 |
Սուրբ Ստեփանոս Նախավկայի մասունքը տեղափոխվել է Նիգավանի եկեղեցիՆիգավանի Սուրբ Ստեփանոս եկեղեցու ուխտի օրվա՝ վերաօծման տասնամյակի առիթով Հայոց Հայրապետի տնօրինությամբ Մայր Աթոռից տեղափոխվել է Սուրբ Ստեփանոս Նախավկայի մասունքը: Պատարագի մասնակիցները հաղորդություն են ստացել և արժանացել Սուրբ Ստեփանոս Նախավկայի մասունքից բխող զորությանը: |
 |
Հակոբոս Տեառնեղբոր մասունքը տեղափոխվել է Ծովինարի Սուրբ Աստվածածին եկեղեցիՈւխտավորները խաչերթով գնացել են գյուղի Սուրբ Աստվածածին եկեղեցի՝ տոնական պատարագով նշելու եկեղեցու ուխտի 13-րդ տարին: Մինչեւ այդ՝ Գեղարքունյաց թեմի առաջնորդը Հակոբոս Տեառնեղբոր մասունքով պատերազմում զոհված հայորդիների հիշատակին նվիրված խաչքար-հուշակոթողի մոտ հոգեհանգստի կարգ է կատարել՝ խնդրելով սրբի բարեխոսությունը նահատակ զինվորների հոգիների հանգստության համար: Կատարվել է նաև Անդաստանի կարգ՝ հայրենիքի խաղաղության համար: |
 |
Նկարիչների միությունում զոհված զինծառայողի մայրը որդուն նվիրված ցուցահանդես է կազմակերպելՆկարիչների միությունում բացվել է «Խոստացած վերադարձ» խորագրով ցուցահանդես, որը նվիրված է արցախյան 44-օրյա պատերազմում զոհված Ռուբեն Պողոսյանի հիշատակին։ Այս օրերին լրանում է Ռուբենի 25-ամյակը։ Կտավների հեղինակը Ռուբենի մայրն է՝ Անուշ Մելիքյանը, որին զավակի կորստի վիշտը օգնել է հաղթահարել եկեղեցին։ Նուբարաշենի հովվության քահանան՝ տեր Բարդուղիմեոսը, նախ վիրտուալ հարթակում աղոթքի ու հոգևոր զրույցների միջոցով եկեղեցու շուրջ է համախմբել որդեկորույս մայրերին, հետո պատարագներին ու ուխտագնացություններին մասնակցությամբ են փորձել միասին հաղթահարել ցավը: |
 |
Խաչվերաց տաղավար տոնի հաջորդ օրը Մեռելոց էԵկեղեցիներում Պատարագ է մատուցվել, որի ընթացքում հեգեհանգստյան կարգ է կատարվել՝ բոլոր ննջեցյալների հիշատակին։ Հոգեւորականներն ու հավատացյալները աղոթել են ննջեցյալների հոգիների խաղաղության համար։ Հանգուցյալների հարազատների խնդրանքով հոգեւորականները օրհնել են գերեզմանները։ |
 |
Տիրոջ խաչափայտի մասունքը տեղափոխվել է Ափնա գյուղի Զորավոր Սուրբ Աստվածածին եկեղեցի4-րդ դարում կառուցված եկեղեցին, որ երկրաշարժի հետեւանքով ավերվել է, մի քանի փորձերից հետո վերականգնվել է միայն 2022 թվականին եւ նուն տարում՝ Խաչվերացի տոնին օծվել։ Այս տարի նշվել է եկեղեցու վերաօծման երրորդ տարեդարձը։ Եկեղեցին սկսել են վերակառուցել 2020 թվականին Մադոյան ընտանիքի բարերարությամբ։ |
 |
Գյումրիում խաչերթի մասնակիցներն աղոթել են Միքայել եւ Բագրատ սրբազանների, Սամվել Կարապետյանի համարԽաչերթի մասնակիցները Տեր Մակար քահանա Գալամդարյանի և Տեր Հակոբ քահանա Գրիգորյանի առաջնորդությամբ աղոթքների, շարականների, հոգևոր երգերի ներքո քայլել են դեպի Սուրբ Նշան եկեղեցի: Սուրբ Աստվածածին Յոթ վերք եկեղեցու մոտ խաչերթի մասնակիցները աղոթել են Միքայել և Բագրատ արքեպիսկոպոսների, Սամվել Կարապետյանի և մյուս ձերբակալվածների շուտափույթ ազատման համար: Շիրակի թեմի առաջնորդ Տեր Միքայել արքեպիսկոպոս Աջապահյանի օրհնությամբ արդեն ավանդույթ է դարձել Խաչվերացի Նախատոնակի Խաչերթը։ |
 |
Նիկիայի համագումարի անդամները Մայր Տաճարում մասնակցել են Սուրբ ՊատարագինԱմենայն Հայոց Կաթողիկոսի հանդիսապետությամբ մատուցվել է Սուրբ և Անմահ պատարագ, որին մասնակցել են Նիկիայի առաջին տիեզերաժողովի 1700-ամյակի առիթով Էջմիածնում գումարված միջեկեղեցական համաժողովի մասնակիցները: .- Ուղղափառ դավանանքի հիմանական դրույթները պարունակող Նիկիական հանգանակը Սուրբ պատարագի անքակտելի մասն է, համաձայն որի Որդին համագո է Հորը: |
 |
Հայ առաքելական եկեղեցին նշել է Աստվածամոր ծննդյան տոնըՍուրբ Մարիամ Աստվածածնի ծննդյան տոնին Էջմիածնի Մայր Տաճարում տոնական պատարագ է մատուցվել։ Սուրբ Մարիամի ծնունդը մարդկության փրկության շղթայի կարևորագույն օղակներից մեկն է։ Մայր տաճար ժամանած ուխտավորներն ու հավատացյալները մասնակցել են սրբազան արարողությանը, խոստովանության կարգին և հաղորդություն ստացել: |
 |
Սեբաստացիներ ուսուցչական երգչախումբ«Սեբաստացիներ» ուսուցչական երգչախումբը գործում է 2012 թվականից: Կազմավորման հիմքերում խմբավար Երևանի կամերային պետական երգչախմբի հիմնադիր, Արվեստի վաստակավոր գործիչ Հարություն Թոփիկյանն է եղել: Այն քառաձայն է, բաց, կազմված կրթահամալիրի մանկավարժներից: Երգչախումբը կատարում է Կոմիտասի հոգևոր և աշխարհիկ երգեր, միջնադարյան շարականներ, հայ ժամանակակից կոմպոզիտորների ստեղծագործություններ, տարածում դրանք կրթամշակութային-հայրենագիտական արշավ-համերգներով, ուսումնական ժամերգություններով, ազգային ծեսերի-տոնախմբությունների կազմակերպմամբ-մասնակցությամբ։ |
 |
Ներքին Բազմաբերդում կառուցվում է Սուրբ Աստվածածին եկեղեցինԿենտրոնագմբեթ Սուրբ Աստվածածին եկեղեցին սկսել են կառուցել 90-ականներից։ Եկեղեցու հիմքերն օծել է Գարեգին Առաջին հայրապետը։ Մինչև 2000-ականների սկիզբը ընդհատումներով շարունակվել են եկեղեցու շինարարությունը, որոնք այդ ընթացքում հոգում էին բազմաբերդի բնակիչներ Հենզել Եղիազարյանը, Ֆրրիկ և Իզաբել Խաչատրյանները: Այժմ եկեղեցին իր ավարտուն տեսքն է ստանում ստամբուլահայ գործարար, բարերար Եփրեմ Բաղեշյանի հովանավորությամբ: |
 |
Արցախի անկախության օրը Եռաբլուրում օծվել եւ բացվել է «Արցախի կանչը» հուշակոթողըՀուշակոթողն օծել է Արցախի թեմի առաջնորդ Վրթանես եպիսկոպոս Աբրահամյանը: Այն նվիրված է արցախյան պատերազմներում զոհվածների հիշատակին: Հուշահամալիրի կենտրոնում գլխավոր՝ 7 մետր բարձրությամբ սպիտակ մարմարե կոթողն է, հարակից՝ երկու խաչքարերը: Կարմրագույն տուֆե խաչքարը նվիրված է 2023 թվականի սեպտեմբերի 25-ին Ստեփանակերտում վառելիքի պահեստի պայթյունից զոհվածների հիշատակին, սպիտակ մարմարե խաչքարը՝ հավերժացնում է Արցախում հանգչող բոլոր նահատակների ու անհետ կորածների հիշատակը: |
 |
Մայր Աթոռից Հրազդանի Սուրբ Աստվածածին եկեղեցի է տեղափոխվել Թովմաս առաքյալի մասունքակիր խաչըՀրազդանի Վանատուր թաղամասի Սուրբ Աստվածածին եկեղեցում տոնել են Թովմաս, Հակոբոս, Շմավոն առաքյալների հիշատակը: Հավատավյալները մասնակցել են Խաչերթի, որը մեկնարկել է քաղաքի երկու կողմերից: Ամենայն Հայոց Կաթողիկոսի օրհնությամբ Մայր Աթոռ Սուրբ Էջմիածնի պահոցից Հրազդանի Սուրբ Աստվածածին է բերվել Թովմաս առաքյալի մասունքակիր խաչը: |