Օծվել է Իժեւսկի Սուրբ Գրիգոր Լուսավորիչ եկեղեցին


Թեմակալ առաջնորդ Եզրաս արք. Ներսիսյանի օրհնությամբ արարողությունը հանդիսապետել է Հայաստանից ժամանած Արագածոտնի թեմի առաջնորդ Տեր Մկրտիչ եպիսկոպոս Պռոշյանը: Օծվել է եկեղեցու գմբեթի խաչը, զանգակատան զանգերը, սրբապատկերները, 16 սյուները, ինչպես նաև Մկրտության Սուրբ Ավազանը: Սրբազան հայրը նկատել է, որ նորաօծ եկեղեցին հոգևոր շունչ է հաղորդելու համայնքային կյանքին, մարդիկ զորանալու են հանապազ աղոթքով և առ Աստված սիրով։

 

Օծվել է Ռուսաստանի Ռուբցովսկ քաղաքի հայկական եկեղեցին


Ռուսաստանի Ռուբցովսկ քաղաքում առաջին անգամ հնչել է հայկական եկեղեցու զանգը: Այդ քաղաքում շուրջ 600 հայ է ապրում, որոնք ութ տարվա ընթացքում Ալթայի երկրամասի երկրորդ հայկական եկեղեցին են կառուցել: Զուսպ արտաքին հարդարմամբ, հայկական եկեղեցական ճարտարապետության կանոններով կառուցված աղոթատունն ունի 25 մետր բարձրություն, զանգակատուն: Հոկտեմբերի 6-ին թեմակալ առաջնորդ տեր Եզրաս արք. Ներսիսյանը կատարել է եկեղեցու օծման արարողությունը և աղոթատունն անվանել Սուրբ Գևորգ զորավարի անունով:

 

Եզրաս սրբազանն օծել է Դոնի Ռոստովի Շահումյան գյուղի նորակառույց հայկական եկեղեցին


Օծվել է Եգորլիկի շրջանի Շահումյան գյուղի նորակառույց հայկական եկեղեցին, որի հիմքերը 2017 թվակնին օծել է Եզրաս սրբազանը։ Եկեղեցին կառուցվել է գյուղացիների համատեղ ջանքերով։ Շահումյան գյուղում ապրում է ավելի քան երկու հազար հայ, որոնք արմատներով մշեցի են: Գործում է դպրոց, որտեղ հաճախում է երկու հարյուր աշակերտ, ունեն մանկապարտեզ, խաղահրապարակ, մշակույթի կենտրոն: Փողոցների մեծ մասը հայկական անուններ են կրում՝ Բաղրամյան, Նալբանդյան, Շահումյան:

 

Մոսկվայում գործող Սուրբ Գրիգոր Նարեկացու անվան վարժարանը սկսել է նոր ուսումնական տարին


Սուրբ Գրիգոր Նարեկացու անվան վարժարանն ավելի քան 40 սան ունի։ Երեխաները ակտիվ մասնակցում են օլիմպիադաների, գիտահետազոտական և երաժշտական մրցույթների։ Սուրբ Գրիգոր Նարեկացու անվան վարժարանում կրթությունը 11-ամյա է, գործում է Ռուսաստանի Դաշնության կրթական չափորոշիչներով և միակն է տարածաշրջանում, որտեղ հայոց լեզուն, հայ գրականությունը, հայ ժողովրդի պատմությունը ուսումնական ծրագրի պարտադիր առարկաներից են:

 

105 տարի անց Մոսկվայի հայկական եկեղեցում առաջին անգամ ցուցադրվել է Մարտիրոս Սարյանի կտավը


Հունիսի 20-ին Մոսկվայի հայկական եկեղեցու «Տապան» թանգարանում բացվել է աշխարհահռչակ նկարիչ Մարտիրոս Սարյանի հանրությանը գրեթե անհայտ կտավներից մեկի ցուցադրությունը: 1919 թվականին վրձնած նկարը հեղինակը վերնագրել է «Կարմիր ձի»։ Եզրաս սրբազանի խնդրանքով կտավը ժամանակավոր ցուցադրության համար տրամադրել է Վալերի Դուդակովը, ում հետ թանգարանը գործակցում է և ցուցադրություններ կազմակերպում: Դուդակովը կտավը ձեռք է բերել 1980-ականերին և երբեք ցուցադրության չի ներկայացրել:

 

Ռուսաստանի հայկական եկեղեցիներում նշվել է Հարության տոնը


Քրիստոսի հրաշափառ հարության ավետիսը հնչել է Մոսկվայի հայկական եկեղեցում: Տոնական Պատարագը մատուցել է թեմակալ առաջնորդ Տեր Եզրաս արքեկիսկոպոս Ներսիսյանը: Տոնը մեծ շուքով նշել են Տյումենի Սուրբ Մեսրոպ Մաշտոց նորաբաց հայկական եկեղեցում, Դոնի Ռոստովի, Եկատերինբուրգի, Յարոսլավլի, Վոլգոգրադի, Սամարայի, Տաշքենդի ու Ղրիմի հայկական եկեղեցիներում:

Սուրբ Ծննդյան տոնը Մոսկվայի հայկական եկեղեցում


Ս. Պայծառակերպություն մայր տաճարում Սուրբ Ծննդյան պատարագը մատուցեց թեմակալ առաջնորդ Տ. Եզրաս արքեպիսկոպոս Ներսիսյանը: Թեմակալ առաջնորդը ներկաներին փոխանցեց Գարեգին Բ Ամենայն հայոց կաթողիկոսի Սուրբ Ծննդյան հայրապետական պատգամը:

 

Դպրական տվչություն Մոսկվայի հայոց Ս․Պայծառակերպություն եկեղեցում


Սուրբ Ստեփանոս Նախավկայի տոնին Մոսկվայի հայոց Ս․Պայծառակերպություն մայր տաճարում թեմակալ առաջնորդ Տ․Եզրաս արքեպիսկոպոս Ներսիսյանի ձեռամբ կատարվեց դպրական տվչություն։ Դպրական աստիճան ստացան Մոսկվայի, Սանկտ Պետերբուրգի, Յարոսլավլի, Տվերի, Ռոստովի Չալթըր գյուղի հայկական եկեղեցիներում սպասավորող տարբեր տարիքի 14 հայորդի։

 

Ս. Ներսես Շնորհալուն նվիրված գիտաժողով Մոսկվայի հայկական եկեղեցում


Դեկտեմբերի 21-ին Մոսկվայի առաջնորդանիստ հայկական եկեղեցու ժողովասրահում տեղի ունեցավ Սուրբ Ներսես Շնորհալու մահվան 850-ամյակին նվիրված գիտաժողով, որին մասնակցում էին Ռուսաստանի տարբեր քաղաքներից, ինչպես նաև Հայաստանից ժամանած աստվածաբաններ, բանասերներ, արվեստաբաններ, պատմաբաններ:

 

Ռուսահայոց թեմի հոգևորականները դատապարտել են Ադրբեջանի ցեղասպան գործողությունները Արցախում


Սեպտեմբերի 19-ին Մոսկվայի առաջնորդանիստ հայկական եկեղեցում Տեր Եզրաս արքաեպիսկոպոս Ներսիսյանի նախագահությամբ մեկնարկեց քահանաների տարեկան եռօրյա ժողովը: Թեմակալ առաջնորդն անդրադարձավ Ադրբեջանի լայնամասշտաբ հարձակման հետևանքով Արցախում ստեղծված աղետալի իրավիճակին, որի նպատակն է ցեղասպան քաղաքականությամբ հայաթափել Արցախը։ Հոգևոր դասը հանդես եկավ հայտարարությամբ:

Հովվական այց Ուզբեկստանի հայ համայնք


Ռուսաստանի և Նոր Նախիջևանի հայոց թեմի առաջնորդ Տեր Եզրաս արքեպիսկոպոս Ներսիսյանը սեպտեմբերի 6-ին հովվական եռօրյա այցով մեկնեց Ուզբեկստան՝ հանդիսապետելու Սամարղանդի Սուրբ Աստվածածին եկեղեցու օծման 120-ամյակին նվիրված միջոցառումները։

 

Ուլյանովսկում նորակառույց հայկական եկեղեցի է օծվել


Ռուսաստանի և Նոր Նախիջևանի հայոց թեմի առաջնորդ Տ. Եզրաս արքեպիսկոպոս Ներսիսյանը Ուլյանովսկ քաղաքում հանդիսապետեց նորակառույց հայկական եկեղեցու օծման արարողությունը: Եկեղեցին կառուցվել է Հայաստանից բերված ծիրանագույն տուֆով։ Այն գտնվում է քաղաքի կենտրոնում, Վոլգա գետի ամենալայն ափի հարևանությամբ: Նորաօծ եկեղեցին կոչեց Սուրբ Գրիգոր Լուսավորչի անունով։