Հեղինակ Լիանա Չիչակյան

Մխիթար Սեբաստացի հետազոտական վարժարանի աշակերտները ուխտավորաբար մեկնել են Հորդանան

Կրթահամալիրի հեղինակային ծրագրով ճամփորդությամբ ուսուցումը ուսումնական պլանով պարտադիր բաղադրիչ է Սեբաստացի կրթահամալիրում: Այդ ծրագրով նախատեսված է բարձունքի հաղթահարում, ուսումնական և ռազմամարզական ճամբարներ, կրթական փոխանակումներ։ Այդ համատեքստում հետազոտական վարժարանի ղեկավար Մարթա Ասատրյանը և Հովհաննես սարկավագ Մարտիրոսյանը նախաձեռնել են ուսումնական ուխտագնացություն դեպի Հորդանան:

Ամիրդովլաթ Ամասիացու «Օգուտ բժշկության» աշխատության ընդօրինակված ձեռագիրը նվիրվել է Մատենադարանին

Երևանի Մխիթար Հերացու անվան պետական բժշկական համալսարանի ջանքերով ձեռք է բերվել 15-րդ դարի հայ բժշկապետ Ամիրդովլաթ Ամասիացու «Օգուտ բժշկության» աշխատության 18-րդ դարում ընդօրինակված ձեռագիր մատյանը և նվիրաբերվել Մատենադարանին: Ձեռագիրը ձեռք է բերվել աճուրդի միջոցով մասնավոր հավաքածուից: Նրանք նախանձախնդիր են եղել նաև, որ ձեռագիրը տեղ գտնի Մատենադարանում և ուսումնասիրության նյութ դառնա բժշկագետների համար:

Հայ Առաքելական եկեղեցին նշել է Ամենայն Հայոց Կաթողիկոսի օծման և գահակալության 25-րդ տարեդարձը

Մայր Տաճարում ուխտի Սուրբ Պատարագ է մատուցել Արգենտինայի և Չիլիի թեմի առաջնորդ Տ. Առեն եպիսկոպոս Շահենյանը: Ամենայն Հայոց Հայրապետի օծման և գահակալության 25-րդ տարեդարձի առթիվ պատարագից հետո կատարվել է Հայրապետական մաղթանք: Սրբազան արարողությունը հանդիսապետել է Կ․ Պոլսի Հայոց Պատրիարք Տ․ Սահակ արքեպիսկոպոս Մաշալյանը:

Գեւորգյան Հոգեւոր ճեմարանի 5 շրջանավարտ պաշտպանել է մագիստրոսական ավարտաճառերը

Գևորգյան հոգևոր ճեմարանի հանդիսությունների դահլիճում Պատմական աստվածաբանության ամբիոնի հինգ շրջանավարտներ պաշտպանել են մագիստրոսական ավարտաճառերը: Քննող հանձնախումբը նախագահել է Մայր Աթոռի Հայեցակարգային բաժնի տնօրեն Տեր Վազգեն արքեպիսկոպոս Միրզախանյանը: Սարկավագների գիտական ուսումնասիրության նյութը 16-19-րդ դարերում Հայոց Եկեղեցու կարևոր ու շրջադարձային իրողություններն են եղել։

Օշականի Սբ.Մեսրոպ Մաշտոց եկեղեցու դպրատանը տեղին է ունեցել «կանթեղ» մրցանակաբաշխությունը

Այս տարվա մրցանակակիրներն են Հենրիկ Բախչինյանը՝ ֆրանսիական գրականության թարգմանության, Սերգեյ Մկրտչյանը՝ ֆրանսերենից և անգլերենից կատարված գործերի և Անուշավան Մեսրոպյանը՝ ուկրաիներենից հայերեն և հայերենից ուկրաիներեն թարգմանությունների համար: Մայր Աթոռ Սբ. Էջմիածնի և ՀԳՄ համատեղ ամենամյա «Կանթեղ» թարգմանական մրցանակաբաշխությունը անցկացվում է ամեն տարի, թարգամանչաց տոնի օրը, Օշականի Սուրբ Մեսրոպ Մաշտոց եկեղեցու դպրատանը։

Ներաօծված Մայր Տաճարում Պատարագ է մատուցել Տ. Վահան արք. Հովհաննիսյանը

Ներաօծված Մայր Տաճարում Պատարագ է մատուցել Տ. Վահան արք. Հովհաննիսյանը

Գարեգին Երկրորդ Ամենայն Հայոց Հայրապետի օրհնությամբ և տնօրինությամբ Ս. Էջմիածնի Մայր տաճարի վերաօծումից հետո՝ մեկ շաբաթ շարունակ, երեկոյան Մայր Տաճարում մատուցվում է Սուրբ և Անմահ Պատարագ: Մարդկանց հոսքը չի դադարում: Մայր Տաճարում հավատացյալները մոռանում են իրենց մասնավոր հոգսերն ու անձնական խնդիրները։ Նրանք աղոթում են խաղաղության, անվտանգ կյանքի, պատերազմի ժամանակ անհետ կորածների, գերության մեջ գտնվողների համար։
 

Կ. Պոլսի Հայոց Պատրիարքը Սուրբ Պատարագ է մատուցել նորաօծ Մայր Տաճարում

Տաճարի վերաօծման հաջորդ օրը, Ամենայն Հայոց Կաթողիկոսի հանդիսապետությամբ սուրբ Պատարագ է մատուցել Կ. Պոլսի Հայոց Պատրիարք Տ. Սահակ արքեպիսկոպոս Մաշալյանը։ Վեհափառ Հայրապետի օրհնությամբ առաջիկա շաբաթվա բոլոր օրերին` երեկոյան 7-ին, վերաօծված Մայր Տաճարում կմատուցվի Սուրբ և Անմահ Պատարագ՝ Հայաստանում խաղաղության, ժողովրդի անվտանգ կյանքի, ինչպես նաև անհետ կորածների, գերության մեջ գտնվողների և զոհվածների ու նրանց ընտանիքների համար։

Միջեկեղեցական պատվիրակությունների անդամները այցելել են Ծիծեռնակաբերդ և Եռաբլուր

Սրբալույս Մյուռոնի օրհնության և Մայր Տաճարի վերաօծման արարողությունների առիթով Հայաստան ժամանած միջեկեղեցական պատվիրակությունների անդամները և ներկայացուցիչները Մայր Աթոռի միջեկեղեցական հարաբերությունների բաժնի տնօրեն Տ. Գարեգին վարդապետ Համբարձումյանի և Հայ Եկեղեցու թեմակալ առաջնորդների, այցելել են Ծիծեռնակաբերդի հուշահամալիր: Հոգևոր հայրերը ոգեկոչել են ցեղասպանության սուրբ նահատակների հիշատակը: Հյուրերը Արցախի թեմի առաջնորդ Վրթանես եպիսկոպոս Աբրահամյանի ուղեկցությամբ այցելել են նաեւ Եռաբլուր Պանթեոն:

Կ․ Պոլսի հայոց պատրիարք Տ. Սահակ արքեպիսկոպոս Մաշալյանը ժամանել է Մայր Աթոռ Սուրբ Էջմիածին

Մայր Աթոռ Սուրբ Էջմիածին է ժամանել Կ. Պոլսի Հայոց Պատրիարք Տ. Սահակ արքեպիսկոպոս Մաշալյանը։ Պատրիարք հայրն առաջիկա օրերին կմասնակցի Սրբալույս Մյուռոնի և Մայր Տաճարի վերաօծման հանդիսավոր արարողություններին։ Մինչեւի այդ հոգևորականների թափորը Տ. Սահակ արքեպիսկոպոս Մաշալյանին առաջնորդել է Սուրբ Հովհաննես Մկրտիչ և Սուրբ Վարդան մատուռ–մկրտարան: Ավելի ուշ նրան ընդունել է Ամենայն հայոց կաթողիկոսը։

Մայր Տաճարի վերաօծման և Մյուռոնօրհնության արարողությունների նախապատրաստական աշխատանքները ամփոփման փուլում են

Մայր աթոռում կայացել է հայաստանյան թեմերի առաջնորդների և Մայր Աթոռում սպասավորող եպիսկոպոսների ժողով։ Սրբազան արարողություններին մասնակցելու են Հայաստանից ու Սփյուռքից բարձրաստիճան եկեղեցականներ, ազգային կյանքում նշանակալի դերակատարություն ունեցող հայորդիներ, Քույր Եկեղեցիների և միջեկեղեցական կազմակերպությունների պատվիրակներ, պետական, դիվանագիտական, հասարակական, գիտակրթական, մշակույթի ու արվեստի ոլորտի ներկայացուցիչներ, ինչպես նաև ուխտավորներ: