 |
Մրգավանի Սուրբ Հակոբ եկեղեցում միասնական ժամերգություն է կայացելԱրագածոտնի և Մասյացոտնի թեմերի հոգևոր դասն ու տարբեր համայնքներից ուխտավորաբար եկած հավատացյալները Մրգավանի Սուրբ Հակոբ եկեղեցում մասնակցել են միասնական ժամերգության: Նրանք աղոթել են անազատության մեջ գտնվող Բագրատ Սրբազանի, Միքայել Սրբազանի և Մկրտիչ Սրբազանի, ինչպես նաև երկրի խաղաղության, Հայ Եկեղեցու զորացման և հավատացյալ ժողովրդի հոգևոր կյանքի ամրապնդման համար: Նրանք հավատում են, որ միասնական աղոթքները ծանր փորձությունների ժամանակ դառնում են հոգևոր վահան և օգնում են նեղության մեջ գտնվող հոգևորականին ու հավատացյալին՝ զգալու, որ իրենց փորձության մեջ մենակ չեն։ |
 |
Սարկավագների ավարտաճառերը՝ որպես աստվածաբանության ոլորտում ներդրում, կտպագրվենԳարեգին Երկրորդ Ամենայն հայոց Կաթողիկոսի օրհնությամբ Գևորգյան հոգևոր ճեմարանի հանդիսությունների դահլիճում գործնական և պատմա-դավանաբանական հոսքի երեք ուսանող մագիստրոսական ավարտաճառ է պաշտպանել: Քաջիկ սարկավագ Եղոյանը համեմատական վերլուծություն է արել քրիստոնեության, իսլամի և հուդայականության միջև: Դավիթ սարկավագ Ղամբարյանն անդրադարձել է Քրիստոնեության բարոյագիտությանն ու հելլենիստական ժամանակաշրջանի գլխավոր փիլիսոփայական ուղղություններից մեկին՝ ստոիկյան բարոյագիտական մոտեցումներին։ Մայիս սարկավագ Ղազարյանը քննել է Համբարձման տոնի ծիսագիտական և աստվածաբանությունը: |
 |
Սուրբ Գայանե վանքում հրաժեշտ են տվել Տաթև արքեպիսկոպոս ՍարգսյանինՄատուցվել է Սուրբ Պատարագ, որի ընթացքում վերջին օծման կարգ է կատարվել: Արարողության ընթացքում Շահան արքեպիսկոպոսն օծել է ննջեցյալ հոգևորականի ճակատն ու աջ ձեռքը: Հայ եկեղեցում վերջին օծման կարգ կատարվում է միայն օծյալ հոգևորականների համար: Ամենայն Հայոց Կաթողիկոսի հանդիսապետությամբ հայ եկեղեցու հոգևոր դասն իր խոնարհումն է բերել ու վերջին հրաժեշտը տվել նվիրյալ հոգևորականին՝ նրան ճանապարհելով հավիտենական հանգստի կյանքի 85-րդ տարում: |
 |
Փաստաբանը միջնորդել է, որ Մկրտիչ Սրբազանին թույլ տան այցելել պատարագիԱրա Զոհրաբյանը միջնորդել է սրբազանին թույլատրել ամեն կիրակի, ինչպես նաև եկեղեցական տոներին բնակության վայրում՝ Էջմիածին քաղաքում գտնվող եկեղեցում մասնակցել պատարագի, ինչպես նաև շփվել եղբոր ընտանիքի հետ: Այս միջնորդությունների վերաբերյալ դատարանը որոշում կկայացնի հաջորդ նիստին՝ մարտի 17-ին։ Փետրվարի 12-ին սրբազանի խափանման միջոց կալանքը փոխարինվել էր տնային կալանքով: |
 |
Պատերազմից հետո թեստավորված քաղաքացիների 40% մոտ արձանագրվել է միջին և ծանր դեպրեսիայի նախանշաններՀայկական հոգևոր վերականգնման հիմնադրամը հոգեբանական աջակցություն է ցուցաբերում այն մարդկանց, ում կյանքը փոխել է պատերազմը: Հիմնադրամի իրականացրած վերլուծության համաձայն՝ վերջին տարիներին Հայաստանի տարբեր անկյուններից թեստավորում անցած 10-ը հազար քաղաքացիներից շուրջ 40 տոկոսի մոտ արձանագրվել են միջին և ծանր դեպրեսիայի նախանշաններ: Վերջին երեք տարվա ընթացքում մասնագետներն աջակցել են շուրջ 5000 շահառուի՝ օգնելով նրանց հաղթահարել հոգետրավմայի հետևանքները, վերագտնել հավատը սեփական ուժերի հանդեպ: |
 |
Ռուբեն Սևակ թանգարանում գրողի հիշատակին միջոցառում է անցկացվելՌուբեն Սևակի ծննդյան օրը՝ փետրվարի 15-ին, Մայր Աթոռ Սուրբ Էջմիածնի Ռուբեն Սևակ թանգարանում նշել են մեծ հայորդու կյանքն ու գործը ներկայացնող բանախոսություններով, ասմունքով, համերգային կատարումներով: |
 |
Վեհափառ Հայրապետի դեմ հարուցված վարույթը մեծ անհանգստություն է առաջացրելԲազմաթիվ իրավապաշտպան կառույցներ, քաղաքական-հասարակական գործիչներ, իրավաբաններ հայտարարություններով են տարածել՝ քննադատելով իշխանությունների քայլերը, դրանք որակելով պատմական ամոթալի գործողություն: Դրանց խորքային պատճառները իրավաբանական գիտությունների դոկտոր Գևորգ Դանիելյանը համարում է Ադրբեջանի հոգևոր առաջնորդ Փաշազադեի՝ Հայ Առաքելական եկեղեցու հասցեին հնչեցրած հայտարարությունները։ Փետրվարի 10-ին Վատիկանում Հռոմի Պապի հետ հանդիպմանը Փաշազադեն կրկին մեղադրել է Հայոց Կաթողիկոսին և Հայ Առաքելական եկեղեցուն խաղաղության գործընթացը խոչընդոտելու մեջ: |
 |
Բուն Բարեկենդանի առիթով Մայր Աթոռում տոնական Պատարագ է մատուցվելԲարեկենդան է կոչվում շաբաթապահքերին և մեծ պահքին նախորդող օրը, որի ընթացքում թույլատրվում են չափավոր վայելքներ և տարբեր ուտեստներ: Բարեկենդանին մարդիկ սգից անցնում են ուրախության, չարչարանքից` խաղաղության: Խորանի փակ վարագույրը, պատարագի համեստ արարողությունը հավատացյալներին ուղղված հորդոր է՝ խոկումով անցնելու 48-օրյա պահեցողության շրջանը |
 |
Մայր Աթոռ Սուրբ Էջմիածնում տոնախմբվեց Տեառնընդառաջը, Վեհափառ Հայրապետը օրհնել է նորապսակներինԳարեգին Երկրորդ Ամենայն Հայոց Կաթողիկոսի օրհնությամբ, Միածնաէջ Մայր Տաճարում մատուցվել է Սուրբ և Անմահ Պատարագ: Վեհափառ Հայրապետը ավելի քան 10 տարի առաջ Տյառնընդառաջի տոնին նորապսակների օրհնության կարգ է հաստատել: Պատարագից հետո նա նորապսակ սարկավագներին և իր գնահատանքն ու պատգամն է փոխանցել երիտասարդ զույգերին: Վեհափառը հույս է հայտնել, որ շատերը մոտ ապագայում, քահանայության աստիճան ստանալով, կհամալրեն եկեղեցականների շարքերը: Սարկավագների կանանց Հայրապետը պատգամել է, որ նրանք իրենց ամուսինների լավագույն գործակիցն ու լծակիցը լինեն հոգևոր առաքելության ճանապարհին: |
 |
Հայ Առաքելական Եկեղեցին տոնախմբել է Սուրբ Ղևոնդյանց քահանաների հիշատակըՍուրբ Ղևոնդյանց քահանաների հիշատակի առիթով Ամենայն Հայոց Կաթողիկոսի հանդիսապետությամբ Մայր Տաճարում Սուրբ Պատարագ է մատուցվել, որին ներկա են եղել թեմերում և եկեղեցական կառույցներում սպասավորող 217 եկեղեցականներ։ Պատարագից հետո տեղի է ունեցել քահանաների պարգևաբաշխություն։ Ավագ քահանայության պատվի են արժանացել Մայր Աթոռից՝ Տեր Եսայի քահանա Արթենյանը, Բուլղարիայի հայոց թեմից՝ Տեր Դանիել քահանա Գարաճյանը։ Ծաղկյա փիլոն կրելու իրավունք է շնորհվել 30, իսկ քահանայական լանջախաչ կրելու իրավունք՝ 13 քահանա հայրերի: |
 |
Միքայել սրբազանի խափանման միջոցը վերաքննիչ դատարանը փոխարինել է տնային կալանքովԴատարանն արգելել է սրբազանին տնից բացակայել, ընդունել հյուրեր, հեռախոսային խոսակցություններ ունենալ և նամակագրություն վարել: Միքայել սրբազանն իր իրավունքների խախտման հարցով դիմել է Մարդու Իրավունքների Եվրոպական Դատարան: Գանգատում նշվում են անօրինական կալանավորման, արտահայտվելու ազատության խախտման, ինչպես նաև ազատությունից զրկելու և քրեական հետապնդումը քաղաքական նպատակներով իրականացնելու վերաբերյալ փաստեր: |
 |
Հակաեկեղեցական արշավը կրոնական ազատության և սահմանադրական կարգի կոպիտ խախտում է․ FOREF EuropeԿառավարության կողմից Հայ Առաքելական Եկեղեցու դեմ իրականացվող ագրեսիվ գործողությունները, եկեղեցու իրավունքների ոտնահարման դեպքերը դատապարտել է «Եվրոպայի կրոնական ազատության ֆորում» ՝ FOREF Europe կազմակերպությունը: X թերթում հրապարակվել է հոդված, որտեղ միջազգային փորձագետները հակաեկեղեցական արշավը կրոնական ազատության և սահմանադրական կարգի կոպիտ խախտում են որակել։ |