Հեղինակ Լիանա Չիչակյան

Վերաօծվել է Գուգարաց թեմի առաջնորդանիստ Վանաձորի Սուրբ Գրիգոր Նարեկացի եկեղեցին

Նորոգումից հետո վերաօծվել է Վանաձորի Սուրբ Գրիգոր Նարեկացի առաջնորդանիստ Մայր եկեղեցին։ Գլխավոր խնդիրը տանիքի, անձևրաջրերից վնասված առաստաղի ու պատերի նորոգումն է եղել: Աշխատանքը տևել է մի քանի ամիս: Ընթացքում անհրաժեշտություն է առաջացել վերականգնել նաև Սուրբ խորանը և եկեղեցու պատերը զարդարող ծավալուն որմնանկարների վնասված հատվածները։

Լույս մանկանց կիրակնօրյա դպրոցների սաները ուխտագնացություն են կատարել Օշականի եկեղեցի

Տարբեր քաղաքներից ու գյուղերից շուրջ 600 աշակերտներ իրենց ուսուցիչների և հոգևոր հովիվների հետ Սուրբ Մեսրոպ Մաշտոց եկեղեցու կամարների տակ աղոթք բարձրացնելով խնդրել են սուրբ դպրապետերի բարեխոսությունը իրենց հետագա կյանքի համար:

Ամենայն Հայոց Կաթողիկոսն ընդունել է «Դիվանագետների համահայկական խորհրդին»

«Դիվանագետների համահայկական խորհուրդ» ՀԿ նախագահ Գուրգեն Մելիքյանը Հայոց Հայրապետին ներկայացրել է կազմակերպության նպատակն ու ծրագրերը և հայցել է Նորին Սրբության օրհնությունը նորաստեղծ կառույցի գործունեության համար։ Իր հայրական օրհնությունը բերելով կազմակերպության անդամներին, Նորին Սրբությունն անդրադարձել է Հայաստանի առջև ծառացած մարտահրավերներին, հայ ժողովրդի արդար իրավունքների պաշտպանության հիմնախնդիրներին ու սպառնալիքներին։

Ամենայն Հայոց Կաթողիկոսն այցելել է Ուշիի Սուրբ Սարգիս վանական համալիր

Վանական համալիրը նորոգվում է Վարդանյան և Մկրտչյան ընտանիքների հովանավորությամբ։ Բարերարները նախատեսում են վերականգնել ամբողջ վանական համալիրի հոգևոր և աշխարհիկ կառույցները: Շինարարությունը հնարավոր է տևեն մինչև 10 տարի։ Առաջին փուլում կվերականգնվի վանական համալիրի Սուրբ Աստվածածին եկեղեցին, ապա՝ գավիթը։

Ավագ ուրբաթը Քրիստոսի խաչելության, մահվան և թաղման հիշատակության օրն է

Մայր Աթոռի Սուրբ Գայանե վանքում հոգեւորականները երգեցողությամբ փառաբանել են Քրիստոսի չարչարանքներն ու խաչելությունը։ Նրանք ընթերցել են Հին Կտակարանի մարգարեություններն ու 4 Կտակարանում Աստծո որդու վերջին ժամերը նկարագրող դրվագները։

Երիտասարդները ՀԵՀԵՄ-ի գրասենյակում քննարկել են Աստվածաշունչը

ՀԵՀԵՄ կենտրոնական գրասենյակում կայացել է Աստվածաշնչի վերաբերյալ բանախոսություն, որին մասնակցել է ավելի քան 70 երիտասարդ։ Նրանց սոցցանցի էջով հրավիրել է Մայր Աթոռի սոցիալական ծառայությունների գրասենյակի պատասխանատու տեր Մարկոս քահանա Մանգասարյանը։ Նա տարեսկզբից սկսել է «Սուրբ գիրքը մեկ տարում» նախաձեռնությունը, որով օրական տրամադրելով ընդամենը 25 րոպե, մարդը հնարավորություն ունի կարդալ Ավետարանը մեկ տարում:

Մայր Տաճարի վերաօծման եւ Մյուռոնօրհնության արարողությունները տեղի կունենան սեպտեմբերի 28-ին և 29-ին

Գերագույն հոգևոր խորհրդի ընդլայնված կազմով ժողովի մասնակիցներին Ամենայն Հայոց Կաթողիկոսը ուղեկցել է նորոգվող Մայր տաճար։ Արդեն գմբեթի ու որմնանկարների մեծ մասի վերականգնումն ավարտվել է։ Որմնանկարները նախ իջեցրել են պատերից, վերամշակել, վերականգնել ու կրկին տեղադրել։ Հատկապես ուշադրություն են դարձրել ջեռուցման, օդափոխության և ջրահեռացման համակարգերի կառուցմանը։ Առաջիկայում շինարարները պատրաստվում են մարմարե սալերով պատել տաճարի գրեթե 900 քմ մակերեսով հատակը։

Սուրբ Գայանե վանքում կատարվել է Հանգստյան ժամերգություն

Ընդունված կարգի համաձայն 40 օրյա պահքի ընթացքում Հանգստյան ժամերգություն կատարվում է յուրաքանչյուր ուրբաթ: Այս ժամերգության հիմքում Գրիգոր Նարեկացու և Ներսես Շնորհալու աղոթքներն են։ Հավատացյալները հոգևոր դասի հետ Տիրոջից խնդրում են հեռու պահել իրենց մեղքերից, խաղաղ ու անխռով գիշեր պարգևել: Ժամերգության ընթացքում հնչում են նաև ավետարանական հատվածներ ու սաղմոսներ:

Մայր Աթոռի Ռուբեն Սևակի թանգարանում կազմակերպվել է հիշատակի հանդիսություն

Ռուբեն Սևակի ծննդյան օրը այցելություններին հյուրընկալել են գրողի անունը կրող 151-րդ դպրոցի բարձր դասարանի աշակերտները։ Ռուբեն Սևակի թանգարանը բացվել է 2013 թվականին՝ գրողի եղբորորդու ջանքերով: Ֆրանսահայ բարերարն իր ամբողջ ժառանգությունը նվիրաբերել է Մայր Աթոռին: Թանգարանում ներկայացված են Սևակի անձնական իրերը, նամակներն ու գրքերը: Նվիրաբերվել է նաև 200-ից ավելի արժեքավոր կտավների հավաքածու:

Էրիկ Մկրտչյանը 44-օրյա պատերազմից հետո