Հեղինակ և վարող Անահիտ Մարգարյան

Էդիկ Պողոսյան. «Թատերական պաստառներ – Հայաստան» միջազգային բինեալե

Նոյեմբերի 19-ից դեկտեմբերի 15-ը Սունդուկյանի անվան ազգային ակադեմիական թատրոնում երկրորդ անգամ անցկացվել է Հայաստանում գրաֆիկ դիզայնի ասպարեզում միակ միջազգային լայնամասշտաբ միջոցառումը` «Թատերական պաստառներ – Հայաստան» միջազգային բիենալեն: Կազմակերպիչները «Ակտ» մշակութային ՀԿ-ն ու Գաբրիել Սունդուկյանի անվան ազգային ակադեմիական թատրոնն են: Աշխատանքները գնահատել են անվանի գրաֆիկական դիզայներներ: «Արտֆոկուսում» արվեստաբան Անահիտ Մարգարյանը թեման քննարկել է բիենալեի համահիմնադիր և ղեկավար, գրաֆիկ դիզայներ Էդիկ Պողոսյանի հետ:

«Մետրո» թատրոնի միջազգային վնաճումը

«Տրավիատա կրկես» ներկայացումը նվաճել է Իրանի երիտասարդական միջազգային թատերական փառատոնի գլխավոր մրցանակակը Նոյեմբերին «Մետրո» թատրոնը մեկնել էր Իրան մասնակցելու Համադան քաղաքի երիտասարդական միջազգային թատերական փառատոնին: Թատերախումբը վերադարձել է գլխավոր մրցանակով, որը շնորհվել էր «Լավագույն ներկայացում» եւ «Լավագույն ռեժիսուրա» անվանակարգերում: Մրցանակակիր ներկայացումը Ժան Պոլ Ալեգրիի ստեղծագործության հիման վրա Սոնա Մարտիրոսյանի բեմադրած «Տրավիատա կրկեսն» էր: «Արտֆոկուսում» հյուրախաղերի մասին պատմում են ներկայացման բեմադրիչ, դերասանուհի Սոնա Մարտիրոսյանը և ներկայացման դերակատարներից` Ստեփան Գրիգորյանը: Հաղորդումը վարել է Անահիտ Մարգարյանը:

Համազգային թատրոնի նոր` «Բարկանու՞մ ես» մանկական ներկայացումը

Բարկանա՞լ, թե՞ չբարկանալ: Չ՞է որ բարկացողը շատ բան է կորցնում։ Մեկ ներկայացման մեջ երկու հեքիաթ, որոնց միավորում է մեկ թեմա՝ «Բարկությունը»: Հովհաննես Թումանյանի «Տերն ու ծառան» և Հանս Քրիստիան Անդերսենի «Ծերուկն իր գործը գիտի» հեքիաթների բեմականացման պրեմիերան Սոս Սարգսյանի անվան համազգային թատրոն ներկայացվել է սեպտեմբերի 9-ին: Հնարամիտ, գեղեցիկ ձևավորում, ոգևորող երաժշտություն, հեքիաթային լուսավորում, փայլուն դերասանական խաղ, երախաների ակտիվ մասնակցություն թատերական գործողությանը: Ներկայացման ռեժիսոր` Նարինե Գրիգորյանին և դերասան Գագիկ Մադոյանին «Արտֆոկուսի» տաղավարում հյուրընկալել է արվեստաբան Անահիտ Մարգարյանը:

Գրականության և արվեստի թանգարանն այսօր

Թանգարանները մեր մշակույթի և կրթության կարևորագույն կենտրոններն են, որտեղ պահվում և ներկայացվում են մեր պատմական հիշողությունը, կարևոր իրադարձությունների, փաստերի, մեր ազգային ինքնության վկայությունները: Հայաստանում գտնվող ամենամեծ պահոցն ունեցող թանգարանը Եղիշե Չարենցի անվան գրականության և արվեստի թանգարանն է, որտեղ  պահվում է շուրջ երկու միլիոն ցուցանմուշ: Ի՞նչ է թանգարանն առաջարկում այցելուներին և արդյո՞ք այդ առաջարկն ունի պահանջարկ: Ի՞նչ փոփոխություններ են տեղի ունեցել թանգարանում վերջին տարիների ընթացքում և ի՞նչ ծրագրեր են իրականացվելու առաջիկայում: «Արտֆոկուսում» արվեստաբան Անահիտ Մարգարյանի հյուրը Չարենցի անվան գրականության և արվեստի թանգարանի տնօրեն Սյուզաննա Խոջամիրյանն է։

«Մայր աստվածություն․ Անահիտից Մարիամ»

Մայր աստվածության գաղափարը՝ հեթանոսությունից մինչև քրիստոնեություն

Սեպտեմբերի 21-ին Հայաստանի պատմության թանգարանում բացվեց «Մայր աստվածություն. Անահիտից Մարիամ» խորագրով միջազգային ցուցահանդեսը, որտեղ Հայաստանում առաջին անգամ ցուցադրվեցին բրիտանական թանգարանում պահվող Անահիտ աստվածուհու բրոնզե արձանից պահպանված գլուխն ու ձեռքը։ Ցուցադրությանը ներկայացվել է նաև Հայաստանի պատմության թանգարանի հավաքածուից ավելի քան 60 ցուցանմուշ, որոնք  խորհրդանշում են Մայր աստվածության գաղափարը՝ հեթանոսությունից մինչև քրիստոնեություն, քարից մինչև մետաղ, կավ ու թել։ Ցուցադրության և Պատմության թանգարանում վերջին տարիների տեղի ունեցող փոփոխությունների մասին «Արտֆոկուսում» զրուցել են Հայաստանի պատմության թանգարանի տնօրեն Դավիթ Պողոսյանն ու արվեստաբան Անահիտ Մարգարյանը:
 

Արխիվային փաստաթղթեր ու լուսանկարներ

«Փարիզյան հանդիպումներ» Կոմիտասի թանգարան-ինստիտուտում

Կոմիտասի թանգարան-ինստիտուտում ներկայացված է դաշնակահար, երգչուհի, երաժշտագետ, հասարակական գործիչ, Կոմիտաս Վարդապետի մտերիմ բարեկամ Մարգարիտ Բաբայանի ծննդյան 150-ամյակին նվիրված «Փարիզյան հանդիպումներ» ժամանակավոր ցուցադրությունը, որտեղ ներկայացվել են շուրջ 150 արխիվային փաստաթուղթ և լուսանկար Գրականության և արվեստի թանգարանից, 4 կտավ՝ Հայաստանի ազգային պատկերասրահի հավաքածուից, վավերագրեր և լուսանկարներ՝ Կոմիտասի թանգարան-ինստիտուտից, ինչպես նաև Լալուա ընտանիքի արխիվից: Ցուցադրության և համադրողական աշխատանքի առանձնահատկությունների մասին «Արտֆոկուսում» Անահիտ Մարգարյանին պատմել է համադրող, թանգարանագետ, գրականության և արվեստի թանգարանի գիտական քարտուղար Մարինե Հարոյանը:
 

Ֆլեյտայի միջազգային փառատոն

Երեւանում կանցկացվի Ֆլեյտայի միջազգային փառատոն

Հոկտեմբերի 26-30-ը «Առնո Բաբաջանյան» համերգասրահում կանցկացվի «Ֆլեյտայի երևանյան միջազգային առաջին փառատոնը», որի ընթացքում կանցկացվեն համերգներ, վարպետության դասեր, դասախոսություններ: Փառատոնին սպասվող իրադարձությունների մանրամասները «Արտֆոկուսի» տաղավարում ներկայացրել են «Ֆլեյտայի կամուրջներ» միջազգային նախագծի հիմնադիր, փառատոնի գեղարվեստական ղեկավար Վարդան Վիրաբյանը և Հայաստանի ազգային ֆիլհարմոնիկ նվագախմբի մենակատար և ֆլեյտահարների կոնցերտմայստեր Նարեկ Ավագյանը:
 

Ինչպե՞ս ձեւավորել դասական երաժշտության ունկնդիր

Ի՞նչ դժվարություններ է հաղթահարել Հրաչուհի Բասենցը միջազգային ճանաչման համար

«Երևանյան 16-րդ միջազգային երաժշտական փառատոնին» Արամ Խաչատրյան համերգասրահում հնչել են Ռիխարդ Շտրաուսի ստեղծագործությունները: Հանդես են եկել  օպերային երգչուհի Հրաչուհի Բասենցն ու դաշնակահար Հելմուտ Դոյչը: Հրաչուհի Բասենցը «Արտֆոկում» Անահիտ Մարգարյանի հետ զրույցում ներկայացրել է, թե ինչպե՞ս են իրեն դիմավորել արևմուտքում և ի՞նչ դժվարություններ է հաղթահարել միջազգային ճանաչում ձեռքբերելու ճանապարհին: Երգչուհին անդրադարձել է արևմուտքում դասական երաժշտության ունկնդիր ձևավորելու` հանրակրթական հաստատությունների փորձին:
 

Մշակութային հիմնադրամի գործունեությունը

Նիկոլայ Նիկողոսյանի քանդակները դարձել են Երևանի մշակութային այցեքարտերը

ԽՍՀՄ և ՀԽՍՀ ժողովրդական նկարիչ, պետական մրցանակի դափնեկիր, Ռուսաստանի գեղարվեստի ակադեմիայի ակադեմիկոս, պրոֆեսոր Նիկոլայ Նիկողոսյանի հեղինակած Եղիշե Չարենցի, Միքայել Նալբանդյանի, Վահան Տերյանի հուշարձանները համարվում են մոդեռնիստական արվեստի լավագույն նմուշներից: Այս քանդակները դարձել են Երևանի մշակութային այցեքարտերը: Վարպետի և նրա անունը կրող մշակութային կենտրոնների մասին «Արտֆոկուսի» տաղավարում պատմել են Մոսկվայում գործող «Նիկո» պատկերասրահի հիմնադիր-տնօրեն, «Նիկոլայ Նիկողոսյան մշակութային հիմնադրամի» հիմնադիր Գայանե Նիկողոսյանը և «Նիկոլայ Նիկողոսյան մշակութային հիմնադրամի» տնօրեն, արվեստաբան Լիլիթ Հովհաննիսյանը:
 

Թատրոնի նորոգում

«Մհեր Մկրտչյան» արտիստական թատրոնի շենքը նորոգումից հետո վերաբացվել է

Ավարտվել է «Մհեր Մկրտչյան» արտիստական թատրոնի նորոգումը։ Ձեռք է բերվել լուսաձայնային տեխնիկա, բարելավվել են շենքային պայմանները: Նորոգումը սկսվել էր 2020 թվականին քաղաքապետարանի հատկացրած գումարով։ Oրերս մեկնարկեց թատրոնի 20-րդ թատերաշրջանը: Ինչո՞վ է այն տարբերվելու նախորդներից: Ի՞նչ պրեմիերաներ, նախագծեր, փառատոններ, հյուրախաղեր է նախատեսում թատրոնը: «Արտֆոկուսում» Անահիտ Մարգարյանի հյուրն է «Մհեր Մկրտչյան» արտիստական թատրոնի տնօրենի ժամանակվոր պաշտոնակատար, բեմադրող-ռեժիսոր, դերասանուհի Տաթևիկ Մելքոնյանը: