«Մերսեդեսը» Համազգային թատրոնում


Սոս Սարգսյանի անվան Համազգային թատրոնում «Մերսեդես» պիեսի բեմական երրորդ մեկնաբանության` թատերականացված ընթերցանության առաջնախաղն էր։ Պիեսի նոր մեկնաբանության մասին «Արտֆոկուս»-ում խոսել են դրամատուրգ, թատերագետ Անուշ Ասլիբեկյանը և Համազգային թատրոնի դերասանուհի Տաթև Ղազարյանը: Զրույցը վարել է Անահիտ Մարգարյանը: Հաջորդիվ՝ մշակութային լրահոս։

 

«Արտֆոկուս»-ում Մարինե Ալեսն է


Երգահան, թատերագետ, «Ավրորա» մարդասիրական նախաձեռնության ստեղծագործական խորհրդի նախագահ Մարինե Ալեսն «Արտֆոկուս»-ում խոսել է իր «Երգեր և ռոմանսներ» ժողովածուի, քաղաքային մշակույթի, պատերազմի ընթացքում ստեղծագործելու, չհանձնվելու, արտիստի պատասխանատվության մասին: Զրույցը վարել է Անահիտ Մարգարյանը: Հաջորդիվ՝ մշակութային լրահոս։

 

Հայաստանի պետական ջազ նվագախումբը


Ի՞նչ փոփոխությունների է ենթարկվել Խորհրդային Միության ջազային ամենահին կոլեկտիվներից մեկը` Հայաստանի պետական ջազ նվագախումբը: Ջազը, որպես մասնագիտություն ընտրել ցանկացող երիտասարդները, նյութականապես մոտիվացվա՞ծ են: Ի՞նչ պայմաններում ձայնագրվեց ջազ նվագախմբի նոր՝ «Մենք ու մունք» ձայնասկավառակը: «Արտֆոկուս»-ում է Հայաստանի պետական ջազ նվագախմբի գեղարվեստական ղեկավար և դիրիժոր, սաքսոֆոնահար Արմեն Հյուսնունցը: Զրույցը վարում է Անահիտ Մարգարյանը:

«Դոգման» 15 տարեկան է


Չորս վառ անհատականություններ միավորեցին իրենց ստեղծարար էներգիան և ծնվեց հայկական ռոք երաժշտության ամենաինքնատիպ խմբերից մեկը` «Դոգմա» էթնիկ-պրոգրեսիվ ռոք-մետալ խումբը: Փետրվարի 28-ին Տիկնիկային թատրոնում համերգով նշվեց խմբի 15-ամյակը: «Արտֆոկուս»-ում են հայկական ռոք ասոցիացիայի նախագահ, «Դոգմա» խմբի բաս-կիթառահար Վարդան Գրիգորյանը և մենակատար, երգչուհի, տեքստերի հեղինակ Զարա Գևորգյանը: Զրույցը վարում է Անահիտ Մարգարյանը:

Արցախի հոգևոր–մշակութային ժառանգության պաշտպանության հիմնահարցը


2020թ. պատերազմից հետո Ամենայն հայոց հայրապետի տնօրինությամբ Մայր Աթոռում հիմնվել է «Արցախի հոգևոր–մշակութային ժառանգության պահպանության գրասենյակը», որն ակտիվ գործունեություն է ծավալում՝ բարձրաձայնելով Արցախի մշակութային ժառանգության պաշտպանության և պահպանության խնդիրները: Գրասենյակի գործունեության, Արցախում Ադրբեջանի ռազմական վերահսկողության տակ գտնվող հազարավոր պատմամշակութային և կրոնական հուշարձանների ճակատագրի մասին «Արտֆոկուս»-ում խոսել է Արցախի հոգևոր-մշակութային ժառանգության պահպանության հարցերով գրասենյակի տնօրեն Գարեգին վարդապետ Համբարձումյանը: Զրույցը վարել է Անահիտ Մարգարյանը:

Ջազն այսօրվա Հայաստանում


Ինչու՞ են նվազել ջազ փառատոններն ու ջազ ակումբները: Մասնագիտական կրթություն չստացած ջազմենները մրցունա՞կ են: Որքա՞ն հաճախ է ջազը գնում մարզ: Ի՞նչ են անում Հայաստան ներգաղթած ռուս ջազմենները: «Արտֆոկուս»-ում զրուցում են կոնտրաբասահար, կոմպոզիտոր Դավիթ Գեոդակյանը և սաքսոֆոնահար, գործիքավորող Դավիթ Մելքոնյանը: Զրույցը վարում է Անահիտ Մարգարյանը:

Հայաստանի պետական սիմֆոնիկ նվագախումբը 17 տարեկան է


Հունվարի 25-ին Հայաստանի պետական սիմֆոնիկ նվագախումբը համերգով տոնեց հիմնադրման 17-ամյակը։ Նվագախմբի գեղարվեստական ղեկավար և գլխավոր դիրիժոր, Սերգեյ Սմբատյանն «Արտֆոկուս»-ի հյուրն է: Զրույցը վարում է Անահիտ Մարգարյանը:

Մայր Աթոռի արխիվներն ու թանգարանները


Այսօր մենք դեռ հավատու՞մ ենք, որ արվեստը դեպի Աստված ճանապարհներից մեկն է: Ինչու՞ է եկեղեցին ստեղծում աշխարհիկ արվեստի թանգարաններ: Մայր Աթոռի թանգարանների գործունեության, վերջին տարիների կարևորագույն ձեռքբերումների մասին «Արտֆոկուս»-ում խոսել է Մայր Աթոռ Ս. Էջմիածնի թանգարանների և արխիվի տնօրեն Տ. Ասողիկ աբեղա Կարապետյանը: Զրույցը վարել է Անահիտ Մարգարյանը: Հաջորդիվ՝ մշակութային լրահոս։

 

«Արտֆոկուս»-ում Վահագն Պապյանն է


Հունվարի 6-ին, «Արամ Խաչատրյան» համերգասրահում, Գարեգին Բ Ամենայն հայոց կաթողիկոսի օրհնությամբ, տեղի ունեցավ «Հայոց Սուրբ Ծնունդ» հոգևոր-դասական համերգը, որի կապակցությամբ Երևան էր ժամանել իսրայելաբնակ դաշնակահար և դիրիժոր Վահագն Պապյանը: Անվանի երաժիշտը հյուրընկալվել է «Արտֆոկուս»-ում: Զրույցը վարել է Անահիտ Մարգարյանը: Հաջորդիվ՝ մշակութային լրահոս։

 

Կարեն Պետրոսյանի «Սկիզբ, վերջ, սկիզբ»-ը


«Գաֆէսճեան» արվեստի կենտրոնում գործում է «Կարեն Պետրոսյան․ սկիզբ, վերջ, սկիզբ» ցուցադրությունը։ Կանադաբնակ արվեստագետ Կարեն Պետրոսյանն արդեն մի քանի տասնամյակ ուսումնասիրում է մարդու ու բնության հարաբերությունները` կենսաբանական, փիլիսոփայական, տիեզերական, մետաֆիզիկական և այլ հարթություններում։ «Արտֆոկուս»-ում ճանաչված նկարիչ, քանդակագործ Կարեն Պետրոսյանն ու ցուցահանդեսի համադրող, «Գաֆեսճեան» արվեստի կենտրոնի ցուցադրությունների գծով տնօրեն, արվեստաբան Արմեն Եսայանցն են: Զրույցը վարում է Անահիտ Մարգարյանը: Հաջորդիվ՝ մշակութային լրահոս։

 

Բալետի պրեմիերա. Վաչե Շարաֆյանն է «Արտֆոկուս»-ում


Կարո՞ղ է ժամանակակից հայ կոմպոզիտորի բալետը կոմերցիոն լինել: Ի՞նչ հետք թողեցին Վաչե Շարաֆյանի ստեղծագործության վրա Երուսաղեմում անցկացրած տարիները: Ինչու՞ կոմպոզիտորը չունի երաժշտական պրոդյուսեր։ «Արտֆոկուս»-ում Վաչե Շարաֆյանն է: Զրույցը վարում է Անահիտ Մարգարյանը:

Ֆրանսահայ կոմպոզիտոր Միշել Պետրասյանն «Արտֆոկուս»-ում է


Ունկնդիրն իրապես չի՞ հասկանում ժամանակակից երաժշտությունը, թե՞ երաժիշտները չեն հավատում, որ ունկնդիրը կընկալի այն: Միշել Պետրոսյանի երաժշտության ո՞ր առանձնահատկություններն են հատկապես գրավում արևմտյան ունկնդրին: Ի՞նչ առավելություններ և թերություններ է բերել ժամանակակի կոմպոզիտորական արվեստի դաշտ «մետամոդեռն» կոնցեպտը: Ակադեմիական ժամանակակից երաժշտությունը ո՞ր ուղղությամբ է զարգանում: Ֆրանսահայ կոմպոզիտոր Միշել Պետրասյանն «Արտֆոկուս»-ի հյուրն է։ Զրույցը վարում է Անահիտ Մարգարյանը: Հաջորդիվ՝ մշակութային լրահոս։