Ռեժիսոր Արամ Շահբազյան

	Արցախ. Սուրբ Հակոբավանք Մեծարանից Սուրբ Հակոբավանքը Արցախի Հանրապետության Մարտակերտի շրջանում է: 13-րդ դարում Հակոբավանքը Հայոց Արևելից կողմերի՝ Արցախի և Ուտիքի նշանավոր ուխտատեղի է եղել և աթոռանիստ: Այստեղ է պահվել համաքրիստոնեական սուրբ Հակոբ Մծբնա հայրապետի մասունքը: Մեծարանից Սուրբ Հակոբ վանքը Հայ առաքելական եկեղեցու Արցախի թեմի իրավասության տակ է: 2020 թվականի Արցախյան պատերազմից հետո համահայկական դրամահավաք է սկսվել վանքի նորոգության համար:
	Անանուն բարձունք․ 44-օրյա պատերազմի մեկ դրվագ Արցախյան 44-օրյա պատերազմի առանձին դրվագները քիչ են ուսումնասիրված։ Մեզ հայտնի են Ադրբեջանի կողմից գրավված և նոյեմբերի 9-ի հայտարարությամբ հանձնված Արցախի Հանրապետության տարածքները և պատերազմի ժամանակ զոհված կամ վիրավորված տղաների անունները։ Ովքեր են նրանք, որտե՞ղ և ինչպե՞ս են կռիվ տվել, ի՞նչ խնդիրներ են կատարել, ի՞նչ որոշումներ են կայացրել տեղում, չգիտենք։ «Անանուն բարձունք» փաստավավերագրական ֆիլմը մանրամասն հետազոտում ու բացահայտում է 44-օրյա պատերազմի մեկ դրվագ՝ Արցախի հարավում գտնվող Անանուն բարձունք կոչվող բլրի առումը։ Ներկայացնում ենք լիամետրաժ ֆիլմի մի հատված։
	Ամարաս․ սահմանի վանքը 2021թ.-ի գարունն է, Արցախում ենք: 2020-ի պատերազմն ավարտվել է, բայց կյանքն այլևս առաջվանը չէ: Պատերազմը փոխել է դիրքերը: Մարտունու շրջանում հայ-ադրբեջանական սահմանին կանգնած են ռուս խաղաղապահները, հայկական բանակային դիրքերը և Ամարասի պարիսպները: Մեզ դիմավորում է օրվա վանահայրը։
	Վաղվա հաղթանակից առաջ. մաս 4-րդ ՀՀ ԶՈՒ հոգևոր առաջնորդ Մովսես վարդապետ Սարգսյանի այցելությունը Կապան և Մեղրի (մայիս, 2021):
	Վաղվա հաղթանակից առաջ. մաս 3-րդ ՀՀ ԶՈՒ հոգևոր առաջնորդ Մովսես վարդապետ Սարգսյանի և Արցախի թեմի առաջնորդ Վրթանես եպիսկոպոս Աբրահամյանի այցելությունը Սյունիքի մարզ (մայիս, 2021):
	Վաղվա հաղթանակից առաջ. մաս 2-րդ ՀՀ ԶՈՒ հոգևոր առաջնորդ Մովսես վարդապետ Սարգսյանի այցելությունը Վայոց Ձոր և Սյունիք (մայիս, 2021):
	Վաղվա հաղթանակից առաջ Դեպի Նապատ ուխտագնացությունը կատարվում է ամեն տարի՝ Մայիսյան հաղթանակների տոնին ընդառաջ: Այս տարի ավանդույթը պահպանվեց՝ ի հեճուկս ծանր տրամադրությունների, հանուն գոտեպնդման ու ինքնության մեջ հաստատուն մնալու կամքի: Մայիսի 2-ին, Սուրբ Խաչի Երևման տոնին Արցախի թեմի առաջնորդ Վրթանես եպիսկոպոս Աբրահամյանը և ՀՀ ԶՈՒ հոգևոր առաջնորդ Մովսես վարդապետ Սարգսյանը ուխտագնացություն կատարեցին Մարտակերտ, Նապատի Սուրբ Ամենափրկիչ վանք։ Հայոց բանակի պահապան Աշոտ Երկաթի Սուրբ Խաչով օրհնվեցին մեր սահմաններն ու սահմանապահները։
	Գնդերեցը. Իշխան սարկավագ Գևորգյան 44-օրյա պատերազմի ողջ ընթացքը հայ եկեղեցու գնդերեցները կիսեցին զինվորի ու հրամանատարի հետ: Պատերազմն ավարտվել է, բայց գնդերեցների ծառայությունը շարունակվում է: Մեր նկարահանող խումբն այցելել է Սիսիան, հանդիպել N զորամասի գնդերեց Իշխան սարկավագ Գևորգյանի հետ:
	Դադիվանք. հրաժեշտի ուխտ Նոյեմբերի 10-ին Արցախում հաստատված խաղաղության գինը չափազանց թանկ էր. Ադրբեջանին էր հանձնվելու նաև Քարվաճառը: Մինչև նոյեմբերի 15-ը հայ բնակչությունը պետք է լքեր տարածքը՝ հայրենիքը, հողը, տունը և... Քարվաճառի մարգարիտը՝ Դադիվանքը: Մեր նկարահանող խումբը Դադիվանք հասավ նոյեմբերի 12-ի կեսօրին՝ Մայր Աթոռ Ս. Էջմիածինը որոշել էր փրկական նպատակով տեղափոխել Դադիվանքի արժեքավոր խաչքարերը և որմնանկարները:
	«Առլուպա» հավելված՝ լրացնելով իրականությունը Եթե որևէ տեղ տեսնում եք «Առլուպա» տարբերանշանը, ուրեմն այդտեղ կա թաքնված բովանդակություն, օգտագործեք «Առլուպա» հավելվածը և ստացեք ավելի շատ բովանդակություն, քան տեսնում եք պարզ աչքով: Լրացված և վիրտուալ իրականության (AR, VR) «Առլուպա» հավելվածը աշխարհի տասը լավագույններից մեկն է:
	Չլսվող ձայներ Երիտասարդ ազգագրագետները այս ուսումնասիրությունը կատարում էին գիտական ժողովածուի հրատարակման համար: Նրանք արձանագրում էին այլընտրանքային պատմություն՝ հասարակ մարդկանց հիշողությունները: Մենք հետևում էինք նրանց: «Չլսվող ձայները» երբեմն շրջվում էին դեպի տեսախցիկը, երբեմն՝ գերադասում մնալ անանուն:
	Մայրավանքի շինությունները Տեսախցիկը հետևում է Մայր Աթոռ Ս. Էջմիածնի տարածքում քայլող Արարատ քահանա Պողոսյանին, որը ներկայացնում է Մայրավանքի տարածքում գտնվող պատմական կառույցները և նոր շինությունները: Հրաշալի տեսաուղեցույց նրանց համար, ովքեր ծանոթ են, բայց վաղուց չեն եղել Մայրավանքի տարածքում, կամ անծանոթ են և ուզում են իմանալ՝ ինչու է Ս. Էջմիածինը համարվում թանգարան բաց երկնքի տակ: