Օպերատոր Մեսրոպ Ավետիսյան

Արարատյան հայրապետական թեմը Թարգմանչաց տոնի առիթով կազմակերպել է ինտելեկտուալ խաղ

3 փուլից բաղկացած խաղին մասնակցել է ԱՀԹ 11 երիտասարդաց միություն։ Հաղթական գավաթը նվաճել է Արաբկիրի Սուրբ Խաչ եկեղեցու երիտասարդաց միության թիմը:  Երկրորդ հորիզոնականը զբաղեցրել է Նորք-Մարաշի Սուրբ Աստվածածին եկեղեցու «Գանձասար» երիտասարդաց միությունը, 3-րդ հորիզոնականը զբաղեցրել է Զորավոր Սուրբ Աստվածածին եկեղեցու՝ «Զորավոր» միությունը: Հաղթողներին տրվել են պատվոգրեր ու մրցանակներ: ԱՀԹ երիտասարդաց միությունների հոգևոր խորհուրդը տավա մեջ մի քանի անգամ տարբեր թեմաներով անցկացնում է ինտելեկտուալ փառատոններ: Սա այս տարվա 4-րդ խաղն էր: 

Ինչպե՞ս ձեւավորել դասական երաժշտության ունկնդիր

Ի՞նչ դժվարություններ է հաղթահարել Հրաչուհի Բասենցը միջազգային ճանաչման համար

«Երևանյան 16-րդ միջազգային երաժշտական փառատոնին» Արամ Խաչատրյան համերգասրահում հնչել են Ռիխարդ Շտրաուսի ստեղծագործությունները: Հանդես են եկել  օպերային երգչուհի Հրաչուհի Բասենցն ու դաշնակահար Հելմուտ Դոյչը: Հրաչուհի Բասենցը «Արտֆոկում» Անահիտ Մարգարյանի հետ զրույցում ներկայացրել է, թե ինչպե՞ս են իրեն դիմավորել արևմուտքում և ի՞նչ դժվարություններ է հաղթահարել միջազգային ճանաչում ձեռքբերելու ճանապարհին: Երգչուհին անդրադարձել է արևմուտքում դասական երաժշտության ունկնդիր ձևավորելու` հանրակրթական հաստատությունների փորձին:
 

Կյանքը՝ տրված խաչից

Խաչի վրա է հիմնադրվում Քրիստոսի եկեղեցին։ Սա մեծ խորհրդաբանություն ունի եւ կապված է կին-տղամարդ հարաբերությանը։ Երբ նայում ենք Արարչագործության Պատմությունը, տեսնում ենք, որ մարդու արարումը ավարտվում է ընտանիքի արարումով և կինն է արարվում։ Կինը արարվում է հողեղեն էակի կողոսկրից։ Հետեւաբար այստեղ՝ եկեղեցին՝ որպես հարս, հիմնադրվում է Քրիստոսի կողոսկրից։ Սա մատնանշում է եկեղեցու երկու կարեւոր խորհուրդները՝ մկրտության խորհուրդը, որով մենք վերածնվում ենք եւ դառնում ենք եկեղեցու զավակ և սուրբ հաղորդության խորհուրդը, որով մենք հաղորդակից ենք դառնում եկեղեցու հիմնադրին՝ Հիսուս Քրիստոսին։ Ի՞նչ էական տարբերություններով են ավետարանիչները ներկայացնում Հիսուսի մահը. մեկնաբանում է Տ Ռուբեն վարդ. Զարգարյանը։

Պատմական երկու իրադարձությունները մեծ ոգեւորություն են առաջացրել

Սեպտեմբերի 28-ին և 29-ին հայ հոգևոր և ազգային կյանքում երկու խոշոր իրադարձություններ տեղի ունեցան: Օրհնվեց հայաստանյայց եկեղեցու նոր մյուռոնը և վերաօծվեց ու վերաբացվեց Սուրբ Էջմիածնի մայր տաճարը: Երկու իրադարձությունն էլ մեծ ոգևորություն առաջացրին Հայաստանում և սփյուռքում, դարձան հայ համայնքները կապող, միավորող խոշոր միջոցառումներ: Այդ օրերին հազարավոր ուխտավորներ աշխարհի տարբեր երկրներից հանդիպեցին Մայր Աթոռում, աղոթեցին` միացած հոգևոր նույն ուխտով:

Ծաղկաձորի Կեչառիս վանքում նորօրհնյալ մյուռոնի առիթով կատարվել է ջրօրհնեքի կարգ

Սա բացառիկ արարողություն է, քանի որ ջրօրհնեք կատարվում է տարվա մեջ մեկ օր՝ հունվարի 6-ին, երբ Հայ առաքելական սուրբ եկեղեցին նշում է Հիսուս Քրիստոսի ծնունդն ու մկրտությունը: Ջրօրհնեքի արարողություն է կատարվում նաև մյուռոնօրհնությունից անմիջապես հետո, նորօրհնյալ մյուռոնի զորությունը հավատացյալներին փոխանցելու համար:

Մշակութային հիմնադրամի գործունեությունը

Նիկոլայ Նիկողոսյանի քանդակները դարձել են Երևանի մշակութային այցեքարտերը

ԽՍՀՄ և ՀԽՍՀ ժողովրդական նկարիչ, պետական մրցանակի դափնեկիր, Ռուսաստանի գեղարվեստի ակադեմիայի ակադեմիկոս, պրոֆեսոր Նիկոլայ Նիկողոսյանի հեղինակած Եղիշե Չարենցի, Միքայել Նալբանդյանի, Վահան Տերյանի հուշարձանները համարվում են մոդեռնիստական արվեստի լավագույն նմուշներից: Այս քանդակները դարձել են Երևանի մշակութային այցեքարտերը: Վարպետի և նրա անունը կրող մշակութային կենտրոնների մասին «Արտֆոկուսի» տաղավարում պատմել են Մոսկվայում գործող «Նիկո» պատկերասրահի հիմնադիր-տնօրեն, «Նիկոլայ Նիկողոսյան մշակութային հիմնադրամի» հիմնադիր Գայանե Նիկողոսյանը և «Նիկոլայ Նիկողոսյան մշակութային հիմնադրամի» տնօրեն, արվեստաբան Լիլիթ Հովհաննիսյանը:
 

Կ. Պոլսի Հայոց պատրիարքությունից արարողություններին շուրջ 50 հոգանոց խումբ է մասնակցել

Ստամբուլից ժամանած ուխտավորները ոգեւորվել եւ համախմբվել են մյուռոնօրհնության ու Տաճարի վերաօծման արարողությունների առիթով։ Արարողություններին չմասնակցած հավատացյալները սպասում են Սահակ արք. Մաշալյանի գլխավորությամբ 50 հոգանոց խմբի վերադարձին, որպեսզի ստանան Մայր Աթոռի օրհնություն ու ջերմությունը:

Մայր Տաճարում պատարագ է մատուցել Բրազիլիայի թեմի առաջնորդ Նարեկ եպիսկոպոս Բերբերյանը

Հավատացյալները հիացած, հուզված, կարոտած, մարդիկ շրջում են Մայր Տաճարում, իսկ երեկոյան մասնակցում սուրբ պատարագի: Այս անգամ Սուրբ Պատարագ է մատուցել Բրազիլիայի թեմի առաջնորդ Նարեկ եպիսկոպոս Բերբերյանը։ Մայր Տաճարում այս շաբաթ ամեն օր, երեկոյան պատարագ է մատուցվում: Մասնակցում են ուխտավորներ Հայաստանի և Սփյուռքի բոլոր թեմերից:

Մյուռոնը՝ հաշտության նշան

Եկեղեցու հայրերը մյուռոնը անվանում հաշտության յուղ: Մասյացոտնի թեմի առաջնորդ Գևորգ եպիսկոպոս Սարոյանի մեկնաբանմամբ եկեղեցին նկատի ունի ներքին՝ ազգային, նաև միջանձնային հաշտություն։ Ըստ նրա՝ հաշտությունը քրիստոնեական իմաստով ներում է։ Ինչպե՞ս կարելի է հաշտության գալ, երբ հանրային կյանքում կան բազմաթիվ անհամաձայնություններ, մինչև իսկ՝ թշնամանք: Աննա Սարգսյանը Գևորգ եպիսկոպոս Սարոյանի հետ քննարկել է մյուռոնի, հաշտության և ներման շղթայական կապը։

Կ. Պոլսի Հայոց Պատրիարքը Սուրբ Պատարագ է մատուցել նորաօծ Մայր Տաճարում

Տաճարի վերաօծման հաջորդ օրը, Ամենայն Հայոց Կաթողիկոսի հանդիսապետությամբ սուրբ Պատարագ է մատուցել Կ. Պոլսի Հայոց Պատրիարք Տ. Սահակ արքեպիսկոպոս Մաշալյանը։ Վեհափառ Հայրապետի օրհնությամբ առաջիկա շաբաթվա բոլոր օրերին` երեկոյան 7-ին, վերաօծված Մայր Տաճարում կմատուցվի Սուրբ և Անմահ Պատարագ՝ Հայաստանում խաղաղության, ժողովրդի անվտանգ կյանքի, ինչպես նաև անհետ կորածների, գերության մեջ գտնվողների և զոհվածների ու նրանց ընտանիքների համար։