Մայր Աթոռ Սուրբ Էջմիածնում կայացել է Կրթության մշակների օրհնության կարգ


Մայր Աթոռ Սուրբ Էջմիածին են այցելել կրթական կառույցների ներկայացուցիչներ, հանրակրթական դպրոցների տնօրեններ և մեծ թվով մանկավարժներ: Ամեն տարի այս օրը կրթության մշակները Մայր Տաճարում մասնակցում են Գարեգին Երկրորդ Ամենայն Հայոց Կաթողիկոսի հանդիսապետությամբ մատուցված Սուրբ Պատարագին և ստանում Հայոց Հայրապետի հոգեխնամ օրհնությունը։

 

Հոգեւորականները մեծ ուխտերթ են կազմակերպել դեպի Նոր Վարագավանք


Տավուշի թեմի հոգևոր դասը, առաջնորդությամբ թեմի վարչական խորհրդի ատենապետ Տ. Սամվել վարդապետ Մխիթարյանի և Մայր Աթոռի միաբան Տ. Դանիել եպիսկոպոս Ֆնդկյանի, մեծ ուխտերթ է կազմակերպել դեպի Նոր Վարագավանք: Եփեսոսի Սուրբ ժողովի 200 եպիսկոպոսների և Հայրապետների տոնին նվիրված մեծ ուխտերթը վաղ առավոտից շուրջ 1500 հավատացյալների է համախմբել առաջնորդանիստ Սուրբ Ներսես Շնորհալի եկեղեցում: Այնտեղից սաղմոսերգությամբ և աղոթքով ուխտավորները քայլել են մինչև Գետահովիտ, ապա ուղևորվել Նոր Վարագավանք:

Գուգարաց թեմի «Ծիծեռնակ» ճամբարն ամառվա ընթացքում հարյուրավոր դպրոցականների է ընդունել


Տարեցտարի աճում է ճամբարի համբավը, ինչի արդյունքում ավելի շատ պատանիներ են ցանկանում հանգստանալ Ծիծեռնակ ճամբարում։ Կազմակերպիչների պնդմանբ «Ծիծեռնակը» դասական ճամբար է, որն համեմված է ազգային և հոգևոր տարրերով։ Այս տարի նույնիսկ արտերկրից եկած հայ դպրոցականներ են հանգստացել ճամբարում:

 

Վերաօծվել է Վանաձորի Սուրբ Սարգիս եկեղեցին


Գուգարաց թեմի առաջնորդ Տեր Հովնան եպիսկոպոս Հակոբյանի ձեռամբ վերաօծվել է Վանաձորի Սուրբ Սարգիս եկեղեցին: Այն նորոգվել և կահավորվել է եկեղեցու խաչքավոր Վարդան Սարդարյանի բարերարությամբ:

 

Վեհափառ հայրապետը հյուրընկալել է Բոստոնի շրջանի Սրբոց Հրեշտակապետաց եկեղեցու ուխտավորներին


Ամենայն հայոց Կաթողիկոսն իր օրհնությունը փոխանցեց ուխտավորներին և իր գնահատանքը հայտնեց հոգևոր հովվին արդյունավետ սպասավորության համար: Ամենայն Հայոց Կաթողիկոսը կարևորել է աշխարհասփյուռ հայոց թեմերից նման ուխտագնացությունների կազմակերպումը, հատկապես հայրենիքի համար այս ծանր օրերին։ Վեհափառ Հայրապետն անդրադարձել է Հայաստանի առջև ծառացած մարտահրավերներին՝ վստահություն հայտնելով, որ հայ ժողովուրդն իր միասնականության և զորեղ հավատքի շնորհիվ կկարողանա հաղթահարել առկա դժվարություններն ու փորձությունները:

 

Վեհափառն օրհնել է Հայ Մարմնակրթական Ընդհանուր Միության մարզախաղերի մասնակիցներին


Մայր Աթոռ են այցելել Հայ Մարմնակրթական Ընդհանուր Միության 12-րդ մարզախաղերի շուրջ 700 սկաուտներ և Կենտրոնական վարչության անդամներ։ Այս առիթով Գարեգին Երկրորդ Ամենայն Հայոց Կաթողիկոսի հանդիսապետությամբ Մայր Տաճարում կատարվել է մարզախաղերի մասնակիցների օրհնության կարգ։

ՀԲԸՄ-ի սկաուտական բանակումի մասնակիցներն այցելեցին Մայր Աթոռ


Մայր Աթոռի Մատենադարանում ՀԲԸՄ Հայ երիտասարդաց ընկերակցության Անդրանիկ սկաուտական բանակավայրի ամառային հավաքի այս տարվա մասնակիցներին հյուրընկալել է Մայր Աթոռի Արտաքին հարաբերությունների և արարողակարգի բաժնի տնօրեն Նաթան արքեպիսկոպոս Հովհաննիսյանը: Սրբազան հայրը նրանց փոխանցել է Նորին Սրբության հայրական օրհնությունն ու բարեմաղթանքները:

Ամենայն Հայոց Կաթողիկոսն ընդունել է ՀՅԴ երիտասարդական 12-րդ բանակումի մասնակիցներին


Վեհափառ Հայրապետը Հայ Հեղափոխական Դաշնակցության երիտասարդական և ուսանողական 12-րդ Համահայկական բանակումի մասնակիցների հետ հանդիպմանը անդրադարձել է Արցախի բռնազավթմանը, հայրենազրկված արցախահայության իրավունքների պաշտպանությանը և Ադրբեջանում մինչ օրս պահվող հայ գերիներին վերադարձնելուն։ Ամենայն Հայոց Կաթողիկոսը խոսել է Արցախի հայկական հոգևոր-մշակութային ժառանգության պահպանության խնդիրների ու երկրում տիրող դժվարին կացության մասին: Նա կարևոր է համարել ազգային միաբանությունը, սերը՝ հայրենի երկրի նկատմամբ, ազգային արժեքներին հավատարմությունը, որոնցով միայն հնարավոր կլինի հաղթահարել մարտահրավերները:

Միաբանական համագումարի անդամները Սուրբ Գրիգոր Լուսավորիչ եկեղեցում մասնակցել են ժամերգության


Համագումարի մեկնարկն ազդարարվել է հունիսի 17-ին։ Մինչ այդ մասնակիցները Երևանի Սուրբ Գրիգոր Լուսավորիչ Մայր եկեղեցում միասնաբար մասնակցել են երեկոյան ժամերգությանը: Ավելի ուշ եկեղեցականները այցելել են «Եռաբլուր» զինվորական պանթեոն՝ հարգանքի տուրք մատուցելու հանուն հայրենիքի իրենց կյանքն ընծայաբերած քաջորդիների հիշատակին և աղոթելու նրանց հոգիների հանգստության ու խաղաղության համար։

 

«Պատանի երկրապահ» ակումբում կայացել է Աստվածաշնչի գիտելիքի համաբանակային վիկտորինա


Հայաստանի Աստվածաշնչային ընկերության և ԶՈւ Հոգևոր Առաջնորդության նախաձեռնությամբ «Աստվածաշունչը փոխակերպում է զինվորի կյանքը» համատեղ ծրագրով անցկացվել է «Աստվածաշնչային գիտելիքի համաբանակային մրցույթ»։ Առաջին անգամ ամենամյա վիկտորինային մասնակցելու հայտ է ներկայացրել Երկրապահ կամավորական միության պատանի երկրապահների ակումբը: Առաջին երեք տեղերը զբաղեցրած՝ Կոտայքի, Արագածոտնի և Արմավիրի թիմերը պարգևատվել են Աստվածաշունչ մատյաններով, Աստվածաշնչի բառարաններով և «Շուշան Վարդենի» գրքերով։

 

Օծվել է Գեղարքունիքի թեմի Մադինա գյուղի Սուրբ Ամենափրկիչ նորակառույց եկեղեցին


Չորս տավա շինարարությունից հետո հավատացյալների առջև իր դռներն է բացել Մադինայի Սուրբ Ամենափրկիչ նորակառույց եկեղեցին: Սրբավայրն օծվել է Գեղարքունիքի և Վիրահայոց թեմի առաջնորդներ ձեռամբ և թեմի քահանաների աղոթակցությամբ: Քահանա հայրերը ջրով, ապա գինով լվացել են առաքյալների անվանակիր սյուները, եկեղեցու սուրբ սեղանն ու մկրտության ավազանը: Նրանք սաղմոսներ երգելով, կենսատու մյուռոնով օծել են եկեղեցին և սրբագործված աղոթատանը հավատացյալների հետ միասին հնչեցրել առաջին Հայր Մերը:

 

Գրիգոր Լուսավորիչ եկեղեցում կազմակերպվել է «Հանձնիր արյուն, փրկիր կյանք» խորագրով ակցիա


Յոլյանի անվան արյունաբանության և ուռուցքաբանության կենտրոնի Արյան ծառայության անձնակազմը Սուրբ Գրիգոր Լուսավորիչ Մայր եկեղեցում դոնորներից արյուն է վերցրել։ Նրանց եկեղեցում դիմավորել են «Լուսավորիչ» միության երիտասարդները, որոնք մինչև օրվա վերջ անվարձահատույց համակարգել են աշխատանքը։ Հայաստանում մշտապես կա արյան դոնորների կարիքը։ Մեկ դոնորը կարող է փրկել 3 կյանք: