի Սուրբ Գեւորգ եկեղեցին վերականգնելու նախագիծ


Քարաշամբի Սուրբ Գեւորգ եկեղեցին բացառիկ կառույց է։ Մասնակի պեղումներ վերջին անգամ 1983 թվականին են արվել: Այժմ պահպանման, ամրակայման և ցուցադրման կարիք ունի: Կանգուն է միայն կառույցի հյուսիսային հատվածը՝ խաչաթև գմբեթով: Աղոթատունը կառուցված է սև և բաց դարչնագույն սրբատաշ տուֆից: Կառուցման թվականի մասին հիմնավոր տեղեկություններ չեն պահպանվել: Հայտնի է սակայն, որ հատակագծային այսպիսի հորինվածքը հատուկ է 7-րդ դարի եկեղեցիներին: Կառույցի մուտքը, հարդարանքը ևս մասնագետներին թույլ են տվել եզրակացնել, որ աղոթատունը կառուցվել է 7-րդ դարում:

 

Հույսը շնորհ է


Ի՞նչ դերակատարություն կարող է հույսն ունենալ քրիստոնյայի կյանքում, ինչո՞ւ է այն սիրո և հավատի հետ պարգև համարվում, ինչո՞ւ ենք Տիրոջն անընդհատ խնդրում ավելացնել մեր հույսը, հավատն ու սերը. Մեկնաբանում է Տ. Ռուբեն վարդապետ Զարգարյանը։

Պատերազմ գիտության ճակատում


Հայաստանի հետ խաղաղության պայմանագիրը կստիպի՞ Ադրբեջանին կեղծ-գիտական հրապարակումներ չանել այն մասին, որ Երևանը ադրբեջանական է, հայերը մեղավոր են բնապահպանական տեռորիզմի, ադրբեջանական տարածքների օկուպացիայի, մինչև անգամ՝ հրեաների ցեղասպանության մեջ, կամ՝ Ադրբեջանը կդադարի՞ յուրացնել հայկական մշակութային ժառանգությունը: Աննա Սարգսյանը թեման քննարկել է «Գեղարդ» գիտավերլուծական հիմնադրամի փորձագետ, պատմական գիտությունների թեկնածու Գոռ Մարգարյանի հետ:

Ադրբեջանը մեղադրում է հայերին հրեաների ցեղասպանության մեջ


Երևանը ադրբեջանական է, հայերը մեղավոր են բնապահպանական տեռորիզմի, ադրբեջանական տարածքների օկուպացիայի, մինչև անգամ՝ հրեաների ցեղասպանության մեջ. միջազգային գիտական պարբերականներում հրապարակվող ադրբեջանցիների կեղծ գիտական հոդվածների քանակը մեծապես աճել է վերջին տարիների ընթացքում: «Գեղարդ» հիմնադրամը հնարավորինս հակազդում է՝ բողոքներ ներկայացնելով ամսագրերի խմբագրություններին, միևնույն ժամանակ, հիմնադրամի փորձագետը կարծում է, որ դա ոչ միայն ադրբեջանցի անհատ գիտնականների կողմից գիտական էթիկայի ոտնահարում է, այլև՝ Բաքվի պաշտոնական քաղաքականության մաս, հիբրիդային պատերազմի գործիք Հայաստանի դեմ: Աննա Սարգսյանը զրուցել է «Գեղարդ» գիտավերլուծական հիմնադրամի փորձագետ, պատմական գիտությունների թեկնածու Գոռ Մարգարյանի հետ:

Դատավորն առանց հիմնավոր պատճառաբանության մերժել է Միքայել Սրբազանի պաշտպանների միջնորդությունը


Պաշտպանները միջնորդություն են ներկայացրել ապօրինի ճանաչել առաջնորդարանում իրավապահների կատարած խուզարկությունները, որովհետեւ դրա ընթացքում ներկա չի եղել սրբազանը կամ նրա ներկայացուցիչը, թույլ չեն տվել ներս մտնել նաև սրբազանի փաստաբանին, տեսանկարահանումն իրականացվել է անհայտ սուբյեկտի կողմից, առգրավված համակարգիչը չի փաթեթավորվել սահմանված կարգով՝ տեղում, առգրավման պահին։ Դատարանը մերժել է ապացույցներն անթույլատրելի ճանաչելու մասին փաստաբանների միջնորդությունը՝ առանց հիմնավոր պատճառաբանության: Միքայել Սրբազանի պաշտպանները դատարանի որոշումը որակել են անօրինական եւ կողմնակալ։

 

Ավելի քան 200 երեխա մասնակցել է բակային հոգեւոր ճամբարի


Մասյացոտնի թեմի առաջնորդ Գևորգ եպիսկոպոս Սարոյանի նախաձեռնությամբ և «Կամրջակ» սոցիալ-բարեգործական ՀԿ հովանավորությամբ՝ Արտաշատի սուրբ Հովհաննես Ավետարանիչ Առաջնորդանիստ եկեղեցում իրականացվել է բակային-հոգևոր ճամաբար, որին մասնակցել է 7-12 տարեկան ավելի քան 200 երեխա: ճամբարականների բազմազբաղ առօրյայի կարևոր մաս են կազմել հոգևոր թեմաներով զրույցները:

2020-ի պատերազմի հիշողությունը Թուրքիայում, Ադրբեջանում և Հայաստանում


Ադրբեջանի և Թուրքիայի ռազմական հաջողությունը 2020 թվականի պատերազմում թույլ տվեց այս երկրներին խթանել անտագոնիստական հիշողության քաղաքականությունը, և դա կարող է երկարատև ազդեցություն ունենալ տարածաշրջանային կայունության վրա։ Այնուամենայնիվ, հայկական դեպքը, կարծես, որոշակի հույս է ներշնչում, որ տարածաշրջանում հիշողության քաղաքականությունը լիովին դատապարտված չէ հավերժական անտագոնիզմի, բայց այն հարցը, թե ինչպիսին կլինի դրանց նոր կոնկրետ ուղղությունը՝ կոսմոպոլիտ, թե ագոնիստական, դեռևս բաց է մնում։ Աննա Սարգսյանը զրուցել է ազգագրագետ Արսեն Հակոբյանի հետ:

Տնտեսական աճի միֆերն ու իրականությունը


Ինչո՞վ է ապրում Հայաստանի տնտեսությունը: Ինչպե՞ս է ապրում միջին վիճակագրական հայաստանցին: Ինչի՞ մասին են խոսում Երևանի՝ լեցուն սրճարանները և ինչի՞ մասին են խոսում մասնագիտական վերլուծությունները: Աննա Սարգսյանը զրուցել է տնտեսագետ, «Տվյալ» Tvyal.com կազմակերպության ղեկավար Աղասի Թավադյանի հետ: