 |
Քննարկել են երեխաների հոգևոր-հոգեբանական աջակցության առանձնահատկություններըՀայկական Բարեգործական Ընդհանուր Միությունը և Հայկական հոգևոր վերականգնման հիմնադրամը անցկացրել են համատեղ քննարկում՝ «ՀԲԸՄ «Նաիրի» ճամբար․ երեխաների հոգևոր-հոգեբանական աջակցության առանձնահատկությունները» թեմայով։ Քննարկմանը մասնակցել են հոգեբաններ, մանկավարժներ, ջոկատավարներ և ծնողներ: 2021-2025 թվականներին 7-13 տարեկան 1963 երեխա է մասնակցել ամառային ճամբարներին: Այստեղ են ապաստան գտել նաև արցախցի երեխաներ՝ 2023 թ․ օգոստոսին՝ Արցախի շրջափակման օրերին: Ամառային ճամբարից բացի, 2024 թվականի փետրվարից «Նաիրի» ընտանեկան ճամբարն անվճար հյուրընկալ է Արցախից բռնի տեղահանված երեխաներին ու նրանց մայրիկներին ապահովել հոգեբանական աջակցություն, սթրեսի կառավարման դասընթաց, սնունդ, խաղեր, ժամանց: |
 |
Օշականի Սուրբ Մեսրոպ Մաշտոց եկեղեցում կատարվել է միասնական ժամերգությունԱրագածոտնի թեմի վարչական խորհրդի ատենապետ Տեր Շնորհք աբեղա Պալոյանի առաջնորդությամբ հոկտեմբերի 30-ին Օշականի Սուրբ Մեսրոպ Մաշտոց եկեղեցում էին մեկտեղվել թեմի հոգևորականները, վանականները, ուխտավորներ: Ներկաները միասին աղոթեցին անազատության մեջ գտնվող Մկրտիչ Սրբազանի, Միքայել և Բագրատ սրբազանների, Տեր Գարեգինի, և մյուս ձերբակալվածների համար։ Արագածոտնի թեմի առաջնորդ Տեր Մկրտիչ եպիսկոպոս Պռոշյանի օրհնությամբ, յուրաքանչյուր հինգշաբթի թեմի որևէ սրբավայրում կատարվում է միասնական ժամերգություն: |
 |
Հայ Առաքելական Եկեղեցին նշել է Սուրբ առաքյալի հիշատակության օրըԱմենայն Հայոց Հայրապետի օրհնությամբ Մայր Աթոռ Սուրբ Էջմիածնից Զորավոր Սուրբ Աստվածածին եկեղեցի է տեղափոխվել բերվել Սուրբ Անանիա առաքյալի մասունքակիր աջը։ Տեր Վահանի առաջնորդությամբ թափորը Փարպեցի փողոցում դիմավորել է մասունքը, ապա շարականների երգեցողությամբ մասունքակիր աջը իջեցվել է Սուրբ Անանիայի մատուռ: Զորավոր Սուրբ Աստվածածին եկեղեցում օրհնության կարգ է կատարվել: |
 |
Ուխտավորները Ծաղկեվանքում նշել են սուրբ կույսերի հիշատակության տոնըՀոկտեմբերի 7-ին նշվում է Թեկղի, Վարվառա և Պեղագեա սուրբ կույսերի հիշատակության տոնը: Արագածոտնի Թեմի Առաջնորդ Տեր Մկրտիչ եպիսկոպոս Պռոշյանի օրհնությամբ, սուրբ կույսերի հիշատակության օրվա առիթով Ծաղկեվանք է տեղափոխվել սուրբ Վարվառա կույսի Մասունքը: Մուղնու հովվության հոգևոր հովիվ Տեր Եղիշե քահանա Բարսեղյանը Սուրբ Պատարագ է մատուցել քարայրում: |
 |
Մայր Աթոռ Ս. Էջմիածնի Իզմիրլյան բժշկական կենտրոնում նշել են ուրոլոգիական բաժանմունքի 20 ամյակըԲաժանմունքը ստեղծվել է 2005թ.-ին պրոֆեսոր Արթուր Գրաբսկիի և գործընկերների ջանքերով՝ նպատակ ունենալով ապահովել արդիական, պրոֆեսիոնալ ուրոլոգիական բուժօգնություն: Իզմիրլյան բժակական կենտրոնը 2024 թվականին ձեռք է բերել միզաքարային հիվանդության և ուրոլոգիական այլ հիվանդությունների բուժման նորագույն ու եզակի տեխնոլագիաներ: |
 |
Ամենայն Հայոց Կաթողիկոսն ընդունել է ՀՕՖ տնօրենների խորհրդի անդամներին ու բարերարներինՀայ Առաքելական Սուրբ Եկեղեցու ԱՄՆ Հայոց Արևելյան թեմի Հայ օգնության ֆոնդի տնօրենների խորհրդի անդամներն ու բարերարները, թեմի առաջնորդ ՀՕՖ-ի նախագահ Տ. Մեսրոպ եպիսկոպոս Պարսամյանը և ֆոնդի տնօրենների խորհրդի ատենապետ Ռենդի Սապահ-Գուլյանը այցելել են հաստատություններ, որոնցում ծրագրեր է իրականացնում Հայ օգնության ֆոնդի Հայաստանի գրասենյակը: Այս այցին խորհուրդը անդրադարձել է աղքատության հաղթահարմանը միտված բազմաբաղադրիչ ծրագրերին Տավուշում ու Սյունիքում, երեխաների պաշտպանության, կրթության և գիտության, բարձր տեխնոլոգիաների, տնտեսական ու համայնքային զարգացման, առողջապահության, սոցիալական աջակցության ոլորտներում իրականացվող նախաձեռնություններին և Արցախից բռնի տեղահանված ընտանիքների հետ տարվող աշխատանքներին։ |
 |
Վարդենուտ համայնքը նշել է Սուրբ Մերկեռիոս եկեղեցու օծման 6-րդ տարեդարձըԱմենայն Հայոց Կաթողիկոսի Հայրապետական տնօրինությամբ և Արագածոտնի Թեմի Առաջնորդ Տեր Մկրտիչ եպիսկոպոս Պռոշյանի օրհնությամբ, Մայր Աթոռ Սուրբ Էջմիածնից առաջին անգամ եկեղեցի է տեղափոխվել Սուրբ Գևորգ Զորավարի մասունքը։ Տոնական Սուրբ Պատարագը մատուցել է Արագածի հովվության հոգևոր հովիվ Տեր Մաղաքիա քահանա Գևորգյանը: Նա կարեւոր է համարել քրիստոնյայի կյանքում աներեր հավատք ունենալը, սրբերի օրինակին հոտևելը, մայր եկեղեցուն հավատարիմ լինելը: |
 |
Մալաթիայի Հայորդյաց տան սաները «Univers Art» մրցույթում 1-ին տեղ են գրավելՄալաթիայի Հայորդյաց տան մանրանկարչության դասարանի սաների՝ Մանե Ջավադյանի «Դատարկ Գերեզման», Էլեն Ծատուրյանի «Համբարձում», Տիգրան Հովսեփյանի «Ավետում» և Կարինա Ղազարյանի «Դժողքի ավերումը» մանրանկարները մասնակցել են «Univers Art» միջազգային փառատոնին և առաջին տեղ գրավել։ Այդ ստուգատեսին մասնակցել են 5-18 տարեկան մոտ 600 երեխա: Աշխատանքները ցուցադրվել են Նկարիչների միությունում: |
 |
Սուրբ Գևորգի տոնը նշել են Արագածոտնի թեմի Գառնահովիտ համայնքի եկեղեցումԳառնահովիտի Սուրբ Գևորգ եկեղեցում ուխտավորները մասնակցել են Պատարագի և վերապրել սրբազան արարողության խորհուրդը: Եկեղեցին նորոգվել է 2017 թվականին: Սուրբ Գևորգի տոնի օրը հայտարարվել է Գառնահովիտի Սուրբ եկեղեցու ուխտի օր: Այդ առիթով Մայր Աթոռից Սուրբ Գևորգի մասունքը տեղափոխվել է եկեղեցի, որպեսզի հավատացյալները հաղորդվեն զորությանը: |
 |
Մալաթիայի հայորդյաց տան 17 սան մրցանակ է ստացել «Univers Art 2025» փառատոնինՄիջազգային փառատոնին մասնակցել է 5-18 տարեկան մոտ 600 երեխա: Եզրափակիչ փուլում ցուցահանդես է բացվել Հայաստանի Նկարիչների միությունում, ապա Հայ-Սլավոնական համալսարանի դահլիճում տեղի է ունեցել հանդիսավոր մրցանակաբաշխություն և գալա համերգ: Մալաթիայի հայորդյաց տան Գեղանկարչության երկու դասարանների 17 սան մրցանակով է վերադարձել, ութը՝ 1-ին տեղ են գրավել: |
 |
Արաբկիրի Սուրբ Խաչ եկեղեցում տոնական Պատարագ է մատուցվելԽաչվերացի տոնին Արաբկիրի Սուրբ Խաչ եկեղեցում մատուցվել է տոնական Պատարագ։ Արաբկիրի Սուրբ խաչը կառուցվել է Մայր Աթոռ Սուրբ Էջմիածնի նախաձեռնությամբ, Լուիզ Սիմոն Մանուկյանի բարերարությամբ։ Եկեղեցու ճարտարապետը Արտակ Ղուլյանն է։ |
 |
Գյումրիում խաչերթի մասնակիցներն աղոթել են Միքայել եւ Բագրատ սրբազանների, Սամվել Կարապետյանի համարԽաչերթի մասնակիցները Տեր Մակար քահանա Գալամդարյանի և Տեր Հակոբ քահանա Գրիգորյանի առաջնորդությամբ աղոթքների, շարականների, հոգևոր երգերի ներքո քայլել են դեպի Սուրբ Նշան եկեղեցի: Սուրբ Աստվածածին Յոթ վերք եկեղեցու մոտ խաչերթի մասնակիցները աղոթել են Միքայել և Բագրատ արքեպիսկոպոսների, Սամվել Կարապետյանի և մյուս ձերբակալվածների շուտափույթ ազատման համար: Շիրակի թեմի առաջնորդ Տեր Միքայել արքեպիսկոպոս Աջապահյանի օրհնությամբ արդեն ավանդույթ է դարձել Խաչվերացի Նախատոնակի Խաչերթը։ |