Հեղինակ և վարող Անահիտ Մարգարյան

Խաչքարերի փրկության ֆիլմը

«Քար» Ֆիլմի ռեժիսորը ներկայացրել է նոր ֆիլմ

Հայ կինովավերագրողների ուշադրության կենտրոնում գրեթե միշտ եղել է պատերազմի կինոտարեգրության ժանրը։ Հայկական կինոյի գործիչներից շատերը մեկնում էին ռազմաճակատ, մասնակցում ռազմական գործողությունների` առավել իրատեսական ֆիլմեր նկարահանելու համար։ Այս ավանդույթի շարունակողը  այսօր մեր կողքին ապրող  երիտասարդ ռեժիսոր Արման Այվազյանն է: Նրա «Քար» ֆիլմը պատմում է Արցախի տարածքների հանձնման վերջնաժամկետից օրեր առաջ մի խումբ կամավորականների մասին, ովքեր վտանգելով իրենց կյանքը մտնում են Քաշաթաղ, որպեսզի փնտրեն և ոչնչացումից փրկեն հայկական խաչքարերը։ Ֆիլմը 2023 թվականին Ոսկե ծիրան փառատոնում արժանացել է Արծաթե ծիրանի: Իսկ օրերս տեղի ունեցավ Արման Այվազյանի նոր ֆիլմի փակ ցուցադրությունը: Անահիտ Մարգարյանը «Արտֆոկուսում» ռեժիսորի հետ խոսել է ֆիլմերի, պատերազմի, վավերագրության մասին:
 

Արվեստի 12 000 ցուցանմուշ

ժողովրդական արվեստների թանգարանում ցուցադրվում է 350 գորգ ու կարպետ

Հովհաննես Շարամբեյանի անվան ժողովրդական արվեստների թանգարանում ցուցադրվում է մետաղական արվեստի գործեր, արծաթե իրեր, քարե արվեստ, կերամիկա, միկրոքանդակներ, 350 գորգ ու կարպետ: Թանգարանում պահվող հայկական դեկորատիվ և կիրառական արվեստի հավաքածուները ներառում են գրեթե 12,000 ցուցանմուշ: 45-ամյա թանգարանը ակտիվ գործունեություն է ծավալում: Անահիտ Մարգրայանը թանգարանի տնօրեն Լուսինե Թորոյանի հետ «Արտֆոկուս» հաղորդմանը քննարկել է կրթական ծրագրերը և ժողովրդական արվեստի վարպետների հետ գործակցությունը: 
 

«Սասունցի Դավթի» պատկերապատում

«Սասունցի Դավիթ» էպոսը ներկայացվել է գրաֆիկական նովելի ձեւաչափով

Լույս է տեսել Սասունցի Դավիթ էպոսի պատկերապատումը, որի հիմքում էպոսի Թումանյանական մշակումն է։ Այն առաջին անգամ է ներկայացվում է գրաֆիկական նովելի ձևաչափով։ Հրատարակիչը «Թիվ 405» ընկերությունն է, նկարիչը՝ Տիգրան Մանգասարյանը, պրոդյուսերը՝ Նարեկ Վան Աշուղատթոյանը: «Արտֆոկուսում» «Թիվ 405» ընկերության տնօրեն, հաղորդավար Գոհար Գասպարյանը և պատկերապատման տեքստի հեղինակ, գրականագետ Անի Եղիազարյանը ներկայացրել են կոմիքսի բովանդակությունը և ստեղծման պատմությունը: Հաղորդումը վարել է Անահիտ Մարգարյանը:
 

Հասմիկ Մովսիսյանի «250 կմ» ֆիլմը

Արցախցի վարորդ-երեխաների մասին պատմող ֆիլմը 17 մրցանակ է ստացել

3 տարի առաջ մամուլը գրեց Արցախցի տասնչորսամյա Վահեի և տասնմեկամյա Աշոտի սխրագործության մասին, որոնք 44-օրյա պատերազմի օրերին նստել էին իրենց հայրերի մեքենաների ղեկին, անցել՝ 250 կմ և փրկել ոչ միայն իրենց հարազատներին, այլև հարևաններին ու ճանապարհին հանդիպած հայրենակիցներին: Կինոռեժիսոր Հասմիկ Մովսիսյանն այս պատմության հիման վրա նկարահանել է խաղարկային կարճամետրաժ ֆիլմ: «250 կմ» ֆիլմը  ցուցադրվել է  աշխարհի տարբեր երկրների շուրջ 23 կինոփառատոններում և ստացել 17 մրցանակ: «Արտֆոկուսում» Անահիտ Մարգարյանի հյուրն է ֆիլմի ռեժիսոր, սցենարիստ և պրոդյուսեր Հասմիկ Մովսիսյանը:
 

«Տոնապետ» գրական մրցույթի դափնեկիրները

Ամփոփվել է Վրեժ Իսրայելյանի անվան գրական մրցույթը

Արձակագիր, դրամատուրգ Վրեժ Իսրայելյանի ծննդյան օրը՝ ապրիլի 2-ին, Գրողների միությունում ամփոփվել է «ՏՈՆԱՊԵՏ-2023» խորագրով տարվա լավագույն պատմվածքի մրցույթը։ Այդ մրցույթը կազմակերպել են Իսրայելյանի ընտանիքն ու գրողների միությունը։ 
Ովքե՞ր են մասնակցել, ի՞նչ գործեր են ներկայացրել և ովքե՞ր են արժանացել մրցանակի։ Անահիտ Մարգարյանը մանրամասները քննարկել է մրցույթի հիմնադիր, արձակագիր Մհեր Իսրայելյանի և հանձնաժողովի անդամ, արձակագիր Հովհաննես Երանյանի հետ:
 

Հայաստանը Վենետիկի Բիենալեում

Վենետիկի Բիենալեին Հայաստանը ներկայացնելու է փարիզաբնակ Նինա Խեմչյանը
Ապրիլի 20-ից նոյեմբերի 24-ը անցկացվող Վենետիկի 60-րդ Բիենալեին Հայաստանը ներկայացնելու է փարիզաբնակ Նինա Խեմչյանի «Արձագանք» խորագրով բազմաշերտ մուլտիմեդիա նախագիծը: Նինա Խեմչյանն արվեստի միջոցով կխոսի այսօր վտանգված հայկական միջնադարյան ժառանգության մասին, կանդրադառնա ինքնության, հիշողության և պատկանելության թեմաներին։ Տաղավարի կոմիսարն է կրթության նախարարության ժամանակակից արվեստի  վարչության պետ Սվետլանա Սահակյանը։ Տաղավարի համակազմակերպիչն ու գլխավոր հովանավորն է «Գաֆէսճեան» արվեստի կենտրոնը: Ազգային տաղավարի համադրողն է ԳԱԿ ցուցադրությունների գծով տնօրեն Արմեն Եսայանցը։
Անահիտ Մարգարյանը «Արտֆոկուս»-ում զրուցել է Վենետիկի Բիենալեում Հայաստանի տաղավարի համադրող, Գաֆէսճեան արվեստի կենտրոնի ցուցադրությունների գծով տնօրեն Արմեն Եսայանցի և կրթության գծով տնօրեն Ելիզավետա Շիրինյանի հետ:

Արփիափայլ և երփնազան Սուրբ Էջմիածին

Կկայանա «Ավետիս» լարային քառյակի անդրանիկ համերգը
Մարտի 12-ին Կոմիտասի անվան կամերային երաժշտության տանը տեղի կունենա «Ավետիս» լարային քառյակի դեբյուտային համերգը։ Երաժիշտներից երեքը նվագում են Հայաստանի ազգային ֆիլհարմոնիկ նվագախմբում: Կոնցերտմայստերը Կարմեն Թոսունյանն է, Ֆիլհարմոնիկի ալտերի խմբի կոնցերտմայստերը Հայկ Տեր-Հովհաննիսյանը, Միքայել Նավասարդյանը թավջութակների խմբի երաժիշտ է: Ջութակահար Անուշ Նիկողոսյանը ակտիվ համերգային գործունեություն է ծավալում որպես մենակատար և կամերային կազմերում հանդես եկող երաժիշտ: Ջութակահար Անուշ Նիկողոսյանն ու ալտահար Հայկ Տեր-Հովհաննիսյանը ներկայացրել են իրենց գործունեությունը։

Թատերականի նոր ռեֆորմները

Ժամանակի շունչը պետք է մտնի Երևանի թատրոնի և կինոյի պետական ինստիտուտ
ԵԹԿՊԻ-ում սկսվել է մեծ ռեֆորմների շրջան, որպեսզի ԲՈՒՀ-ը ծառայի ժամանակակից պահանջներին։ Ինստիտուտ են հրավիրվել Հայաստանի լավագույն օպերատորները, որոնք ոչ միայն դասավանդում, այլեւ իրենց հետ նկարահանման են տանում ուսանողներին։ Պայմանավորվածություն է ձեռք բերվել հեռուստաընկերություններից մեկի հետ, որպեսզի համատեղ օգտագործեն տաղավարները։ Ուսանողները հնարավորություն ունեն բեմադրել ներկայացումներ։ Զարգացման ո՞ր ճանապարհով է գնում Երևանի թատրոնի և կինոյի պետական ինստիտուտը։
«Արտֆոկուսում» Անահիտ Մարգրայանի հյուրն է ԵԹԿՊԻ-ի ռեկտոր Սառա Նալբանդյանը։

Ախթալայի վանքի որմնանկարները

Տեր Հեթում քահանա Թարվերդյանը հրատարակել է Ախթալայի վանքի գանձերը
Կոմիտասի թանգարան-ինստիտուտում տեղի է ունեցել Տեր Հեթում քահանա Թարվերդյանի «Ախթալայի Սուրբ Աստվածածին վանքի որմնանկարները» գրքի շնորհանդեսը: Գիրքը պատմում է վանքի որմնանկարների, հովանավորների ու դրանք կերտած վարպետների մասին: Հայկական եւ համաշխարհային ճարտարապետության և մշակույթի անգին գոհարներից մեկի` Ախթալայի վանական համալիրի Սուրբ Աստվածածին վանքում պահպանված  շուրջ 960 քառակուսի մետր տարածությամբ 800-ամյա որմնանկարներին նվիրված  Տեր Հեթում քահանա Թարվերդյանի աշխատության մասին «Արտֆոկուս»-ի տաղավարում պատմել է հեղինակը: Հաղորդումը վարել է Անահիտ Մարգարյանը:

Լարային քառյակի համերգը

Կկայանա «Ավետիս» լարային քառյակի անդրանիկ համերգը
Մարտի 12-ին Կոմիտասի անվան կամերային երաժշտության տանը տեղի կունենա «Ավետիս» լարային քառյակի դեբյուտային համերգը։ Երաժիշտներից երեքը նվագում են Հայաստանի ազգային ֆիլհարմոնիկ նվագախմբում: Կոնցերտմայստերը Կարմեն Թոսունյանն է, Ֆիլհարմոնիկի ալտերի խմբի կոնցերտմայստերը Հայկ Տեր-Հովհաննիսյանը, Միքայել Նավասարդյանը թավջութակների խմբի երաժիշտ է: Ջութակահար Անուշ Նիկողոսյանը ակտիվ համերգային գործունեություն է ծավալում որպես մենակատար և կամերային կազմերում հանդես եկող երաժիշտ: Ջութակահար Անուշ Նիկողոսյանն ու ալտահար Հայկ Տեր-Հովհաննիսյանը ներկայացրել են իրենց գործունեությունը։