Օպերատոր Մեսրոպ Ավետիսյան

Տավուշի Սևքար համայնքում բացվել է Ավետիս սոցիալ-մշակութային կենտրոնը

«Ավետիս» սոցիալ-կրթական կենտրոնի տեղում նախկինում երաժշտական դպրոց է գործել: Ժամանակի ընթացքում չվերանորոգվելով՝ շենքը քայքայվել ու վատթար վիճակում է հայտնվել: 2004 թվականին այն Հայ առաքելական եկեղեցուն է փոխանցվել՝ լուսահոգի Սեպուհ արք Չուլջյանի ջանքերով: 2025 թվականի մայիսից Տավուշի թեմի առաջնորդական փոխանորդ Սամվել վարդապետ Մխիթարյանը բարերար անձանց օգնությանն է դիմել՝ կենտորնը հիմնովին նորոգելու համար: Օժանդակել են Սասուն Ավետիսյանը, Հակոբ Մենեմշյանը, Կարեն Գրիգորյանը, նաև ԱՄՆ Հայոց Արևելյան թեմը:

Մալաթիայի Հայորդյաց տան սաները «Univers Art» մրցույթում 1-ին տեղ են գրավել

Մալաթիայի Հայորդյաց տան մանրանկարչության դասարանի սաների՝ Մանե Ջավադյանի «Դատարկ Գերեզման», Էլեն Ծատուրյանի «Համբարձում», Տիգրան Հովսեփյանի «Ավետում» և Կարինա Ղազարյանի «Դժողքի ավերումը» մանրանկարները մասնակցել են «Univers Art» միջազգային փառատոնին և առաջին տեղ գրավել։ Այդ ստուգատեսին մասնակցել են 5-18 տարեկան մոտ 600 երեխա: Աշխատանքները ցուցադրվել են Նկարիչների միությունում:

Լեռնային Ղարաբաղ. Մշակույթի իրավունքի խախտումները և բռնի տեղահանումները

Լույս է տեսել «Լեռնային Ղարաբաղ. Մշակույթի իրավունքի խախտումները բռնի տեղահանության համատեքստում» աշխատությունը: Գիրքը նվիրված է 2020-2023 թվականների ընթացքում Ադրբեջանի կողմից սանձազերծված պատերազմների, էթնիկ զտումների, ցեղասպանական գործողությունների, ռասայական ատելության, խտրականության և մշակութային ժառանգության համակարգված ոչնչացման հետևանքով իրենց պատմական հայրենիքից բռնի տեղահանված արցախահայերի մշակույթի իրավունքի բազմակողմ խախտումների ուսումնասիրությանը և դրանց պաշտպանության մեխանիզմների ներկայացմանը։ Աննա Սարգսյանը զրուցել է մենագրության հեղինակ, պատմական գիտությունների թեկնածու Արմինե Տիգրանյանի հետ:

Տ. Շմավոն քահանա Ղևոնդյան

Ինչո՞ւ են տաղավար տոները հինգը:
Կաթողիկոսին դիմելիս ինչո՞ւ են օգտագործում գրաբարյան ձևը՝ Ամենայն հայոց, այլ ոչ՝ բոլոր հայերի:
Մյուռոնից հանելը ժողովրդակա՞ն, թե՞ հոգևոր արարողություն է:
Մոմավառության սովորությունը երբվանի՞ց է կիրառվում մեր եկեղեցում:
Ինչպե՞ս չընկնել բարկության մեղքի մեջ:

Հեռուստադիտողների և օգտատերերի հարցերին պատասխանել է Տ. Շմավոն քահանա Ղևոնդյանը: Գրեք ձեր հարցերը «Հարց ու պատասխան» ֆեյսբուքյան էջին:
 

Վարագա Սուրբ խաչի տոնին վերաօծվել է Երնջատափի Սուրբ Նշան եկեղեցին

Դռնբացեքով սկսվել է օծման արարողությունը, ապա Արագածոտնի թեմի առաջնորդ Մկրտիչ եպիսկոպոս Պռոշյանը սրբալույս մյուռոնով օծել է եկեղեցու սուրբ սեղանը, մկրտության ավազանը, սյուները, նաև եկեղեցու գագաթին դրվող երկաթյա խաչը: Օծումից հետո թեմակալ առաջնորդի հանդիսապետությամբ սուրբ պատարագ է մատուցել Տեր Հովհաննես աբեղա Թորգոմյանը:

Մարմարաշենի եկեղեցում հավատացյալները նշել են Սուրբ Գեւորգի հիշատակության օրը

Մասյացոտնի թեմակալ առաջնորդ Գևորգ եպիսկոպոս Սարոյանը օրհնել է հավատացյալներին՝ հայցելով սրբի բարեխոսությունը դժվարին ժամանակներ ապրող Հայաստանի ու եկեղեցու համար: Պատարագի ավարտին եկեղեցում կազմակերպվել է տոնախմբություն և մատուցվեց սիրո ճաշ:

Մալաթիայի հայորդյաց տան 17 սան մրցանակ է ստացել «Univers Art 2025» փառատոնին

Միջազգային փառատոնին մասնակցել է 5-18 տարեկան մոտ 600 երեխա: Եզրափակիչ փուլում ցուցահանդես է բացվել Հայաստանի Նկարիչների միությունում, ապա Հայ-Սլավոնական համալսարանի դահլիճում տեղի է ունեցել հանդիսավոր մրցանակաբաշխություն և գալա համերգ: Մալաթիայի հայորդյաց տան Գեղանկարչության երկու դասարանների 17 սան մրցանակով է վերադարձել, ութը՝ 1-ին տեղ են գրավել:

Եկեղեցի-պետություն իրավահարաբերությունները և դրանց խախտումները մեր օրերում

ՀՀ Սահմանադրության 17-րդ հոդվածի համաձայն՝ «Հայաստանի Հանրապետությունում երաշխավորվում է կրոնական կազմակերպությունների գործունեության ազատությունը: Կրոնական կազմակերպություններն անջատ են պետությունից»: Ի՞նչ սահմանափակումներ է նախատեսում օրենքը թե ՛ պետական մարմնի ու անհատ պաշտոնյայի, թե՛ կրոնական կազմակերպության և դրա ներկայացուցչի նկատմամբ: Աննա Սարգսյանը զրուցել է փաստաբան Աննա Սարդարյանի հետ:

Դոնորություն՝ սիրո դրսևորու՞մ, թե՞ մարմնի պղծում

Ի՞նչ է մարմինը քրիստոնեական վարդապետության տեսանկյունից. Մեկնաբանում է Տ. Ռուբեն վարդապետ Զարգարյանը։

Օծվել է Արագածավանի Սուրբ Ամենափրկիչ եկեղեցին

Եկեղեցին սկսել են կառուցել 2011 թվականից բարերար Հակոբ Սարգսյանի ջանքերով։ Այժմ Եկեղեցուն կից զանգակատուն է կառուցվում՝ հովվատնով։ Եկեղեցու բացմանը Արագածոտնի թեմակալ առաջնորդ Մկրտիչ եպիսկոպոս Պռոշյանը հորդորել է համայնքի բնակիչներին ամենօրյա սեր ու գուրգուրանք ցուցաբերել եկեղեցու հանդեպ, իրենց ներկայությամբ մշտապես լեցուն պահել, հավատքի գործերով զորանան ու զորացնեն մյուսներին: