 |
Վեհափառ Հայրապետն ընդունեց քառասնօրյա պատրաստության շրջանն ավարտած նորաօծ քահանաներինՄայր Տաճարում քահանայական ձեռնադրության ու օծման արժանացած և քառասնօրյա պահեցողության շրջան անցած նորաօծ եկեղեցականները կիրակի օրը Հայոց տարբեր եկեղեցիներում մատուցել են իրենց անդրանիկ Պատարագը: Օրվա ավարտին Հայոց վեհարանում նրանց ընդունել է Գարեգին Երկրոդ Ամենայն Հայոց Կաթողիկոսը: |
 |
Ամենայն Հայոց Կաթողիկոսի օժանդակությամբ զինհաշմանդամը կպրոթեզավորվի ՀնդկաստանումԱրտաշես Ամիրյանի ոտքերը ցրտահարվել են Արցախյան պատերազմի ժամանակ Օմարի դիրքերում։ Ավելի ուշ բժիշկները ստիպված են եղել անդամահատել ոտքը։ Մայր Տաճարում Ամենայն Հայոց Կաթողիկոսի հետ պատահական հանդիպումից հետո Վեհափառը նրան առաջարկել է իր օժանդակությամբ մեկնել Հնդկաստան՝ պրոթեզավորման: 2020 թվականից ի վեր Արցախյան պատերազմի հետևանքով վնասվածքներ ստացած տասնյակ զինվորականներ Ամենայն Հայոց Հայրապետի անմիջական օժանդակությամբ բուժվում և պրոթեզավորվում են արտասահմանի լավագույն բուժհաստատություններում, վերականգնում կյանքի որակը: |
 |
Պաշտպանները միջնորդել են վերանայել Բագրատ սրբազանի խափանման միջոցըՊաշտպանները միջնորդել են դատարանին հնարավորություն տալ Բագրատ սրբազանին մասնակցելու դեկտեմբերի 10-12-ը ՄԱՍԷ-ում Ամենայն Հայոց Կաթողիկոսի կողմից հրավիրված եպիսկոպոսաց ժողովին: Միաժամանակ առաջարկել են 3.800.000 դրամ գրավ: Դատարանը սրբազանի կալանքի միջնորդության հարցը կքննի դեկտեմբերի 9-ին, ժամը 15:30-ին: |
 |
Գերմաներենից հայերեն է թարգմանվել Սիրո պատմություններն Աստվածաշնչում գիրքըՀայաստանի Աստվածաշնչային ընկերության հրատարակած «Սիրո պատմություններն Աստվածաշնչում» գրքին ծանոթանալու, քրիստոնեական և ամուսնական սիրո մասին զրուցելու նպատակով Տեր Մարկոս քահանա Մանգասարյանը հանդիպել է երիտասարդների հետ: Գիրքը թարգմանվել է գերմաներենից, այն բոլորի, բայց առավելապես երիտասարդ զույգերի կամ ընտանիք կազմել ցանկացողների ընթերցանության համար է: Գրքում ներկայացված են հաջողված և ձախողված սիրո պատմություններ սուրբգրային տարբեր պատմությունների օրինակով: |
 |
Սուրբ Թադեոս և Սուրբ Բարդուղիմեոս առաքյալների տոնին դուրս է բերվել Սուրբ ԳեղարդըՍուրբ Թադեոս և Սուրբ Բարդուղիմեոս առաքյալների տոնը Գարեգին Երկրորդ Ամենայն Հայոց Կաթողիկոսի սրբատառ կոնդակով հռչակվել է Աստվածամուխ Սուրբ Գեղարդի ուխտի օր: Տոնի առթիվ Ամենայն Հայոց Հայրապետի հանդիսապետությամբ Մայր Տաճարում մատուցվել է Սուրբ և Անմահ Պատարագ: Ավարտին՝ Հայոց Հովվապետը Պահպանիչ աղոթքով և հրաշագործ Սուրբ Գեղարդով օրհնել է հավատացյալներին: Սրբազան արարողությունն ավարտվել է Հայրապետական մաղթերգով: |
 |
Ապարանի Սուրբ խաչ եկեղեցում աղոթել են բանտարկված հոգեւոր հայրերի և գերիների համարԱմեն հինգշաբթի թեմի տարբեր եկեղեցիներում կատարվող ժամերգություններին քահանաներն ու հավատացյալները իրենց հոգևոր զորակցությունն են հայտնում և աղոթում թեմի առաջնորդ Մկրտիչ եպիսկոպոս Պռոշյանի, բանտարկված բոլոր հոգևոր հայրերի, եկեղեցին և հայրենիքը պաշտպանելու համար անազատության մեջ գտնվող հայորդիների համար: |
 |
Լույս է տեսել Երվանդ Տեր-Մինասյանի հուշագրությունըԵրվանդ Տեր-Մինասյանի ծննդյան օրը, Մաշտոցյան Մատենադարանում տեղի է ունեցել «Հուշեր իմ կյանքից» գրքի շնորհանդեսը: Գիտնականի հուշերի երկրորդ, լրամշակված հրատարակությունն է։ Շնորհանդեսի օրը ճարտարապետ Անուշ Տեր-Մինասյանը իր պապի արխիվից արժեքավոր նմուշներ նվիրեց Մատենադարանին: |
 |
Հայ Առաքելական եկեղեցին նշել է երեքամյա սուրբ Աստվածածնին՝ Տաճարին ընծայելու տոնըՇիրակի թեմի առաջնորդ Միքայել արքեպիսկոպոս Աջապահյանի օրհնությամբ նոյեմբերի 21-ը սահմանվել է նաև Մարալիկի Սուրբ Աստվածածին եկեղեցու ուխտի օր: Գյումրու Յոթ վերք եկեղեցուց տեղափոխվել է Հովհաննես Մկրտչի մասունքակիր աջը և ուխտի տոնական պատարագ մատուցվել: Տոնն իր անունը ստացել է Տիրամոր մանկության մի դրվագից, երբ նրա ծնողները՝ Հովակիմը և Աննան երեքամյա Մարիամին ընծայում են Երուսաղեմի Տաճարին: |
 |
Արագածոտնի թեմը միասնական աղոթքի է մեկտեղել Թալինի Սուրբ Աստվածածին եկեղեցումԹեմակալ Առաջնորդ Տեր Մկրտիչ եպիսկոպոս Պռոշյանի օրհնությամբ, ամեն հինգշաբթի թեմի որևէ եկեղեցում կատարվում է միասնական ժամերգություն և թեմի հոգևոր դասը, Արագածոտնի թեմի վարչական խորհրդի ատենապետ Հոգեշնորհ Տեր Շնորհք աբեղա Պալոյանի հանդիսապետությամբ մեկտեղվում է միասնական աղոթքի: |
 |
Սուրբ Երրոդություն եկեղեցու օծման 20-ամյակի առթիվ ուխտի Պատարագ է մատուցվելՀոբելյանի առիթով ծխական համայնքի անդամները հարակից տարածքում ծառեր են տնկել: Երեկոյան տիկանց, երիտասարդաց միությունների ներակայցուցիչները, կիրակնօրյա դպրոցի սաները, «Խորոտիկ» ազգային երգ ու պարի համույթը, «Նռանե» ժողովրդական պարի խումբը, սրբայրի գործունեությանը սատարող մարդիկ մասնակցել են 20-ամյակի տոնական հանդիսությանը: |
 |
Հայ Առաքելական եկեղեցին նշել է Հրեշտակապետաց և ամենայն երկնային զորաց տոնըԱրմավիրի թեմի Առատաշեն գյուղի Սուրբ Աստվածածին եկեղեցու բակում հավաքվածները տոնի առթիվ խաչերթի են մասնակցել: Ներհամայնքային խաչերթ Արտիմետի հովվությունում առաջին անգամ է կազմակերպվել, չնայած ուխտագնացություններ դեպի նշանավոր սրբավայրեր միշտ են գնում: Խաչերթի մասնակիցներն աղոթքներով, շարականների երգեցողությամբ քայլել են դեպի Տարոնիկ գյուղ: Առիթը ոչ միայն Հրեշտակապետաց և ամենայն երկնային զորաց տոնն էր, այլև Տարոնիկի Սուրբ Զորաց մատուռի օծման տարեդարձն ու ուխտի օրը: |
 |
Գյումրու Սուրբ Աստվածածին Մայր եկեղեցում կատարվել է Երեկոյան ԺամերգությունԳյումրու Սուրբ Աստվածածին՝ Յոթ Վերք եկեղեցում կատարվել է ժամերգություն ապա նախատոնակ, որով ազդարարվում է Գաբրիել, Միքայել Հրեշտակապետերի և անբողջ երկնային զորքի հիշատակության տոնը: Շիրակի թեմի հոգևոր տեսուչ Նարեկ եպիսկոպոս Ավագյանի օրհնությամբ Յոթ Վերք եկեղեցի են ժամանել Շիրակի թեմի տարբեր համայնքներում սպասավորող հոգևորականներ, հավատացյալներ՝ մասնակցելու միասնական աղոթքի: Սա Շիրակի թեմի առաջնորդ Միքայել արքեպիսկոպոս Աջապահյանի անվանակոչության տոնն է: |