 |
Օշականի Սուրբ Մեսրոպ Մաշտոց եկեղեցում կատարվել է միասնական ժամերգությունԱրագածոտնի թեմի վարչական խորհրդի ատենապետ Տեր Շնորհք աբեղա Պալոյանի առաջնորդությամբ հոկտեմբերի 30-ին Օշականի Սուրբ Մեսրոպ Մաշտոց եկեղեցում էին մեկտեղվել թեմի հոգևորականները, վանականները, ուխտավորներ: Ներկաները միասին աղոթեցին անազատության մեջ գտնվող Մկրտիչ Սրբազանի, Միքայել և Բագրատ սրբազանների, Տեր Գարեգինի, և մյուս ձերբակալվածների համար։ Արագածոտնի թեմի առաջնորդ Տեր Մկրտիչ եպիսկոպոս Պռոշյանի օրհնությամբ, յուրաքանչյուր հինգշաբթի թեմի որևէ սրբավայրում կատարվում է միասնական ժամերգություն: |
 |
Գանձերի տունդարձը. ձեռագիր մատյաններՍուրբ Էջմիածնի ձեռագրական հավաքածուն Գարեգին Բ Ամենայն Հայոց Կաթողիկոսի ջանքերով համալրվել է 123 ձեռագրով: Այժմ արդեն Մայր Աթոռի ձեռագրական հավաքածուն Հայաստանում մեծությամբ երկրորդն է Մաշտոցյան Մատենադարանից հետո: Վեհարանի նորոգումից հետո վեհափառի հատուկ կարգադրությամբ հատուկ պահարաններ են տեղադրվել, որտեղ խնամքով ժողովված են Մայր Աթոռի ձեռագրերը: Դրանք ոչ միայն պահվում են ձեռագրատանը, այլև ցուցադրվում Մայր Աթոռի թանգարաններում, մասնակցում Հայաստանում և սփյուռքում տեղի ունեցող ցուցահանդեսների: |
 |
Ռուբեն Սևակ թանգարանը ներկայացրել է Երվանդ Քոչարի Սուրբ Մեսրոպ Մաշտոց դիմանկարըՍուրբ Էջմիածնի գեղնակարչական հավաքածուի ցուցանմուշը կցուցադրվի մինչեւ նոյեմբերի 1-ը։ Փարիզից Երևան վերադառնալուց հետո Քոչարը հայ ականավոր գործիչներին նվիրված շարք է պատկերել, որոնցից մեկն էլ այս նկարն է։ 1962 թվականին նա իր ստեղծագործոթյունը նվիրել է Վազգեն Ա Ամենայն Հայոց կաթողիկոսին՝ գահակալության 7-րդ տարեդարձի առթիվ: |
 |
Երեկոյան ժամերգության ավարտին Էրեբունու Սուրբ Մեսրոպ եկեղեցուց սկսվել է ուխտերթՔահանաների առաջնորդությամբ հավատացյալները քայլել են մինչև Էրեբունի թանգարանի մոտ, այնուհետև վերադարձել եկեղեցի: Վերադարձի ճանապարհին ուխտավորներն ավելացել են։ Ուխտերթի ավարտին եկեղեցու բակում կատարվել է Անդաստանի կարգ: Քահանան խաչով, Ավետարանով օրհնել է երկրի չորս կողմերը, Տիրոջից օրհնություն և խաղաղություն է խնդրել: |
 |
Սուրբ թարգմանիչների տոնին Մատենադարանից դուրս է բերվել Շուխոնց հրաշագործ ԱվետարանըԱշտարակի Սուրբ Մարիանե եկեղեցում ընդհանրական խոստովանության կարգ է կատարել թեմակալ առաջնորդ Մկրտիչ եպիսկոպոս Պռոշյանը, որից հետո երիտասարդները քահանաների առաջնորդությամբ ճանապարհվել են դեպի Օշականի Սուրբ Մեսրոպ Մաշտոց եկեղեցի՝ մասնակցելու Պատարագի: Ուխտերթի մասնակիցներին ուղղորդել են ոստիկանության աշխատակիցները։ Մինչև երեկոյան ժամերգություն մարդիկ հնարավորություն են ունենցել հպվելու հրաշագործ մատյանին, որի բժշկող հատկության մասին բազմաթիվ վկայություններ են եղել: |
 |
Վարդենուտ համայնքը նշել է Սուրբ Մերկեռիոս եկեղեցու օծման 6-րդ տարեդարձըԱմենայն Հայոց Կաթողիկոսի Հայրապետական տնօրինությամբ և Արագածոտնի Թեմի Առաջնորդ Տեր Մկրտիչ եպիսկոպոս Պռոշյանի օրհնությամբ, Մայր Աթոռ Սուրբ Էջմիածնից առաջին անգամ եկեղեցի է տեղափոխվել Սուրբ Գևորգ Զորավարի մասունքը։ Տոնական Սուրբ Պատարագը մատուցել է Արագածի հովվության հոգևոր հովիվ Տեր Մաղաքիա քահանա Գևորգյանը: Նա կարեւոր է համարել քրիստոնյայի կյանքում աներեր հավատք ունենալը, սրբերի օրինակին հոտևելը, մայր եկեղեցուն հավատարիմ լինելը: |
 |
150 պատանի նկարիչներ մասնակցել են «Արարատը մեր աչքերում» միջոցառմանը«Արարատը մեր աչքերում» խորագրով հոգևոր-կրթամշակութային միջոցառումը Մայր Աթոռ Սուրբ Էջմիածնի «Վաչե և Թամար Մանուկյան» Մատենադարանի բակում է համախմբել Մայր Աթոռի և Հայկական Բարեգործական Ընդհանուր Միության Հայորդյաց տների շուրջ 150 պատանի նկարիչների: Ավելի ուշ պատանիների նկարներով կբացվի մեծ ցուցահանդես: Յուրաքանչյուր աշխատանք կլրացվի հեղինակային փոքրիկ էսսեյով: |
 |
Քրիստոսի խաչափայտի մասունքը տեղափոխվել է Ագարակ գյուղի սուրբ Աստվածածին եկեղեցիՎարագա սուրբ խաչի տոնին առաջին անգամ Մայր Աթոռից Արագածոտնի մարզի Ագարակ գյուղի սուրբ Աստվածածին եկեղեցի է բերվել Քրիստոսի խաչափայտի մասունքը: Քահանաների ուղեկցությամբ ուխտավորները շարժվել են դեպի եկեղեցի: Պատարագը մատուցել է Կոշի Սուրբ Ստեփանոս վանքի վանահայր տեր Շնորհք աբեղա Պալոյանը: Պատարագին երգել են Ղազարավանի մենաստանի միանձնուհիները: |
 |
Հովհաննավանքում տոնական Պատարագով նշել են Սուրբ Գեւորգ զորավարի հիշատակության օրըՔահանաների ուղեկցությամբ, ընտանիքներով, մեծ ու փոքր խմբերով ուխտավորները շարժվել են դեպի Հովհաննավանք՝ մասնակցու ընդհանրական խոստովանության կարգի, որը կատարել է Արագածոտնի թեմակալ առաջնորդ Մկրտիչ եպիսկոպոս Պռոշյանը: Պատարագին հավատացյալները հաղորդակցվել են սրբի մասունքի հետ: Կատարվել է Հոգեհանգստի կարգ՝ ի հիշատակ Արցախյան 44-օրյա պատերազմում նահատակված հայորդիների: |
 |
Լույս է տեսել Արցախի թեմի Մատենաշարի 2-րդ հրատարակությունը՝ «Արցախյան հրաշապատումներ»Ամարասի վանքի, Ծիծեռնավանքի, Գտչավանքի ու Արցախի բազմաթիվ սրբավայրերի մասին պատմական փաստերին զուգահեռ՝ գրքում ներկայացված են դրանց վերաբերյալ բազմաթիվ հրաշքներ, ինչպես նաև արցախահայերի հավատի, անձնական հոգևոր ապրումների մասին վկայող հրաշապատումներ: Գիրքը լույս է տեսել անգլեն և հայերեն: Այն Արցախի թեմի և «Դիալոգ» ՀԿ նախաձեռնությունն է, որը հրատարակվել է «Թուֆենկյան հիմնադրամի» և «Save Armenia» կազմակերպության հովանավորությամբ: |
 |
Տիրոջ խաչափայտի Սուրբ մասունքը տեղափոխվել է Աշտարակի Սուրբ Մարիանե եկեղեցիԽաչվերացին հաջորդող երկրորդ երեքշաբթի օրը Հայ Առաքելական եկեղեցին նշում է սրբուհիներ Փեփրոնեի, Մարիանեի և Վարդան զորավարի դստեր՝ սուրբ Շուշանիկի հիշատակության տոնը։ Սա նաև Աշտարակի Սուրբ Մարիանե եկեղեցու ուխտի օրն է: Արդեն երկրորդ տարին է՝ այս օրը Գարեգին Երկրորդ Ամենայն Հայոց Կաթողիկոսի Հայրապետական տնօրինությամբ Մայր Աթոռ Սուրբ Էջմիածնի գանձատնից Սբ. Մարիանե եկեղեցի է բերվում Տիրոջ խաչափայտի սրբազան մասունքը: |
 |
Սուրբ Ստեփանոս Նախավկայի մասունքը տեղափոխվել է Նիգավանի եկեղեցիՆիգավանի Սուրբ Ստեփանոս եկեղեցու ուխտի օրվա՝ վերաօծման տասնամյակի առիթով Հայոց Հայրապետի տնօրինությամբ Մայր Աթոռից տեղափոխվել է Սուրբ Ստեփանոս Նախավկայի մասունքը: Պատարագի մասնակիցները հաղորդություն են ստացել և արժանացել Սուրբ Ստեփանոս Նախավկայի մասունքից բխող զորությանը: |