Բյուրականում անցկացվում է հոգևոր բակային ճամբար


Ուսանողները որպես ջոկատավարներ անգլերենի, կենսաբանության, իրավագիտության, հայոց լեզվի ու կրոնի դասեր են անցկացնում Բյուրականի Խրիմյան Հայրիկ կրթարան հաճախողների համար: Դասերն ընդմիջվում են քաղցրավենիքով ու բակային խաղերով: Խրիմյան Հայիկ կրթարանում Արագածոտնի թեմն ու «Հայ-Դանիական բարեգործական առաքելություն» կազմակերությունը «Լույս մանկանց» ծրագիր է իրականացնում: Երեխաները հոգևոր գիտելիք են ձեռք բերում և խմբակներ այցելում:

ՀԲԸՄ-ի սկաուտական բանակումի մասնակիցներն այցելեցին Մայր Աթոռ


Մայր Աթոռի Մատենադարանում ՀԲԸՄ Հայ երիտասարդաց ընկերակցության Անդրանիկ սկաուտական բանակավայրի ամառային հավաքի այս տարվա մասնակիցներին հյուրընկալել է Մայր Աթոռի Արտաքին հարաբերությունների և արարողակարգի բաժնի տնօրեն Նաթան արքեպիսկոպոս Հովհաննիսյանը: Սրբազան հայրը նրանց փոխանցել է Նորին Սրբության հայրական օրհնությունն ու բարեմաղթանքները:

Ամենայն Հայոց Հայրապետն ընդունել է Նյու Յորքից ժամանած ուխտավորների խմբին


Վեհափառ հայրապետը հույսի, խաղաղաության և սիրո կոչ է ուղղել և հորդորել որ, ուր էլ լինեն, իրենց գործով, այլ ոչ խոսքով վկայեն հավատի ու նվիրվածության մասին: Ամենայն Հայոց Կաթողիկոսը ուխտավորների հետ քննարկել է եկեղեցի-պետություն հարաբերությունները։

Ամենայն Հայոց Կաթողիկոսն ընդունել է ՀՅԴ երիտասարդական 12-րդ բանակումի մասնակիցներին


Վեհափառ Հայրապետը Հայ Հեղափոխական Դաշնակցության երիտասարդական և ուսանողական 12-րդ Համահայկական բանակումի մասնակիցների հետ հանդիպմանը անդրադարձել է Արցախի բռնազավթմանը, հայրենազրկված արցախահայության իրավունքների պաշտպանությանը և Ադրբեջանում մինչ օրս պահվող հայ գերիներին վերադարձնելուն։ Ամենայն Հայոց Կաթողիկոսը խոսել է Արցախի հայկական հոգևոր-մշակութային ժառանգության պահպանության խնդիրների ու երկրում տիրող դժվարին կացության մասին: Նա կարևոր է համարել ազգային միաբանությունը, սերը՝ հայրենի երկրի նկատմամբ, ազգային արժեքներին հավատարմությունը, որոնցով միայն հնարավոր կլինի հաղթահարել մարտահրավերները:

Հայագիտական կրոնագիտական դասընթացի մասնակիցները վկայականներ են ստացել


Երիտասարդները վերջին շաբաթների ընթացքում հյուրընկալվել են Մայր Աթոռ Սուրբ Էջմիածնում, սովորել են հայոց լեզու, հայոց պատմություն։ Հոգևոր, կրոնական գիտելիք են ստացել։ Մասնակցել են մշակութային ծրագրերի, Էջմիածնի հայրդյաց տանը արվեստի, արհեստի դասերի են մասնակցել: Ռուսաստանից, Ամերիկայի Միացյալ Նահանգներից, Մեծ Բրիտանիայից, Բրազիլիայից, Ավստրիայից և Վրաստանից ժամանած երիտասարդները եղել են սրբավայրերում, Մայր տաճարում ու Սևանավանքում մասնակցել են պատարագի։

 

ՀԲԸՄ Ֆոկուս ծրագրի մասնակիցները հանդիպել են Գարեգին Բ Ամենայն Հայոց Հայրապետի հետ


Շուրջ 28 երկրում ՀԲԸՄ հովանու ներքո Երիտասարդ արհեստավարժների խմբեր են գործում, որոնք համայնքային ծրագրեր են իրականացնում՝ հաճախ մայր հայրենիքի համար: Երիտասարդ արհեստավարժների խմբերն ամեն երկու տարին մեկ որևէ երկրում անցկացնում են իրենց համատեղ հավաքը։ Ամենայն Հայոց Հայրապետը նկատել է, որ հենց այդպես են երիտասարդները սիրում և կապվում հայրենիքին:

 

Սուրբ Էջմիածնից Հայրավանք է տարվել Հիսուս Քրիստոսի խաչափայտի մասունքը


Հայրավանք վանական համալիրի ուխտն այս տարի համընկել է Սուրբ Աստվածածնի տուփի գյուտի տոնին: 2016 թվականից Գարեգին Երկրորդ Ամենայն Հայոց կաթողիկոսի օրհնությամբ Մայր Աթոռ Սուրբ Էջմիածնից վանական համալիր է տեղափոխվում Հիսուս Քրիստոսի Խաչափայտի մասունքը: Խաչափայտի մասունքը վանքում մնացել է մինչև երեկոյան ժամերգություն՝ հնարավորություն տալով բոլորին հաղորդակցվել մասունքից բխող զորությանը:

 

Նորքի ՀՏ սաները ցուցահանդեսում ներկայացրել են իրենց աշխատանքները


Ցուցադրվել են կիրառական արվեստի դասարանների աշխատանքները՝ խեցի, գեղանկար, գորգ, կարպետ, մաքրամե, բատիկա: Հայորդյաց տներում սկսվել են ամառային արձակուրդները և մինչ սաները կհեռանան ցուցահանդեսից, սպիտակ պաստառի վրա գրում են իրենց մաղթանքները՝ հավատով, որ դրանք իրականություն կդառնան նոր ուսումնական տարում:

 

Հայ Առաքելական եկեղեցին նշել է Մեսրոպ Մաշտոցի և Սահակ Պարթևի հիշատակության տոնը


Հայ Առաքելական Սուրբ եկեղեցին տոնել է թարգմանիչներ Սուրբ Մեսրոպ Մաշտոց վարդապետի և Սուրբ Սահակ Պարթև Հայրապետի հիշատակության տոնը: Տոնի առիթով, Արագածոտնի թեմի Առաջնորդանիստ Սուրբ Մեսրոպ Մաշտոց եկեղեցում թեմակալ Առաջնորդ Տեր Մկրտիչ եպիսկոպոս Պռոշյանի հանդիսապետությամբ մատուցվել է տոնական Սուրբ և Անմահ Պատարագ:

 

Ամենայն Հայոց Կաթողիկոսն ընդունել է հայագիտական դասընթացներին մասնակից երիտասարդներին


Բրիտանիայի, Ավստրիայի, Ռուսաստանի, Բրազիլիայի և ԱՄՆ Հայոց թեմերից ժամանած երիտասարդները երեք շաբաթ Մայր Աթոռում կմասնակցեն հայագիտական և կրոնագիտական դասընթացների: Վեհափառ Հայրապետն, օրհնելով տարբեր երկրներից ժամանած երիտասարդներին, կարևորեց նրանց համախմբումը Մայր Աթոռ Սուրբ Էջմիածնում և մասնակցությունը կրթական ծրագրին։

 

Վերակնգնվում է Ուշիի Սուրբ Սարգիս վանական համալիրը


Ուշիի վանական համալիրը վերակառուցելու համար հազարավոր բեկորներ են մասնագետները հաշվառել ու համարակալել: Անհրաժեշտություն է աառաջացել կազմել նաև ամրակայման, կոնստրուկտորական ու շահագործման նախագիծ: Վերակառուցմանը զուգահեռ պատմական տեղեկությունների ուսումնասիրություններ են կատարվում: 1999 թվականից սկսած՝ հնագետներ ու վերականգնող ճարտարապետներ այս տարածքում պեղումներ, ուսումնասիրություններ են իրականացնում:

 

Հոգեւորականները ՀԵՀԵՄ երիտասարդների հետ քննարկել են ընտանիքի կարեւորությունը


Երկօրյա կրթական ծրագրին «Ընտանիքը Եկեղեցու Հիմքն է» և «Ամուսնությունը և Ռոմանտիկ Հարաբերությունը» թեմաներով բանախոսությամբ հանդես են եկել հոգևորականներ՝ աշխարհարհասփյուռ թեմերից։ Բանախոսություններն ընթացել են բաց երկնքի տակ, երիտասարդները բաժանվել են խմբերի և տարբեր տաղավարներում հոգևորականների հետ զրուցել քրիստոնյա ընտանիք կազմելու կարևորությունը: