Լույս է տեսել Դերենիկ աբեղա Սահակյանի «Բարեւս նամակը կարդացողներին եւ լսողներին» գիրքը


Կայացել է Մայր Աթոռ Սուրբ Էջմիածնի միաբան Տեր Դերենիկ աբեղա Սահակյանի «Բարեւս նամակը կարդացողներին եւ լսողներին» գրքի շնորհանդեսն ու գրքի մոտիվներով նկարահանված համանուն փաստավավերագրական ֆիլմի պրեմիերան: Գիրքը հեղինակի պապի զոհված եղբայների մասին է, որոնք մասնակցել են Երկրորդ աշխարհամարտին: Մի քանի տասնյակ նամակներից բացի ընտանիքը ուրիշ տեղեկություն չի ունեցել նրանց մասին: 2020 թվականին է միայն հեղինակը բացահայտել, որ պապի ավագ եղբայրը զոհվել է 1945 թվականին Գերմանիայի մատույցներում և թաղված է Կալինիգրադի եղբայրական գերեզմանատանը:

 

Նորոգվում և մաքրվում է Մայր Տաճարի ներսում գտնվող երկու ջրհորը


Մայր Տաճարի ներսում 2 ջրհոր կա՝ մեկը հյուսիսային ավանդատան ներսում, մյուսը՝ սուրբ Ստեփանոս Նախավկայի խորանի դիմաց, որտեղից հավատացյալները ջուր են վերցրել՝ համոզված լինելով, որ այն տաճարի հրաշագործ զորությամբ է օժտված: 2012թ. սկսած՝ վերականգնող ճարտարապետ Ամիրան Բադիշյանը չոր և անձրևային եղանակներին չափել և արձանագրել է Ստեփանոս Նախավկայի խորանի դիմացի ջրհորի ջրի ծավալը: Երկրորդ ջրհորում ջուր չկա, նախկինում էլ չի եղել: Տաճարի վերականգնման ավարտին ջրհորը կմաքրվի և երկուսում էլ ջուր կլինի:

 

Պատմաբանները համեմատել են Անիում և Շուշիում իրականացված մշակութային ցեղասպանությունները


Պատմաբաններ Հովիկ Ավանեսովը և Մհեր Հարությունյանը Անիում և Շուշիում մշակութային ցեղասպանության պատմահամեմատական վերլուծություն են կատարել: Նրանք անդրադարձել են քրիստոնեական արժեքների ոչնչացման պետական քաղաքականությանը։ Զեկույցը ներկայացվել է Հայաստանի պատմության թանգարանում, «Անիի հնագիտական դպրոցը» խորագրով միջազգային գիտաժողովին։

Սկսվել է Մայր Տաճարի հյուսիսային և հարավային խորանների և սուրբ սեղանների վերականգնումը


Հարավային խորանը կոչվում է Հոհաննես Մկրտչի անունով։ Հյուսիսային խորանը քրիստոնեական հավատքի համար նահատակված անդրանիկ նախասարկավագի՝ սուրբ Ստեփանոսի անունն է կրում: Երկուսն էլ կառուցվել են 17-18-րդ դարերում։ 1950-ականներին՝ Տաճարի վերականգնամ ժամանակ, սուրբ սեղանները վնասվել են: Գարեգին Երկրորդ Ամենայն Հայոց Հայարպետի որոշմամբ կկառուցվի նորը՝ ավելի համահունչ Տաճարին:

 

Հունիսի 2-ին տոնախմբվեց Կաթողիկե Սուրբ Էջմիածնի տոնը


Սուրբ Հարության տոնից 64 օր անց Հայ Առաքելական եկեղեցին տոնախմբում է Կաթողիկե Սբ. Էջմիածնի հիմնադրման տոնը: Այս տարի այն հուլիսի երկուսին է։ Ամենայն հայոց կաթողիկոսի հանդիսապետությամբ Սուրբ Գայանե վանքում մատուցվեց տոնական պատարագ։

 

Հունիսի 1-ին Ս․ Լուսավորչի՝ Վիրապից դուրս գալու հիշատակության օրն էր


Խոր Վիրապ վանական համալիր բերվեցին սրբի մասունքները և տոնական պատարագ մատուցվեց: Տոնի օրը համընկել էր երեխաների պաշտպանության միջազգային օրվա հետ։ Վանքի բակում զրուցել ենք երեխաների հետ՝ ո՞վ և ինչպե՞ս է իրենց պաշտպանում․ երեխաների կարծիքները տարբեր էին:

 

Հայ Առաքելական Եկեղեցին նշել է Ս. Հովհաննես Մկրտչի և Աթանագինե եպիսկոպոսի հիշատակության օրը


Մայիսի 30-ը նաեւ Սուրբ Շողակաթ վանքի ուխտի օրն է։ Ամենայն Հայոց Կաթողիկոսի օրհնությամբ Մայր Աթոռից Ս. Շողակաթ վանք են տարվել սրբերի մասունքներ: Հայոց Հայրապետը օրհնություն բաշխելով՝ Ս. Հովհաննես Մկրտչի և Ս. Աթանագինեի նշխարներով մասունքարանը Ս. Տրդատ, Ս. Գրիգոր Լուսավորիչ բաց խորանի մոտ հանձնել է Տեր Զաքարիա ծայրագույն վարդապետ Բաղումյանին: Հոգևորականների թափորը ուղևորվել է Շողակաթ վանք:

 

Հայ Առաքելական Եկեղեցին տոնել է Ս. Հռիփսիմյանց կույսերի հիշատակը


Հայ եկեղեցին նշել է Ս․ Հռիփսիմյանց կույսերի տոնը և ազդարարել Արարատյան շաբաթվա սկիզբը: Գարեգին Բ Ամենայն Հայոց կաթողիկոսը հոգևոր դասի ուղեկցությամբ վեհարանից դուրս է բերել Սուրբ Հռիփսիմեի մասունքարանը, որը պահվում է Սուրբ Էջմիածնի գանձատանը:

 

ՀՕՖ-ը 17 դրամաշնորհ է հանձնել գիտության ոլորտի ներկայացուցիչներին


Գիտությունների ազգային ակադեմիայում Հայ առաքելական եկեղեցու Հայ օգնության ֆոնդի Գիտության և կրթության հայկական ազգային հիմնադրամը 17 դրամաշնորհ է հանձնել գիտնականներին՝ կենսաբանության, կենսատեխնոլոգիայի, կենսաքիմիայի, ֆիզիկայի, քիմիայի, պատմության, բանասիրության, նյութագիտության և այլ ոլորտներում գիտական հետազոտություններ իրականացնելու համար: Մրցույթին ներկայացված 145 գիտական հայտերից հաղթող է ճանաչվել 17-ը: Հաղթողներին ընտրել է ԱՄՆ-ում գործող փորձագիտական հանձնախումբը: Յուրաքանչյուր դրամաշնորհի գումարը կազմում է 7,500 դոլար։

 

«Շողակաթ» երգչախումբը հանրապետական մրցույթում զբաղեցրել է պատվավոր հորիզոնական


Մայր Աթոռ Սուրբ Էջմիածնի և ՀԲԸՄ Նորքի հայորդյաց տան «Շողակաթ» երգչախումբը մասնակցել է «Երգող Հայաստան» մանկապատանեկան երգչախմբերի հանրապետական մրցույթին, որտեղ 70 երգչախմբերի մեջ զբաղեցրել է 2-րդ տեղը։ «Շողակաթ» երգչախումբը մրցույթին մասնակցել է Կոմիտասի՝ «Մոկաց Հարսներ», Ռոբերտ Պետրոսյանի՝ «Ֆանտազիա», Ռոսսինիի՝ «Կատուների դուետ» ստեղծագործություններով:

 

Կոմիտասի թանգարան-ինստիտուտը «Թանգարանային գիշերին» ներկայացրել է բացառիկ նմուշներ


Այս տարի լրանում է Կոմիտաս վարդապետի ծննդյան 155-ամյակը։ Թանգարանում գործում է տասից ավելի կրթական ծրագիր՝ նախատեսված տարբեր տարիքային խմբերի այցելուների համար: Թանգարանում պահվող Կոմիտասի տան մակետի և ժամանակակից վիառ համակարգի ակնոցների միջոցով արդեն հնարավոր է հայտնվել նաև Կոմիտասի տանը: «Թանգարանային գիշեր» միջոցառմանն այս տարի 118 հայաստանյան թանգարան է միացել։

 

Հոգեգալստայան տոնին բոլոր եկեղեցիներում մատուցվել է Պատարգ


Սուրբ Հոգին Սուրբ Երրորդության երեք անձերից մեկն է, համագո և հավասար Հորը և Որդուն: Սուրբ Հոգին գործում է մարդկանց մեջ զանազան կերպով: Այն մի դեպքում ներկայացվում է որպես շունչ, քամի, մի ուրիշ դեպքում՝ աղավնի, հրեղեն լեզու, ամպ և այլն: Այս ամենը բնորոշում է ոչ թե նրա էությունը, այլ՝ արտահայտությունը։ Հոգեգալստյան Պատարագին ընթերցում են Սուրբ Հոգուն ուղղված Հովհան Ոսկեբերանի աղոթքը: