 |
Նորընծա երկու քահանա վեղար են ստացել եւ համալրել Մայր Աթոռի միաբանության շարքերըՄայր Տաճարում կատարվել է վեղարի տվչության արարողություն: Տեր Վիրապ և Տեր Մաշտոց քահանաները վեղար են ստացել ու համալրել Մայր Աթոռ Սուրբ Էջմիածնի միաբանության շարքերը: Վեղարը դրվում է յուրաքնաչյուր նորընծայի գլխին` իբրև կուսակրոն քահանայության խորհրդանիշ: Կուսակրոն քահանները հրաժարվում են ամուսնական կյանքից, ուխտում ամուրի լինել, ապրել վանական կյանքով: Սև սրածայր գլխի ծածկոցը խորհրդանշում է աշխարհիկ կյանքից հրաժարվելը և կուսակրոն հոգևորականի տարբերակիչ նշաններից է՝ ի նշան իրենց ուխտի և հոգևոր աստիճանի։ Աբեղան կուսակրոնության երդում է տալիս ձեռնադրության օրը՝ երեկոյան։ |
 |
6 սարգավագներից երկուսը կուսակրոն և չորսը քահանայական աստիճան կստանանԱմենայն Հայոց Հայրապետի տնօրինությամբ և Արթիկի թեմի առաջնորդ Նարեկ եպիսկոպոս Ավագյանի ձեռամբ՝ Մայր Տաճարում կատարվել է սարկավագների ընծայման կարգ: Գևորգյան հոգևոր ճեմարանն ավարտելուց հետո նրանք ծառայել են Մայր Աթոռի կառույցներում և թեմերում: Նրանցից երկուսը կուսակրոն հոգևորականի, իսկ չորսը քահանայական աստիճանի կարժանանան: Սարկավագները նոր անուն և նոր աստիճան ստանալով՝ կհամալրեն Հայ Առաքելական Սուրբ եկեղեցու հոգևորականների շարքերը։ |
 |
«Հաղթանակ» շուրջօրյա խնամքի կենտրոնի բնակիչներն այցելել են վերաօծված Մայր ԱթոռՄայր Աթոռի վերաօծումից հետո խնամքի կենտրոնի բնակիչները սպասել են եկեղեցի նորոգմանը և այս այցը նրանց համար հիշարժան իրադարձություն է։ Նրանք Տեր Արարատի նախաձեռնությամբ հաճախ են կազմակերպում Սուրբ գրքի ընթերցանություններ, հանդիպում-զրույցներ, մասնակցում են պատարագներին: Տարեցները նաև գործակցում են Սուրբ Երրորդություն եկեղեցու տիկնանց միության հետ և պարբերաբար միասին ուխտագնացությունների կամ մշակութային միջոցառումների են մասնակցում: |
 |
ՀԲԸՄ-ը կազմակերպել է աշխատանքի տոնավաճառ արցախցիների համար«Սովորի՛ր և վաստակի՛ր. Արցախ» ծրագրի շրջանակում ՀԲԸՄ-ը՝ HEKS/EPER Հարավային Կովկաս կազմակերպության հովանավորությամբ, ԵՊՀ և Եվրասիա միջազգային համալսարանի գործակցությամբ իրականացրել է «Կարիերայի նոր հնարավորություններ և հեռանկարներ» խորագրով առաջին տոնավաճառն արցախցիների համար: Անցնող տարվա ընթացքում այս ծրագրով ՀԲԸՄ կազմակերպած տարաբնույթ դասընթացներին մոտ հազար արցախցի է ներգրավվել։ Տոնավաճառի նպատակը գործարար-աշխատող կապի ստեղծումն է: |
 |
«Կատապուլտ» ծրագիրը աջակցում է ստեղծագործողներին՝ տրամադրելով կրթություն ու ձեռնարկատիրական հմտություններՀայկական բարեգործական ընդհանուր միության «կատապուլտ» մշակութային ստեղծարար ծրագրի նպատակն է պահպանել ժառանգությունն ու զարգացնել այն։ Խրագգիրը զբաղվում է անհատ նկարչի համար վաճառքի հարթակ գտնելուց մինչև Մատենադարանի կամ ֆիլհարմոնիկ նվագախմբի համար գույքի, սարքերի ձեռքբերմամբ: Ծրագրի աջակցությամբ Մատենադարանում բացվել է «Միջնադարյան Հայաստանի հմտություններ, արվեստ և արհեստ» լաբորատորիա-ցուցասրահը, որտեղ Ցուցադրվել են, թե ինչպես էին միջնադարում բույսերից օծանելիքներ, ներկանյութեր, կազդուրիչ ըմպելիքներ ստանում: |
 |
«Իզմիրլյան» ԲԿ համալրվել է ուրոլոգիական խնդիրները բուժող նորագույն տեխնոլոգիաներովԲժշկական կենտրոնում բացվել է տարածաշրջանում առաջին «Միզաքարային հիվանդության բուժման գերազանցության կենտրոնը»: Մայր Աթոռ Սուրբ Էջմիածնի Իզմիրլյան բժշկական կենտրոնը, մեկ միլիոն դոլարի ներդրում է կատարել և ձեռք է բերել միզաքարային հիվանդության և ուրոլոգիական այլ հիվանդությունների բուժման նորագույն ու եզակի տեխնոլոգիաներ: |
 |
Էջմիածնի Հայորդյաց տան քանոնի դասարանի սան Մարի Վարդանյանը դարձել է Դելփյան խաղերի ոսկե մեդալակիրՄարի Վարդանյանը Ղրղզստանի Բիշքեկ քաղաքում մասնակցել է ԱՊՀ երկրների Դելփյան խաղերին ու արժանացել ոսկե մեդալի: Այդ ստուգատեսում տասնյակ երկրներ ներկայացնում են մանկապատանեկան կատարողական արվեստ: Մրցույթը կայացել է երկու փուլով՝ Մարին նախ նվագել է Անանհիտ Վալեսյանի Աշնան տերևը և Խաչատուր Ավետիսյանի կոնցերտը, ապա երկրորդ փուլում նվագել է Ծովինար Հովհաննիսյանի էքսպրոմտը և իմպրովիզ Թամամ աշխարհ պտուտ եկա երգի թեմայով: |
 |
Նկարիչների միությունում բացվել է Սյուզի Ղազարյանի անհատական ցուցահանդեսըՆերկայացված 50 աշխատանքները գեղանկարչության և ճարտարապետության համադրություններ են, գրաֆիկաներ, կոլաժներ: Առավել ընդգրկուն է Արևմտյան Հայաստան շարքը: Գրեթե տասը տարի է՝ Սյուզին Նորքի Հայորդաց տան նկարչության դասարանում է սովորում. հիմա նաև ճարտարապետական համալսարանի ուսանող է: Հեղինակը ցուցահանդեսը նվիրել է երջանկահիշատակ գեղանկարիչ-քանդակագործ Գևորգ Մշեցի Ջավրուշյանի հիշատակին: |
 |
Գեւորգյան հոգեւոր ճեմարանի 5 սաները պաշտպանել են ավարտաճառերըՄագիստրոսական ավարտաճառի պաշտպանության թեմաներից մեկը եղել է Սուրբ Էջմիածնի և Կ. Պոլսի Հայոց պատրիարքության համագործակցությունը հայկական հարցում 1877-1914 թվականներին: Մյուսը՝ «Եկեղեցին և ընտանիքը 21-րդ դարում. արժեքներ և մարտահրավերներ» թեման է եղել։ Մեկ այլ ավարտաճառ եղել է՝ «Առաքյալների համապատվության հիմնահարցը հայ-կաթոլիկ հարաբերություններում 11-13-րդ դարերում» թեմայով։ |
 |
Հայ Օգնության ֆոնդի նախաձեռնությամբ անցկացվել է երեխաների եւ դեռահասների սնուցման հարցով համաժողովՄիջազգային երրորդ համաժողովը ՀՕՖ-ը անցկացրել է Նյու Յորքի Կոլումբիայի համալսարանի Սնուցման ինստիտուտի և Տեխասի գյուղատնտեսության, սննդի և սնուցման գիտական կենտրոնի մասնագետների, Պարենի համաշխարհային ծրագրի, Հայաստանում ամերիկյան համալսարանի հետ համատեղ: Բուժհաստատություններում կատարված ուսումնասիրությունները ցույց են տվել, որ մանկահասակ երեխաները թերսնուցման խնդիր ունեն: Արդյունքում ՀՕՖ-ը միջոցներ է տրամադրել մարզի մանկապարտեզները առողջ սննդով ապահովելու համար, սննդի փաթեթներ է տրամադրել երեխաների ընտանիքներին, ինչպես նաև ներգրավեց բժիշկ խորհրդատուի: |
 |
Արմավիրի մարզի Տարոնիկ գյուղում օծվել է Սուրբ Զորաց մատուռըՄատուռի օրհնության եւ օծման արարողությունը կատարվել է Արմավիրի թեմի առաջնորդ Տեր Սիոն արքեպիսկոպոս Ադամյանի ձեռամբ: Օծվել են խաչը, զանգը, սուրբ սեղանը: Զորաց մատուռը կառուցվել է համայնքի հերոսների պուրակում: Տարոնիկը Արտիմետի հովվության 5 հայնքներից մեկն է: Մատուռի կառուցման գաղափարը համայնքի բնակիչ Սամվել Հովսեփյանինն է: Նրա որդին զոհվել է 44 օրյա պատերազմում: |
 |
Զորավոր Սուրբ Աստվածածին եկեղեցու տիկնանց միությունը նշել է կազմավորման տասնամյակըՀավաքված կանայք մասնակցում են պատարագների, ժամերգությունների, սոցիալական ու բարեսիրական ծրագրերի: Նրանք եկեղեցու կողքին են և կարևոր նպաստ են բերում համայնքի հոգևոր, մշակութային, մարդասիրական տարբեր նախաձեռնություններին: Տիկնանց միության տասնամյակի առիթով կանայք ներկայացում ու ֆիլմ են դիտել Խնկո Ապոր գրադարանում։ |