Հեղինակ Սոնա Խաչատրյան

1 2 3 4 5

	«ՀԲԸՄ ֆոկուս 2025» ծրագրի մասնակիցները ծառեր են տնկել Մալաթիայի Հայորդյաց տան բակում Ծառատունկը նախաձեռնել է ՀԲԸՄ-ը։ Ծառերն անհատույց տրամադրել է Armenian tree preject բարեգործական հիմնադրամը: Մասնագետները նախապես ուսումնասիրել էին տարածքը և առաջարկել տեղի կլիմային համապատասխան, սակավ խնամք պահանջող բույսեր:
	Նորքի ՀՏ սաները ցուցահանդեսում ներկայացրել են իրենց աշխատանքները Ցուցադրվել են կիրառական արվեստի դասարանների աշխատանքները՝ խեցի, գեղանկար, գորգ, կարպետ, մաքրամե, բատիկա: Հայորդյաց տներում սկսվել են ամառային արձակուրդները և մինչ սաները կհեռանան ցուցահանդեսից, սպիտակ պաստառի վրա գրում են իրենց մաղթանքները՝ հավատով, որ դրանք իրականություն կդառնան նոր ուսումնական տարում:
	Երեւանի Սուրբ Գրիգոր Լուսավորիչ եկեղեցում մատուցվել է տոնական պատարագ Երեւանի Գրիգոր Լուսավորիչ մայր եկեղեցում ոչ միայն նշխարների գյուտի տոնին, այլեւ ամեն օր հնարավոր է հաղորդակցվել Լուսավորիչ հայրապետի մասունքներին, որ տեղադրված է մուտքի մոտ՝ ամպհովանու տակ: Եկեղեցու օծումը կատարվել է 2001թ.-ին՝ Գարեգին Բ Ամենայն հայոց կաթողիկոսի ձեռամբ, Հայաստանում Քրիստոնեության ընդունման 1700-ամյակին:
	Երեւանի Սուրբ Գրիգոր Լուսավորչի եկեղեցում մատուցվել է պատարագ գերյալների ու ազատազրկվածների համար Հոգևոր հայրերը հորդորել են աղոթել երկրի խաղաղության և միասնության համար: Այս օրերին մատուցվող պատարագները գերյալների, հոգևոր հայրերի ազատության և հասարակական համերաշխության համար են: Հունիսի 5-ին, Հայ առաքելական եկեղեցում պատարագ կմատուցվի սուրբ Գրիգոր Լուսավորչի նշխարների գյուտի տոնի առիթով: Ժամանակի փորձություններին դիմակայելու և հավատի ուխտը նորոգելու համար՝ հոգևոր հայրերը բոլորին աղոթքի են կոչել:
	Ապարանի Մելիք գյուղում նշել են Սուրբ Հովհաննես եկեղեցու վերաօծման 30-ամյակը Արդեն երկրորդ տարին է՝ Ամենայն Հայոց Հայրապետի օրհնությամբ և թեմակալ առաջնորդ Մկրտիչ եպիսկոպոս Պռոշյանի նախաձեռնությամբ այս օրը Մայր Աթոռից եկեղեցի է տեղափոխվում սուրբ Հովհաննես Մկրտչի մասունքը և պատարագ մտուցվում: Եկեղեցին Խորհրդային իշխանությունների հրամանով փակվել և չի գործել մոտ 60 տարի: Անկախացումից հետո բնակիչները խանդավառությամբ սկսել են եկեղեցու բարեկարգումը:
	Գեւորգյան Հոգեւոր Ճեմարանի դիմորդները քննություն են հանձնել Հայոց պատմություն առարկայից Հարցազրույցի միջոցով ստուգել են քրիստոնեության, հայոց եկեղեցու, Աստվածաշնչի վերաբերյալ դիմորդների գիտելիքներն ու ձայնային տվյալները: Քննություններն հաղաթահարած դիմորդները նոր ուսումնական տարին կսկսեն որպես ճեմարանականներ։ Մայր Աթոռի և բարերարների հովանավորությամբ՝ ճեմարանում կրթությունը և կեցությունն անվճար է:
	Սասունիկի եկեղեցական համալիրի մայր եկեղեցին՝ Սուրբ Խաչը, արդեն պատրաստ է Այժմ եկեղեցու ներքին հարդարման աշխատանքներն են ընթանում: Ավետարանական տարբեր սյուժեներով խաչքարեր, քանդակներ և հարթաքանդակներ կզարդարեն եկեղեցին, իսկ գմբեթի յոթանասուներկու քարե խաչերը՝ Քրիստոսի աշակերտներին են խորհրդանշում: Սուրբ Խաչը Սասունիկի առաջին եկեղեցին է: Թեմակալ առաջնորդի հետևողականությամբ և հովանավոր հայորդիների աջակցությամբ՝ այսօր Արագածոտնի թեմի տարբեր համայնքներում վերակառուցվում և կառուցվում են բազմաթիվ եկեղեցիներ:
	«Նարեկացի» արվեստի միությունում կայացել է Նորքի Հայորդյաց տան «Շողակաթ» մանկական երգչախմբի համերգը Նորքի Հայորդյաց տան «Շողակաթ» մանկական երգչախումբը ուսումնական տարին ավարտել է հաշվետու համերգով, որը տեղի է ունեցել «Նարեկացի» արվեստի միությունում: Հնչել են մանկական, հոգևոր, հայրենասիրական, կատակ երգեր՝ հայերեն և այլ լեզուներով: Մայր Աթոռի, ՀԲԸՄ և եկեղեցասեր հայորդիների բարերարությամբ գործող ութ հայորդյաց տներն արդեն երեսունմեկ տարվա պատմություն ունեն: Այս կրթօջախներ հաճախող երեխաները սովորում են սիրել և տեր կանգնել իրենց պետությանն ու մայր եկեղեցուն:
	Առաջին անգամ «Մանկության աշխարհ» ցուցահանդեսին մասնակցել է Նորքի Հայորդյաց տունը Դեկորատիվ կիրառական արվեստի վեց դասարան է գործում Նորքի Հայորդյաց տանը՝ բատիկ, մաքրամե, գոբելեն, խեցեգործություն, գորգագործություն և փայտի փորագրություն։ Հայորդյաց տանը շուրջ 150 երեխա է սովորում: Այդպիսի դասարաններ գործում են բոլոր ութ Հայորդյաց տներում։ Սաները պարբերաբար մասնակցում են թեմատիկ ցուցահանդեսների:
	Գեւորգյան հոգեւոր ճեմարան դիմորդների ընդունելության առաջին փուլն սկսվել է Դիմորդները քննություն կհանձնեն հայոց լեզու, հայ գրականություն և հայ ժողովրդի պատմություն առարկաներից: Այս տարի ճեմարան դիմողներն ավելացել են։ 2016 թվականից սկսած՝ ճեմարանը ամբողջական եռաստիճան կրթություն է ապահովում՝ 4 տարի բակալավրիատ, 2 տարի մագիստարտուրա և 3 տարի ասպիրանտուրա: Հայաստանում Գևորգյան հոգևոր ճեմարանը աստվածաբանական բարձրագույն կրթություն տրամադրող միակ ԲՈՒՀ-ն է: Ընդունելության երկրորդ փուլը կմեկնարկի օգոստոսից:
	Հայ Առաքելական եկեղեցին նշել է Հոգեգալուստը՝ առաքյալների վրա սուրբ հոգու էջքը Հոգեգալստյան պատարագը մատուցել է Վահան եպիսկոպոս Հովհաննիսյանը։ Ընթերցել են Սուրբ Հովհան Ոսկեբերանի՝ Սուրբ Հոգուն ձոնված աղոթքները: Սուրբ հոգու շնորհներն առաքյալներին տրվում են Աստծո մեծագործությունները, ավետարանական խոսքը քարոզելու և տարբեր լեզուներով խոսող մարդկանց ի Քրիստոս միավորելու առաքելությամբ:
	Սուրբ Զորավոր եկեղեցում մասնագետները վերականգնում են Նաղաշ Հովնաթանին վերագրվող որմնանկարը Նախքան որմնանկարի վերականգնումը կատարվել են ուսումնասիրություններ, որոնց հիման վրա մասնագետները կազմել են աշխատանքների գիտանախագծային փաթեթ։ Այն հաստատվել է նախարարության և Մայր Աթոռի կողմից: Վերականգնումն իրականացնում է «Ռեստառտ 1» ՍՊԸ-ն՝ «Ամարյան բարեգործական հիմնադրամի» հովանավորությամբ: Որմնանկարի վերականգումը կտևի մոտ երկու ամիս:

1 2 3 4 5 › »