Ամփոփ լրահոս 16.01.2023


Գլենդելում կառուցվում է հայկական եկեղեցական համալիր: Հնդկաստանի Չինսուրա քաղաքի Ս. Հովհաննես Մկրտիչ հայկական եկեղեցում մատուցված պատարագին Կալկաթայից բերվել է սրբի մասունքակիր աջը: Ցյուրիխի կենտրոնական Գրոսմյունստեր եկեղեցում տեղի է ունեցել էկումենիկ արարողություն, որին մասնակցել են Հայ Առաքելական, Ղպտական, Սերբական եւ Ռումինական եկեղեցիների հոգեւորականներ։

 

Կյանքից հեռացել է բարերար Վրեժ Մարկոսյանը


73 տարեկանում կյանքից հեռացել է «Տիգրան Մեծ» հրատարակչության տնօրեն, բարերար Վրեժ Մարկոսյանը: 2006թ.-ին Վրեժ Մարկոսյանը պարգևատրվել է «Սուրբ Գրիգոր Լուսավորիչ» շքանշանով:

 

Ամփոփ լրահոս 13.01.2023


Հունվարի 11-ին Երուսաղեմի հայոց պատրիարքարանի ներկայացուցիչներն այցելել են Սուրբ երկրի ղպտի, ասորի և եթովպացի արքեպիսկոպոսներին: Հայ առաքելական եկեղեցու ԱՄՆ արևմտյան թեմը զգուշացնում է` Կալիֆոռնիայի Գլենդեյլ քաղաքում գործում է հակականոնական եկեղեցի: «Ադրբեջանն ու Թուրքիան գնել են ընկերություններ, պատմաբանների, եվրոպատգամավորների՝ իրենց քարոզչությանը ծառայեցնելու համար». Խաժակ արքեպիսկոպոս Պարսամյանի հարցազրույցը ֆրանսիական «Լե Ֆիգարո» թերթին:

 

Շրջափակված Արցախի համար հանգանակություններ են կատարվում Հայ եկեղեցու թեմերում


Ամենայն հայոց հայրապետը հորդորել է Հայ եկեղեցու թեմերին՝ հանգանակումներ կատարել շրջափակման մեջ գտնող Արցախի համար հումանիտար օգնություն կազմակերպելու նապատակով: Ռուսաստանի և Նոր Նախիջևանի հայոց թեմում երեք օրվա ընթացքում հավաքագրվել է 2 միլիոն 800 հազար ռուբլի: Հանգանակությունները շարունակվում են:

 

Ամենայն հայոց կաթողիկոսին հանձնվեց ՌԴ պատվո շքանշանը


Ռուսաստանի և Հայաստանի միջև մշակութային-հումանիտար կապերի զարգացման գործում ունեցած մեծ ավանդի համար Գարեգին Բ Ամենայն հայոց կաթողիկոսին շնորհվեց Պատվո շքանշան:

 

Վատիկանում վերջին հրաժեշտը տվեցին Բենեդիկտոս 16-րդ պատվավոր պապին


Վատիկան էր մեկնել նաև Մայր Աթոռ Սուրբ Էջմիածնի պատվիրակությունը: Բենեդիկտոս 16-րդ պատվավոր պապը վախճանվել էր դեկտեմբերի 31-ին, 95- տարեկանում:

 

Արցախի երեխաները միասնական աղոթքի են հավաքվել


Սուրբ Ծննդյան և Աստվածհայտնության տոնին ընդառաջ Արցախի կիրակնօրյա դպրոցների սաները հավաքվել էին միասին աղոթելու: Երեխաների մաղթանքները՝ տեսանյութում:

Ս. Ծննդյան տոնը Վիրահայոց թեմում


Թբիլիսիի Սուրբ Գևորգ առաջնորդանիստ եկեղեցում տոնական պատարագ մատուցեց Վիրահայոց թեմի առաջնորդական տեղապահ Կիրակոս վարդապետ Դավթյանը:

 

Սուրբ Ծննդյան տոնը շրջափակված Արցախում


Հունվարի 6-ին շրջափակված Արցախում նշվեց Հայ առաքելական եկեղեցու ամենանշանակալի տոներից մեկը` Սուրբ Ծնունդը և Աստվածհայտնությունը: Ստեփանակերտի Սուրբ Աստվածածին մայր տաճարում տոնական պատարագը մատուցեց Արցախի թեմի առաջնորդ Վրթանես եպիսկոպոս Աբրահամյանը: Վրթանես սրբազանը հիշեցրեց` այսօր տառապած երկրում տիրում է միասնության և համերաշխության մթնոլորտ, այստեղից հնչում է արդարության ձայնը: Արդեն 25-րդ օրն է` Արցախը շրջափակման մեջ է:

 

Սուրբ Ծննդյան հայրապետական պատարագը Երևանի Ս. Գրիգոր Լուսավորիչ եկեղեցում


Հունվարի 6-ին Հայ առաքելական եկեղեցին տոնում է Քրիստոսի սուրբ Ծննդյան և Աստվածհայտնության տոնը: Երևանի Սուրբ Գրիգոր Լուսավորիչ մայր եկեղեցում պատարագիչը Գարեգին Բ Ամենայն հայոց կաթողիկոսն էր: Հավատացյալներին ուղղված իր հայրապետական պատգամում Ամենայն հայոց հայրապետը լավագույնս ձևակերպեց համընդհանուր մտահոգություններն ու տագնապը: Առանձնակի ջերմությամբ Նորին սրբությունը դիմեց շրջափակման մեջ գտնվող արցախցիներին, քաջալերեց ու կրկին հավաստեց` Հայոց եկեղեցին աջակից ու զորակից է լինելու Արցախին:

Մայր Աթոռի մատենադարանը և Հայաստանի պատմության թանգարանը գրքեր փոխանակեցին


Գրադարանները հարստացնելու միջոցներից մեկը գրքերի փոխանակման ծրագրերն են: Տարեվերջին Մայր Աթոռ «Վաչե և Թամար Մանուկյան» մատենադարանում գրքեր փոխանակեցին Հայաստանի պատմության թանգարանի հետ:

 

Պատարագ է մատուցվել Արցախի Խաչեն գյուղի սուրբ Ստեփանոս եկեղեցում


Դեկտեմբերի 26-ին, Սուրբ Ստեփանոս Նախավկայի տոնին, մարդաշատ էր Արցախի Խաչեն գյուղի սուրբ Ստեփանոս եկեղեցին: Տոնի կապակցությամբ Արցախի թեմի բոլոր սարկավագներին շնորհավորեց թեմակալ առաջնորդ Վրթանես եպիսկոպոս Աբրահամյանը: