Գրքի տոնին Մայր Աթոռը շուրջ երկու հարյուր անուն գրականություն է նվիրել Զինվորի տանը


Մոտ հարյուր անուն գրականություն Մայր Աթոռի հրատարակություններից է նվիրել և նույնքան էլ՝ հայագիտական բնույթի գրականություն: Զինվորի տունն ունի գրադարան, որտեղ տղաները հնարավորություն ունեն ծանոթանալ ժամանակակից համաշխարհային հատընտիր գրականությանը, գտնել իրենց հետաքրքրող ոլորտի գրքեր:

Փետրվարի 15-ին Սուրբ Սարգիս զորավարի, նրա որդի Մարտիրոսի և 14 զինվորների տոնն է


Սուրբ Սարգիս զորավարը համարվում է երիտասարդների արագահաս բարեխոսը: Գարեգին Բ Ամենայն Հայոց կաթողիկոսի տնօրինությամբ տոնը հռչակված է՝ որպես երիտասարդների օրհնության օր: Այդ օրը Սրբի անունը կրող եկեղեցիներում մատուցվում է պատարագ, որից հետո կատարվում է երիտասարդների օրհնության կարգ: Տոնը նաև Սարգիս անունը կրողների անվանակոչության օր է: Ամեն տարի Սուրբ Սարգսի տոնին Երևանի Մատենադարանից Առաջնորդանիստ Սուրբ Սարգիս եկեղեցի է բերվում 17-րդ դարում Սուրբ Սարգիս եկեղեցում ընդօրինակված Ավետարանը:

Փետրվարի 14-ի առավոտյան Հայ առաքելական եկեղեցիներում կմատուցվի տոնական պատարագ


Սուրբ ծննդից 40 օր հետո Հայ Առաքելական եկեղեցին նշում է մանուկ Հիսուսին տաճարին ընծայաբերելու տոնը՝ Տեառնընդառաջը: Նախատոնակը փետրվարի 13-ի երեկոյան է կատարվում: Ժամերգության ավարտին ժողովրդական սովորույթի համաձայն խարույկ է վառվում: Տեառնաըդառաջը Տիրոջն ընդառաջ գնալու հրավեր է բոլորին, իսկ զավակին եկեղեցուն ընծայել, նշանակում է դաստիարակել ու կրթել նրան հոգևոր նկարագրով: Երբ Մարիամը 40 օրական Հիսուսին տաճար է տանում, Սիմեոն անունով մի ծերունի ճանաչում և ընդառաջ է գալիս Հիսուսին: Այստեղից էլ տոնի անվանումը՝ Տիրոջն ընդառաջ:

 

Փետրվարի 10-ին սկսվում է Առաջավորաց պահքի շրջանը


Առաջավորաց պահքը հաստատել է Գրիգոր Լուսավորիչը։ Խոր Վիրապից դուրս գալուց հետո նա Տրդատ արքային ու ամբողջ ժողովրդին պատվիրել է հինգ օր ապաշխարել պահեցողությամբ: Առաջավորացը Հայ առաքելական եկեղեցու առաջին պահքն է: Ծննդյան եւ Պայծառակերպության քառասնօրյա պահքերը բաժանվել են մասերի և բաշխվել ամբողջ տարվա մեջ: Շաբաթապահքը սովորաբար հինգ օր է տևում՝ երկուշաբթիից ուրբաթ, նախորդում է տաղավար տոներին և մի շարք հիշատակության օրերի:

 

Հայ Առաքելական Եկեղեցին դեկտեմբերի 24-ին կնշի Սուրբ Ստեփանոս նախավկայի տոնը


Ս. Ստեփանոս նախասարկավագն իր աներեր հավատով, սրբակենցաղությամբ, նվիրումով, ծառայասիրությամբ և մյուս առաքինություններով օրինակ է քրիստոնյաների համար: Հայ Առաքելական Եկեղեցին Ս. Ստեփանոս Նախավկայի և առաջին մարտիրոսի հիշատակը տոնում է դեկտեմբերին: Սուրբ Ստեփանոսի հիշատակության տոնին կատարվում են սարկավագական և դպրական ձեռնադրություններ:

«Երիտասարդաց ձայն» երգչախումբը Սուրբ Պատարագին մասնակցել է Եկմալյանի պատարագի «Դպրաց բաժնի» երգեցողությամբ


Բրազիլիայի Հայոց Թեմի «Երիտասարդաց ձայն» մանկապատանեկան երգչախումբը Սուրբ Պատարագին մասնակցել է Եկմալյանի պատարագի «Դպրաց բաժնի» երգեցողությամբ: «Դուրյան» Ազգային վարժարանի սաներից կազմված «Երիտասարդաց ձայն» պատանեկան երգչախումբը 2 տարի առաջ հիմնել և ղեկավարում է Բրազիլիայի հայոց թեմի առաջնորդ Նարեկ Սրբազանը: Երգչախումբը, շարականների և ազգային երգերի կատարմամբ, համերգներով հանդես է եկել տարբեր բեմերում: Պատարագի ամբողջական երգեցողությամբ առաջին անգամ է հանդես եկել՝ Բրազիլիայի հայոց թեմի առաջնորդանիստ Ս. Գևորգ մայր եկեղեցում:

 

Հայ Առաքելական եկեղեցին նշում է Սուրբ ավետարանիչների հիշատակության տոնը


Հոկտեմբերի 19-ին՝ Հայ Առաքելական եկեղեցին նշում է Մատթեոս, Մարկոս, Ղուկաս և Հովհաննես ավետարանիչների հիշատակության օրը: Այդ առիթով Ղուկաս Ավետարանչի մասունքակիր աջը դուրս կբերվի Մայր Աթոռի գանձատնից և կտեղափոխվի Մասյացոտնի թեմ՝ Արտաշատի Սուրբ Հովհաննես Ավետարանչի եկեղեցի: Կմատուցվի տոնական պատարագ, որի ավարտին հավատացյալները կհաղորդակցվեն մասունքից բխող զորությանը:

 

Սեպտեմբերի 15-ին Հայ Առաքելական եկեղեցին կնշի այս տարվա վերջին տաղավար տոնը՝ Խաչվերացը


Այդ օրը՝ բոլոր եկեղեցիներում կմատուցվի տոնական պատարագ: Խաչվերացը Տիրոջ փրկարար խաչին նվիրված ամենակարևոր տոներից է, նշվում է սեպտեմբերի 11-17-ն ընկած ժամանակահատվածում: Խաչվերացը Քրիստոսի խաչափայտը գերությունից ազատելու պատմական դեպքերի հիշատակությանն է նվիրված: Յոթերորդ դարում պարսից զորքը, հասնելով Երուսաղեմ, Ս. Հարության տաճարից գերեվարել է Աստվածընկալ Ս. Խաչը: Այդ դեպքից մոտ քսան տարի անց բյուզանդական զորքը խաչափայտը ազատագրել է գերությունից և հանդիսավոր թափորով տեղափոխել հայոց Կարին քաղաք, Կոստանդնուպոլիս, այնուհետև՝ Երուսաղեմ: Քրիստոնյա ավանդական եկեղեցիներն այս դեպքերի հիշատակը հավերժացնելու համար հաստատել են խաչվերացի տոնը:

 

Մայր Աթոռին ընծայաբերվել է Սուրբ Վլաս եպիսկոպոս Սեբաստացու մասունքը


Գարեգին Երկրորդ Ամենայն Հայոց Կաթողիկոսը Մայր Աթոռ Սուրբ Էջմիածնում ընդունել է շվեյցարահայ գործարար և բարերար Վահե Գաբրաշին: Բարերարը Մայր Աթոռին ընծայաբերել է համաքրիստոնեական սուրբ Վլաս եպիսկոպոս Սեբաստացու՝ III-IV դարեր թվագրվող մասունքը։ Այն հանձնվել է Մայր Աթոռի Գանձատան պահպանությանը, որտեղ այցելող հավատավոր ուխտավորները հնարավորություն կունենան հաղորդակից դառնալ սրբի մասունքներից ճառագող օրհնությանը:

 

Ամենայն Հայոց Կաթողիկոսն ընդունել է ԱՄՆ Արևելյան հայոց թեմի երիտասարդ ուխտավորներին


Վեհափառ Հայրապետը երիտասարդներին պատգամել է անխաթար պահել իրենց ազգային ինքնությունն ու հավատարմությունը ազգային արժեքներին և գործուն կերպով ներգրավվել ազգային-եկեղեցական կյանքին: Կամավորական ծրագրի մասնակցելու համար Հայաստան ժամանած ԱՄՆ Հայոց Արևելյան թեմի Եկեղեցասեր երիտասարդաց միությունների ավագ խմբի անդամները 24-ն են։ Նրանց նպատակն է հաղորդակից լինել հայրենիքի պատմամշակութային և հոգևոր ժառանգությանը։

 

Ամենայն Հայոց Կաթողիկոսն ընդունել է ՀԲԸՄ «Անդրանիկ» սկաուտական բանակում ծրագրի մասնակիցներին


Ամենայն Հայոց Կաթողիկոսը բարձր է գնահատել ՀԲԸՄ կենտրոնական վարչության ջանքերը հայրենանվեր առաքելության, Մայր Աթոռին ու Հայոց Եկեղեցու աշխարհասփյուռ թեմերին ցուցաբերվող զորակցության, կրթադաստիարակչական, մշակութային տարբեր ծրագրերի իրականացման համար։ «Անդրանիկ» սկաուտական բանակում ծրագրին մասնակցում են Սիրիայի, Իրանի, Իրաքի և Հայաստանի մոտ 138 սկաուտ: Ճամբարը սկսել է գործել 2007 թվականից Լերմոնտովոյի Թեժ լեռ տարածքում: Քովիդից հետո 4 տարի բանակումը չէր գործել և միայն այս տարի է վերաբացվել։

 

Հիսուս Քրիստոսի Պայծառակերպության տոնն այս տարի նշվում է հուլիսի 7-ին


Հիսուս Քրիստոսի Պայծառակերպության տոնի՝ Վարդավառի, հիմքում Թաբոր լեռան վրա Քրիստոսի այլակերպվելու և աշակերտներին աստվածային փառքով երևալու մասին ավետարանական պատմությունն է: Այս կիրակի բոլոր եկեղեցիներում կմատուցվի տոնական պատարագ, հաջորդ օրը մեռելոց է, ննջեցյալների հիշատակության համար պատարագ կմատուցվի, կկատարվի հոգեհանգստյան արարողություն, որի ընթացքում քահանան հանգուցյալների անունները կհիշատակի Տիրոջ առջև: