Հեղինակ Սոնա Խաչատրյան

Իզմիրլյան ԲԿ-ում կատարվել է Տնօրհնեքի և Ջրօրհնեքի արարողություն

Սուրբ Ծննդյան Պատարագից հետո Սուրբ Աննա եկեղեցու բակում ազգային երգ ու պարով նշել են տոնը

«Արի պարի» նախաձեռնության հիմնադիրների ջանքերով արդեն տասը տարի է քաղաքացիները պարի շրջան են կազմում։ Տարեցտարի ազգային երգ ու պարին մասնակցող քաղաքացիների քանակն ավելանում է։ Նախաձեռնության նպատակն է անվանի պարուսույցների, պարագետների, բանահավաքների տասնամյակների աշխատանքը շարունակել և հայկական պարը հանրայնացնել։

Ամենայն Հայոց Կաթողիկոսը Մայր Աթոռի միաբանների հետ այցելել է Եռաբլուր զինվորական պանթեոն

Ամենայն Հայոց Կաթողիկոսի առաջնորդությամբ Մայր Աթոռի միաբաններն ուղևորվել են Եռաբլուր զինվորական պանթեոն, աղոթել Հայաստանի և Արցախի պաշտպանության համար իրենց կյանքը զոհած հայորդիների հոգիների խաղաղության համար: Մինչեւ այդ՝ Մայր Աթոռում պատարագից հետո կատարվել է հոգեհանգստյան արարողություն։ Տաղավար տոներին հաջորդող երկուշաբթի ննջեցյալների հիշատակության օր է։ Եկեղեցին հորդորում է այդ օրը այցելել հանգուցյալների շիրիմներին և աղոթել նրանց համար:

Առաջնորդանիստ Սուրբ Սարգիս եկեղեցում մատուցվել է տոնական Պատարագ

Քրիստոսի սուրբ ծնունդն ու հայտնությունն ավետող ավետարանական ընթերցումներով, Տիրամորն օրհներգող շարականներով, փառաբանությամբ և աղոթքով Սուրբ Սարգիս առաջնորդանիստ եկեղեցում մատուցվել է Սուրբծննդյան ճրագալույցի պատարագ: Հավատացյալները եկեղեցի են այցելել Տիրոջ փրկչական ծննդյան ավետիսի լուրը լսելու և խորհրդանշական լույսն իրենց հետ տուն տանելու համար։

Երիտասարդաց և Տիկնանց միությունների անդամներն այցելել են «Հաղթանակ» շուրջօրյա խնամքի կենտրոն

Սուրբ Երրորդություն եկեղեցու Երիտասարդները Սուրբծննդյան թեմայով ներկայացում են բեմադրել տարեցների համար: Կենտրոնում 250 շահառու կա։ Հանրապետությունում գործող նմանատիպ խնամքի կենտրոններից սա ամենամեծն է: Բացակա հարազատների կարոտը տարեցները լրացնում են իրենց այցելած հյուրերով:

Այս տարի 600 արցախցի երեխա է մասնակցել ՀԲԸՄ «Նաիրի» ճամբարին

«Նաիրի» ճամբարը 2020թ. պատերազմից հետո է սկսել գործել։ Ամեն տարի հարյուրավոր Արցախից բռնի տեղահանված ընտանիքների երեխաներ և մայրեր են հանգստանում Հանքավանում և Ծաղկաձորում գործող հանգստյան տներում: Պատերազմի սթրեսը թոթափելու համար մասնակիցների հետ տարբեր մասնագետներ են աշխատում: Նաիրի» ճամբարը կշարունակի գործել նաև 2025 թվականին, գրանցումները կսկսվեն հունվարից:

Հայ Առաքելական եկեղեցին նշել է Սուրբ Հակոբ Մծբնա Հայրապետի հիշատակության օրը

Սուրբ Հակոբ Մծբնա Հայրապետի հիշատակության օրն Մայր Աթոռից սրբի մասունքը տարվել է Մասյացոտնի թեմի Սուրբ Հակոբ անունը կրող եկեղեցիներ և տոնական պատարագ մատուցվել: Սուրբ Հակոբ անունով 5 եկեղեցի կա Մասյացոտնի թեմում՝ Դվին, Արարատ, Մրգավան և Բուրաստան գյուղերում: Ամենահինը 17-րդ դարում կառուցված Բուրաստանի եկեղեցին է: Սուրբ Հակոբ Մծբնա հայրապետի հիշատակության օրը հավատացյալները և ուխտավորները կարողացել են հպվել մասունքին և ստանալ դրանից բխող զորությունը:

6 սարգավագներից երկուսը կուսակրոն և չորսը քահանայական աստիճան կստանան

Ամենայն Հայոց Հայրապետի տնօրինությամբ և Արթիկի թեմի առաջնորդ Նարեկ եպիսկոպոս Ավագյանի ձեռամբ՝ Մայր Տաճարում կատարվել է սարկավագների ընծայման կարգ: Գևորգյան հոգևոր ճեմարանն ավարտելուց հետո նրանք ծառայել են Մայր Աթոռի կառույցներում և թեմերում: Նրանցից երկուսը կուսակրոն հոգևորականի, իսկ չորսը քահանայական աստիճանի կարժանանան: Սարկավագները նոր անուն և նոր աստիճան ստանալով՝ կհամալրեն Հայ Առաքելական Սուրբ եկեղեցու հոգևորականների շարքերը։

«Հաղթանակ» շուրջօրյա խնամքի կենտրոնի բնակիչներն այցելել են վերաօծված Մայր Աթոռ

Մայր Աթոռի վերաօծումից հետո խնամքի կենտրոնի բնակիչները սպասել են եկեղեցի նորոգմանը և այս այցը նրանց համար հիշարժան իրադարձություն է։ Նրանք Տեր Արարատի նախաձեռնությամբ հաճախ են կազմակերպում Սուրբ գրքի ընթերցանություններ, հանդիպում-զրույցներ, մասնակցում են պատարագներին: Տարեցները նաև գործակցում են Սուրբ Երրորդություն եկեղեցու տիկնանց միության հետ և պարբերաբար միասին ուխտագնացությունների կամ մշակութային միջոցառումների են մասնակցում:

ՀԲԸՄ-ը կազմակերպել է աշխատանքի տոնավաճառ արցախցիների համար

«Սովորի՛ր և վաստակի՛ր. Արցախ» ծրագրի շրջանակում ՀԲԸՄ-ը՝ HEKS/EPER Հարավային Կովկաս կազմակերպության հովանավորությամբ, ԵՊՀ և Եվրասիա միջազգային համալսարանի գործակցությամբ իրականացրել է «Կարիերայի նոր հնարավորություններ և հեռանկարներ» խորագրով առաջին տոնավաճառն արցախցիների համար: Անցնող տարվա ընթացքում այս ծրագրով ՀԲԸՄ կազմակերպած տարաբնույթ դասընթացներին մոտ հազար արցախցի է ներգրավվել։ Տոնավաճառի նպատակը գործարար-աշխատող կապի ստեղծումն է: