Արվեստագետները, արվեստի կառավարիչներն ու հասարակական գործիչները «ԱՐՏՖՈԿՈՒՍԻ» տաղավարում քննարկում են արվեստի աշխարհի կարևորագույն իրադարձությունները, արվեստի փոխակերպումները, մերօրյա արվեստագետներին հուզող խնդիրները։

Հեղինակ և վարող՝ Անահիտ Մարգարյան

Ռեժիսոր՝ Վարդգես Մանուկյան

 

Զորջ Փեհլիվանյանը կղեկավարի Ֆիլհարմոնիկի հոբելյանական համերգը


Հայաստանի ազգային ֆիլհարմոնիկ նվագախումբը սկսում է տոնել Արամ Խաչատրյանի 120-ամյակը: Հունիսի 5-ի առաջին` հոբելյանական համերգը ղեկավարելու համար Երևան է հրավիրվել անվանի դիրիժոր Զորջ Փեհլիվանյանը: Համերգի նախօրեին դիրիժորն «Արտֆոկուս»-ում է: Հաղորդումը վարել է Անահիտ Մարգարյանը: Հաջորդիվ՝ մշակութային լրահոս։

 

Օտտո Դիքսի «Պատերազմը» Երևանում


Մայիսի 3-ից Գեղագիտության ազգային կենտրոնի թանգարանում ներկայացված է գերմանացի հանրաճանաչ գեղանկարիչ և փորագրանկարիչ Օտտո Դիքսի «Դատապարտող փորագրանկար. 1920-1924» լայնածավալ ցուցահանդեսը։ Օտտո Դիքսի օֆորտների երևանյան ցուցադրության մասին «Արտֆոկուս»-ում զրուցել են «Մշակույթների երկխոսություն» կազմակերպության հիմնադիր Սոնա Հարությունյանը և արվեստաբան, ցուցահանդեսի համադրող Սոնա Հովհաննիսյանը: Հաղորդումը վարել է Անահիտ Մարգարյանը: Հաջորդիվ՝ մշակութային լրահոս։

 

Արվեստի ուսուցումը դպրոցում․ Արա Աթայան


«Արտֆոկուս»-ում մանկավարժ, արվեստաբան Արա Աթայանն է Ինչպիսի՞ն են հայկական հանրակրթական դպրոցում արվեստի ուսուցման մոդելն ու տրամաբանությունը: Ինչո՞ւ հանրակրթական դպրոցներում արվեստին պետք է առանձնահատուկ ուշադրություն դարձնել: Ի՞նչ է անհրաժեշտ փոխել դպրոցական ծրագրերում արվեստի կրթություն մատուցելիս: Ժամանակակից արվեստ դպրոցում պե՞տք է դասավանդել: Այս և մի շարք այլ հարցերի շուրջ «Արտֆոկուս»-ում խոսել է կրթության ոլորտի զարգացմանն առնչվող բազմաթիվ ուսումնասիրությունների հեղինակ, մանկավարժ, արվեստաբան Արա Աթայանը: Հաղորդումը վարում է Անահիտ Մարգարյանը: Հաջորդիվ՝ մշակութային լրահոս։

 

«Սևադա Արտ Ստուդիոն»


Մայիսի 10-ին, Հովհաննես Թումանյանի թանգարանի ցուցասրահում տեղի ունեցավ «Սևադա Արտ Ստուդիոյի» սաների գեղանկարչական ստեղծագործությունների «Հեքիաթների աշխարհ» ցուցահանդեսի բացումը: «Արտֆոկուս»-ում հյուրընկալվել ցուցահանդեսի պատասխանատու, գեղանկարիչ Սամվել Սևադան: Հաղորդումը վարել է Անահիտ Մարգարյանը: Հաջորդիվ՝ մշակութային լրահոս։

 

«Արտֆոկուս»-ում տենոր Լիպարիտ Ավետիսյանն է


Այսօր համաշխարհային լավագույն թատրոնների բեմերը նվաճում է հայ օպերային երգիչների նոր սերունդը: Այդ սերնդի նշանային դեմքերից է ՀՀ վաստակավոր արտիստ, տենոր Լիպարիտ Ավետիսյանը: «Արտֆոկուսում» տենորը պատմում է՝ ինչպես են իր մասին իմացել աշխարհի լավագույն թատրոնների պարետները, ինչպե՞ս է փոխակերպվում իր ձայնը տարիների ընթացքում, համակարգային ի՞նչ փոփոխություններ են պետք մեր օպերային թատրոնին Ա դասի թատրոններին որակապես մոտենալու համար: Զրույցը վարում է Անահիտ Մարգարյանը: Հաջորդիվ՝ մշակութային լրահոս։

Ավելի ընթերցասեր Հայաստան. «Արտֆոկուս»-ում Գնել Նալբանդյանն է


Աշխարհում մարդկանց շուրջ տասը տոկոսը գրաճանաչ չէ, սակայն մտածե՞լ ենք՝ ինչ թիվ են կազմում մարդիկ, ովքեր ունակ են կարդալու, սակայն չեն կարդում: Խորհրդային Հայաստանն ավելի ընթերցասե՞ր էր, քան անկախ Հայաստանը: Ո՞վ է պատասխանատու վաղվա ընթերցող ձևավորելու համար: Ինչու՞ մեզանում չի զարգանում գրքային բլոգերությունը: «Արտֆոկուս»-ում հյուրընկալվել է «Նյումեգ» գրահրատարակչության գլխավոր խմբագիր Գնել Նալբանդյանը: Հաղորդումը վարել է Անահիտ Մարգարյանը: Հաջորդիվ՝ մշակութային լրահոս։

 

«Մերսեդեսը» Համազգային թատրոնում


Սոս Սարգսյանի անվան Համազգային թատրոնում «Մերսեդես» պիեսի բեմական երրորդ մեկնաբանության` թատերականացված ընթերցանության առաջնախաղն էր։ Պիեսի նոր մեկնաբանության մասին «Արտֆոկուս»-ում խոսել են դրամատուրգ, թատերագետ Անուշ Ասլիբեկյանը և Համազգային թատրոնի դերասանուհի Տաթև Ղազարյանը: Զրույցը վարել է Անահիտ Մարգարյանը: Հաջորդիվ՝ մշակութային լրահոս։

 

«Արտֆոկուս»-ում Մարինե Ալեսն է


Երգահան, թատերագետ, «Ավրորա» մարդասիրական նախաձեռնության ստեղծագործական խորհրդի նախագահ Մարինե Ալեսն «Արտֆոկուս»-ում խոսել է իր «Երգեր և ռոմանսներ» ժողովածուի, քաղաքային մշակույթի, պատերազմի ընթացքում ստեղծագործելու, չհանձնվելու, արտիստի պատասխանատվության մասին: Զրույցը վարել է Անահիտ Մարգարյանը: Հաջորդիվ՝ մշակութային լրահոս։

 

Հայաստանի պետական ջազ նվագախումբը


Ի՞նչ փոփոխությունների է ենթարկվել Խորհրդային Միության ջազային ամենահին կոլեկտիվներից մեկը` Հայաստանի պետական ջազ նվագախումբը: Ջազը, որպես մասնագիտություն ընտրել ցանկացող երիտասարդները, նյութականապես մոտիվացվա՞ծ են: Ի՞նչ պայմաններում ձայնագրվեց ջազ նվագախմբի նոր՝ «Մենք ու մունք» ձայնասկավառակը: «Արտֆոկուս»-ում է Հայաստանի պետական ջազ նվագախմբի գեղարվեստական ղեկավար և դիրիժոր, սաքսոֆոնահար Արմեն Հյուսնունցը: Զրույցը վարում է Անահիտ Մարգարյանը:

«Դոգման» 15 տարեկան է


Չորս վառ անհատականություններ միավորեցին իրենց ստեղծարար էներգիան և ծնվեց հայկական ռոք երաժշտության ամենաինքնատիպ խմբերից մեկը` «Դոգմա» էթնիկ-պրոգրեսիվ ռոք-մետալ խումբը: Փետրվարի 28-ին Տիկնիկային թատրոնում համերգով նշվեց խմբի 15-ամյակը: «Արտֆոկուս»-ում են հայկական ռոք ասոցիացիայի նախագահ, «Դոգմա» խմբի բաս-կիթառահար Վարդան Գրիգորյանը և մենակատար, երգչուհի, տեքստերի հեղինակ Զարա Գևորգյանը: Զրույցը վարում է Անահիտ Մարգարյանը:

Արցախի հոգևոր–մշակութային ժառանգության պաշտպանության հիմնահարցը


2020թ. պատերազմից հետո Ամենայն հայոց հայրապետի տնօրինությամբ Մայր Աթոռում հիմնվել է «Արցախի հոգևոր–մշակութային ժառանգության պահպանության գրասենյակը», որն ակտիվ գործունեություն է ծավալում՝ բարձրաձայնելով Արցախի մշակութային ժառանգության պաշտպանության և պահպանության խնդիրները: Գրասենյակի գործունեության, Արցախում Ադրբեջանի ռազմական վերահսկողության տակ գտնվող հազարավոր պատմամշակութային և կրոնական հուշարձանների ճակատագրի մասին «Արտֆոկուս»-ում խոսել է Արցախի հոգևոր-մշակութային ժառանգության պահպանության հարցերով գրասենյակի տնօրեն Գարեգին վարդապետ Համբարձումյանը: Զրույցը վարել է Անահիտ Մարգարյանը:

Ջազն այսօրվա Հայաստանում


Ինչու՞ են նվազել ջազ փառատոններն ու ջազ ակումբները: Մասնագիտական կրթություն չստացած ջազմենները մրցունա՞կ են: Որքա՞ն հաճախ է ջազը գնում մարզ: Ի՞նչ են անում Հայաստան ներգաղթած ռուս ջազմենները: «Արտֆոկուս»-ում զրուցում են կոնտրաբասահար, կոմպոզիտոր Դավիթ Գեոդակյանը և սաքսոֆոնահար, գործիքավորող Դավիթ Մելքոնյանը: Զրույցը վարում է Անահիտ Մարգարյանը: