Հեղինակ Լիանա Չիչակյան

Ռուբեն Վարդանյանի նախաձեռնած Դիլիջանի նոր եկեղեցու շինարարությունը վերսկսվել է հանգանակությունների միջոցով

Հիմնանորոգվում է ԶՈւ հոգևոր առաջնորդության Սուրբ Աստվածածին առաջնորդանիստ եկեղեցին

Զինված ուժերի հոգևոր առաջնորդության Սուրբ Աստվածածին առաջնորդանիստ եկեղեցում այս օրերին ընթանում են շինարարական լայնածավալ աշխատանքներ: Մայր Աթոռի ճարտարապետական բաժինը պետական կառույցների հետ քննարկել է աշխատանքի ծավալն ու անելիքները: Ամբողջությամբ կնորոգվի եկեղեցու տանիքը, կկատարվեն հիմքի և պատերի ամրակայման աշխատանքներ, որից հետո կանցնեն ներքին հարդարման աշխատանքներին:

Պահոց շրջանում՝ ուրբաթ օրերին, կկատարվեն Հանգստյան

ժամերգություններ, իսկ չորեքշաբթի առավոտյան՝ արևագալի Երեկոյան Խաղաղական և հանգստյան ժամերգությունները կատարվում են մայրամուտից առաջ, խորհրդանշելով Քրիստոսի թաղումը, դժոխք իջնելն ու արդարներին տանջանքներից ազատելը: Հոգևորականները անդորր ու խաղաղություն են խնդրում ամենօրյա մեղքերով ծանրաբեռնված մարդու հոգու համար:

Երեւանում Արցախից տեղահանված երեխաների համար բացվել է վերականգնողական կենտրոն

Ծրագիրն իրականացվում է «ՍՕՍ Արևելքի քրիստոնյաներ» կազմակերպության ֆինանսավորմամբ: Նորաբաց կենտրոնում անվճար կսպասարկվեն մանկական ուղեղային կաթված, գլոբալ զարգացման հապաղում, բնածին և ձեռքբերովի այլ շեղումներ ունեցող երեխաները: Դռները բաց են լինելու նաև կինեզիոթերապևտի, հոգեբանի, լոգոպեդի կարիք ունեցող երեխաների համար՝ առանց տարիքային սահմանափակման: Կենտրոնը բացվել է Արցախի թեմի առաջնորդ Վրթանես եպիսկոպոս Աբրահամյանի օրհնությամբ և առաջնորդությամբ։

Ամենայն Հայոց Կաթողիկոսի հայրապետական տնօրինությամբ կատարվել են եկեղեցականների նոր նշանակումներ

Տ. Վարդան եպիսկոպոս Նավասարդյանը, ազատվելով Բալթյան երկրների հայոց թեմի առաջնորդի պաշտոնից, նշանակվել է Ավստրալիայի և Նոր Զելանդիայի հայոց թեմի առաջնորդ, Հնդկաստանի և Ծայրագույն Արևելքի հայրապետական պատվիրակ։ Տ. Շնորհք աբեղա Սարգսյանն, ազատվելով Արևմտյան Եվրոպայի Հայրապետական պատվիրակությունում ստանձնած պարտականություններից, ծառայության է կոչվել Մայր Աթոռ Սուրբ Էջմիածնում, որպես եկեղեցականաց և երիտասարդաց վերապատրաստման ծրագրերի փոխտնօրեն: Տ. Գաբրիել քահանա Վարդանյանը, ազատվելով Գևորգյան հոգևոր ճեմարանում ստանձնած պարտականություններից, ծառայության է կոչվել Կանադայի հայոց թեմում։

Հայ Առաքելական Եկեղեցին տոնում է Հիսուս Քրիստոսի անվանակոչությունն ու մկրտությունը

Անվանակոչության տոնին հայոց բոլոր եկեղեցիներում Պատարագ է մատուցվում, իսկ նախորդ օրը՝ երեկոյան ժամերգության ավարտին, կատարվում է նախատոնակի արարողություն: Այս տոնին հայոց բոլոր եկեղեցիներում ընթերցում են Ղուկասի Ավետարանի երկրորդ գլուխը։ Ինչպես անփոփոխ է Աստվածորդու լույս աշխարհ գալու օրը՝ հունվարի 6-ը, այնպես էլ Նրա անվանակոչության և մկրտության օրն է հաստատուն:

Կոտայքի թեմի առաջնորդարանն ամեն տարի երեխաների համար կազմակերպում է Սուրբ Ծննդյան տոնակատարություն

Կոտայքի թեմի սոցիալական բաժինը տարբեր ծրագրեր է իրականացնում: Հոգևորականներն իրենց ամենօրյա աշխատանքի բերումով անձամբ ճանաչում են կարիքի մեջ հայտնված մարդկանց, վերջին տարիներին նաև՝ Արցախից տեղահանված և Կոտայքի տարբեր համայնքներում վերաբնակված ընտանիքներին: Նրանց համար իրականացվում են աջակցության տարբեր ծրագրեր:

Մայր Տաճարում մատուցվել է Սուրբ Ծննդյան ճրագալույցի պատարագ

Գարեգին Երկրորդ Ամենայն Հայոց կաթողիկոսի հանդիսապետությամբ Մայր տաճարում մատուցվել է Սուրբ Ծննդյան ճրագալույցի պատարագ։ Սուրբ Ծննդյան շարականների երգեցողությամբ և Աստծո որդու ծնունդն ավետող ավետարանական մարգարեությունների ընթերցանությամբ է կատարվել նախատոնակը։ Վառելով լապտերներն ու կանթեղները, հավատացյալները օրհնաբեր ավետիսը տարել են իրենց տները և միմյանց փոխանցել Սուրբ Ծննդյան ցնծագին լուրը:

Գ. Սունդուկյանի ազգային ակադեմիական թատրոնում կայացել է Հայորդյաց տների 30 ամյակի գալահամերգը

Մայր Աթոռ Սուրբ Էջմիածնի և Հայկական բարեգործական ընդհանուր միության հայորդյաց տների սաները Ազգային ակադեմիական թատրոնում ներկայացրել են կատարողական արվեստի բոլոր ճյուղերը՝ երգ, պար, դասական և ազգային նվագարաններ, թատրոն և կրկես: Հայաստանի համայնքներում գործող ութ հայորդաց տներից շուրջ 500 տարբեր տարիքի պատանիներ հանդես են եկել մեկ ընդհանուր համերգային ծրագրով: Այն նախատեսվում էր կազմակերպել դեռևս մեկ տարի առաջ՝ սեպտեմբերին: Հոբելյանական համերգը հետաձգվել է Արցախյան բռնի տեղահանության պատճառով:

Գարեգին Երկրորդ Ամենայն Հայոց Կաթողիկոսն ընդունել է վերապատրաստված քահանաներին

Մայր Աթոռում ավարտվել է քահանաների վերապատրաստման ծրագրի դեկտեմբերյան հավաքը: Այդ առիթով Գարեգին Երկրորդ Ամենայն Հայոց Կաթողիկոսն ընդունել է դասընթացին մասնակցող Հայաստանի և Սփյուռքի թեմերից ժամանած քահանաներին: Շուրջ երկու տարի տասնյակ քահանաներ Ս. էջմիածնում աղոթքի, խոկման և գիտելիքների վերաթարմացնան երեքշաբաթյա շրջան են անցնում: