Մայր Աթոռ Սուրբ Էջմիածնից Մոսկվա էր տարվել Ս. Գևորգ զորավարի մասունքակիր Աջը


Ռուսաստանի և Նոր Նախիջևանի թեմի առաջնորդ Եզրաս արքեպիսկոպոս Ներսիսյանի խնդրանքին ընդառաջ, Ամենայն հայոց կաթողիկոս Գարեգին Բ-ի օրհնությամբ, Մայր Աթոռ Սուրբ Էջմիածնից Մոսկվա էր տարվել Սուրբ Գևորգ զորավարի մասունքակիր Աջը: Սեպտեմբերի 24-ին՝ սրբի հիշատակության օրը, խաչի թափոր կատարվեց և սրբազան մասունքը հավատացյալների երկրպագության համար տարվեց Մոսկվայի Սուրբ Գևորգ մատուռ: 

Մոսկվայում ավարտվեց «Հայերը Ռուսաստանի մշակույթի և պատմության մեջ 18-20-րդ դարերում» գիտաժողովը


Հոկտեմբերի 26-ից Մոսկվայի հայկական եկեղեցական համալիրի հանդիսությունների սրահում ընթանում էր «Հայերը Ռուսաստանի մշակույթի և պատմության մեջ 18-20-րդ դարերում» խորագրով միջազգային երկօրյա գիտաժողովը:

Ռուսահայոց թեմի առաջնորդի առաջին այցը Ղրիմի հանրապետություն


Հոկտեմբերի 19-ին Ռուսաստանի և Նոր Նախիջևանի հայոց թեմի առաջնորդ Տ․Եզրաս արքեպիսկոպոսՆերսիսյանը մեկօրյա այցով Ղրիմում էր։ Ղրիմի՝ Ռուսաստանի Դաշնությանը միանալուց և ռուսահայոց թեմի կազմում ընդգրկվելուց հետո սա թեմակալ առաջնորդի առաջին այցն էր տարածաշրջան։

ՌԴ Տվեր քաղաքում օծվել է Ս. Հարություն հայկական նորակառույց եկեղեցին


Հոկտեմբերի 8-ին ՌԴ Տվեր քաղաքում Ռուսաստանի և Նոր Նախիջևանի թեմի առաջնորդ Եզրաս արք. Ներսիսյանը օծեց Ս. Հարություն հայկական նորակառույց եկեղեցին:

Օծվեցին ՌԴ Սուրգուտ քաղաքի հայկական եկեղեցու հիմքերը


Հոկտեմբերի 5-ին Ռուսաստանի և Նոր Նախիջևանի հայոց թեմի առաջնորդ Տ. Եզրաս արքեպիսկոպոս Ներսիսյանի ձեռամբ ՌԴ Սուրգուտ քաղաքում կատարվեց եկեղեցու հիմնօրհնեքի արարողություն: 

Օրենբուրգում օծվել են նոր կառուցվող եկեղեցու հիմերը


Սեպտեմբերին 19-ին ՌԴ Օրենբուրգ քաղաքում Ռուսաստանի և Նոր Նախիջևանի թեմի առաջնորդ Եզրաս արքեպիսկոպոս Ներսիսյանն օծել է նոր կառուցվող եկեղեցու հիմերը: Աղոթատունը կառուցվում է տեղի հայ համայնքի ջանքերով:

Խաչվերացի պատարագը Մոսկվայի Ս. Պայծառակերպություն եկեղեցում


Սեպտեմբերի 11-ին Մոսկվայի Սուրբ Պայծառակերպություն եկեղեցում Խաչվերացի տոնական պատարագը մատուցեց Մայր Աթոռ Սուրբ Էջմիածնից ժամանած Տ․Պարթև վարդապետ Բարսեղյանը։ Թեմակալ առաջնորդ Տ․Եզրաս արքեպիսկոպոս Ներսիսյանն իր օրհնությունն ու գնահատանքը հայտնեց խաչքավոր Գարուն Քոչարյանին, որը տոնի առիթով Ս․Պայծառակերպություն եկեղեցուն էր նվիրել թանկարժեք քարերով զարդարված մասնատուփ Տիրոջ խաչափայտի մասունքը պահելու համար։

Պայծառակերպության տոնը՝ Մոսկվայի հայոց Ս. Պայծառակերպություն եկեղեցում


Տոնական պատարագը Մոսկվայի Ս. Պայծառակերպություն եկեղեցում մատուցեց Ռուսաստանի և Նոր Նախիջևանի թեմի առաջնորդ Եզրաս արքեպիսկոպոս Ներսիսյանը: Պատարագից հետո ուխտավորները, «Նուռ» երիտասարդաց միության անդամները մեկնեցին Մոսկվա գետի ափ` ազգային խաղերով, երգ ու պարով տոնախմբելու Վարդավառը:

Թանգարանային գիշերը՝ Մոսկվայի հայկական եկեղեցական համալիրում


«Թանգարանային գիշեր» միջոցառմանն այս տարի միացել էր նաև Մոսկվայի հայկական եկեղեցու «Տապան» թանգարանը: Մոսկվաբնակ հայերի, ինչպես նաև օտարազգի այցելուների համար ողջ օրվա ընթացքում կազմակերպվել էին ցուցադրություններ, հանդիպումներ, վարպետաց դասեր, ֆիլմերի դիտումներ։

Հրեա պատմաբան Յաիր Օրոն մեղադրում է իշխանություններին՝ Հայոց ցեղասպանությունը չճանաչելու համար


Ապրիլի 23-ին Մոսկվայի եկեղեցական համալիրի հանդիսությունների սրահում Իսրայելի Բաց համալսարանի ամբիոնի վարիչ, պատմաբան Յաիր Օրոն դասախոսություն կարդաց՝ նվիրված Հայոց ցեղասպանությանը։ Պատմաբանը մեղադրեց իր երկրի նախկին ու ներկա իշխանություններին՝ Հայոց ցեղասպանությունը չճանաչելու համար։ Նա քննադատեց նաև պաշտոնական Երուսաղեմի գործողությունները՝ Թուրքիային ու Ադրբեջանին պարբերաբար զենք վաճառելու և ռազմական օգնություն ցուցաբերելու համար։

Կոմիտաս և Սիրարփի. 2015թ.-ին քահանաների ընտանիքներում ծնված չորրորդ զավակները


2014 թվականին Ռուսաստանի և Նոր Նախիջևանի հայոց թեմի քահանաների ժողովին առաջնորդ Եզրաս սրբազանը հորդոր-առաջարկ էր ուղղել թեմի քահանաներին՝ որդեծնությամբ պատասխանել այն ոճրագործներին, ովքեր 100 տարի առաջ հանդգնեցին կոտորել հային իր պատմական հայրենիքում: Առաջնորդի կոչն ընդունվել էր ոգևորությամբ, որոշվել էր 2015 թվականին ծնված տղաներին անվանակոչել Կոմիտաս, աղջիկներին՝ Սիրարփի:

Ս. Հարության Ճրագալույցի և կիրակնօրյա պատարագ Մոսկվայի Ս. Պայծառակերպություն եկեղեցում:


Մոսկվաբնակ մեծ թվով հայեր մասնակցեցին Ս. Զատկի պատարագին: Ս. Հարության Ճրագալույցի պատարագի ավարտին Ռուսաստանի և Նոր Նախիջևանի թեմի հոգևոր դասը՝ առաջնորդ  Եզրաս արքեպիսկոպոս Ներսիսյանի գլխավորությամբ, օրհնեց  Ս. Պայծառակերպություն եկեղեցական համալիրի բակում զարդարված զատկական սեղանները: Տնօրհնեքի արարողություն կատարվեց նաև առաջնորդարանում: Կիրակնօրյա պատարագին հաջորդեց Սիրո ճաշը, իսկ «Տապան» թանգարանում բացվեց «Ս. Հարության ժառանգությունը» խորագրով մանրանկարչության ցուցահանդես: Բարերար Լևոն Հայրապետյանը եկեղեցուն նվիրեց Մինաս Ավետիսյանի ինքնանկարը: