 |
Կարգալույծ է հռչակվել Տեր Տարոն քահանա ՀունանյանըՏեր Տարոն քահանա Հունանյանը կարգալույծ հռչակվելու համար հիմք է ծառայել Տավուշի թեմի առաջնորդական տեղապահի զեկուցագիրը և Մայր Աթոռ Սուրբ Էջմիածնի Պարգևների շնորհման և կարգապահական հարցերի հանձնախմբի եզրակացությունը։ Նա ինքնակամ լքել է իր ծառայության վայրը 2024 թվականի մայիսից, անտեսել է Տավուշի թեմի առաջնորդական տեղապահի հորդորներն ու հրահանգները և հարատևել կարգազանց ընթացքի մեջ, մասնակցել է կարգազուրկ հռչակված Ստեփան Ասատրյանի կազմակերպած հակականոնական արարողությանը՝ մեղսակից դառնալով կարգալուծվածին, հրապարակային ելույթներով ու հայտարարություններով վարկաբեկել է Հայաստանյայց Առաքելական Սուրբ Եկեղեցին և ծառայակից եկեղեցականներին, անարգալից վարքագիծ է դրսևորել եկեղեցական բարձրագույն իշխանության նկատմամբ և դրժել հնազանդության ուխտը։ |
 |
Քյոլնում կայացել է Հայաստանից ժամանած պատանի երաժիշտների համերգըԿոմպոզիտոր, Երևանի Կոմիտասի անվան պետական Կոնսերվատորիայի և Լոնդոնի Թագավորական Երաժշտական Ակադեմիայի շրջանավարտ Արփինե Կալինինան իր ստեղծագործական դասարանի չորս տաղանդավոր սաների հետ Գերմանիայի Հայոց Թեմի կողմից հրավիրված էր Գերմանիա` համերգային շրջագայության։ Տարբեր ուսումնական հաստատություններում սովորող նրա սաները` 15-ամյա Արտաշես Մոսիկյանը, 14-ամյա Հայկ Ջուլհակյանը, 11-ամյա Արթուր Գրիգորյանը և 15-ամյա Դալար Չիչյանը, որպես պատանի կոմպոզիտորներ տարբեր հանրապետական և միջազգային մրցույթների, փառատոների դափնեկիրներ ու մասնակիցներ են: Քյոլնում, ապա Բրեմենում և Շտուտգարտում պատանիները 3 համերգով հանդես են եկել: |
 |
Բուենոս Այրեսում ի տեր է ննջել Գիսակ արքեպիսկոպոս ՄուրադյանըՍրբազանի մահվան կապակցությամբ իրենց ցավակցություն են հայտնել Գարեգին Երկրորդ Ամենայն հայոց կաթողիկոսը, Սուրբ Էջմիածնի միաբանությունը, Երուսաղեմի հայոց պատրիարքությունը: Լուսահոգի սրբազանը Հայաստանյայց առաքելական եկեղեցու երեց սպասավորներից էր: 32 տարի եղել է Արգենտինայի և Չիլիի հայոց թեմի առաջնորդը: Ծնվել է 1951 թվականին, Հալեպում: Սովորել է Երուսաղեմի հայոց պատրիարքության ժառանգավորաց վարժարանում և Ընծայարանում: 1963-ին ձեռնադրվել է սարկավագ, 1971-ին՝ կուսակրոն քահանա: 1975-ին մեկնել է Արգենտինա, որպես Բուենոս Այրեսի հոգևոր հովիվ, միաժամանակ ուսուցչություն է արել, դասավանդել է հայոց լեզու, հայ ժողովրդի պատմություն և կրոնա-եկեղեցական առարկաներ: 1975-ին Եղիշե պատրիարքի ձեռամբ ստացել է վարդապետական չորս աստիճանները: |
 |
Գանձերի տունդարձը. գեղարվեստի հավաքածուՄայր Աթոռ Սուրբ Էջմիածինը ոչ միայն հոգևոր կենտրոն է, այլև արվեստի գործերի բացառիկ պահոց։ Մայր Աթոռի գեղանկարչական հավաքածուն ձևավորվել է դեռևս Հովհաննես Ութերորդ Կարբեցու օրոք՝ 19-րդ դարի սկզբին, իսկ Գարեգին Երկրորդ հայրապետի հովանավորությամբ և ջանքերով այն համալրվել է 436 մշակութային արժեքներով: Մայր աթոռի գեղանկարչական հավաքածուն համալրվել է ոչ միայն հայ դասական, այլև ժամանակակից նկարիչների գործերով: |
 |
Գանձերի տունդարձը. հնատիպ գրքերԳարեգին Երկրորդ Ամենայն Հայոց Կաթողիկոսի անմիջական նախաձեռնությամբ ստեղծվել է Գարեգին Ա կրթական կենտրոնը, որի հիմքում Վազգեն Ա, Գարեգին Ա և Գարեգին Բ կաթողիկոսներիի անձնական գրքերի հավաքածուներն են: Հնատիպ հավաքածուն ձևավորվել է զուգահեռ այն հավաքածուի, որ արդեն Մայր Աթոռում գոյություն ուներ: Այս պահին Սուրբ Էջմիածնում հնատիպ գրքերի երկու հավաքածու գոյություն ունի: Ընդհանուր առմամբ մինչև Վեհափառ հայրապետի գահակալությունը Մայր Աթոռում հաշվվում էր մոտավորապես 2000 միավոր հնատիպ գրականություն: Վերջին 25 տարիներին երկու հավաքածուները համալրվել են շուրջ 960 միավորով: 2021 թվականին, Մայր Աթոռում Մատենադարան է հիմնադրվել: Գարեգին Երկրորդ հայրապետի տնօրինությամբ կառուցվել է հոյակերտ նոր շինություն: Երկհարկանի շենքում են տեղավորվել գրապահոցները և օժանդակ սենյակները, վարչական մասը, ընթերցասրահը, այդ թվում նաև՝ հնատիպ գրքերի ընթերցասրահը: Մայր Աթոռի Մատենադարնում պահվող հնատիպերի հավաքածուն 703 նմուշ ունի, դրանցից 620-ը Գարեգին Երկրորդ կաթողիկոսի գահակալության շրջանում են հասել Էջմիածին: |
 |
Գանձերի տունդարձը. ձեռագիր մատյաններՍուրբ Էջմիածնի ձեռագրական հավաքածուն Գարեգին Բ Ամենայն Հայոց Կաթողիկոսի ջանքերով համալրվել է 123 ձեռագրով: Այժմ արդեն Մայր Աթոռի ձեռագրական հավաքածուն Հայաստանում մեծությամբ երկրորդն է Մաշտոցյան Մատենադարանից հետո: Վեհարանի նորոգումից հետո վեհափառի հատուկ կարգադրությամբ հատուկ պահարաններ են տեղադրվել, որտեղ խնամքով ժողովված են Մայր Աթոռի ձեռագրերը: Դրանք ոչ միայն պահվում են ձեռագրատանը, այլև ցուցադրվում Մայր Աթոռի թանգարաններում, մասնակցում Հայաստանում և սփյուռքում տեղի ունեցող ցուցահանդեսների: |
 |
Գանձերի վերադարձըԳարեգին Երկրորդ Ամենայն հայոց կաթողիկոսի միջնորդությամբ և տնօրինությամբ վերջին քառորդ դարում Սուրբ Էջմիածին է բերվել 32 մասունքարան՝ աջաձև, խաչ-մասունքարաններ, մասանց պահարաններ: Դրանցում ամփոփված են հայ առաքելական եկեղեցու և համաքրիստոնեական սրբերի մասունքներ: 25 տարում հազվագյուտ և բացառիկ մասունքներով է հարստացել Մայր Աթոռի սրբություների գանձարանը: |
 |
Սուրբ Գևորգի տոնին վերաօծվել է Սյունիքի Լոր գյուղի եկեղեցինՕծման արարողությունը կատարել է Սյունյաց թեմի առաջնորդ Մակար եպիսկոպոս Հակոբյանը` թեմի հոգևոր դասի մասնակցությամբ: Սրբազան հայրն օծել է եկեղեցու սուրբ Սեղանը, մկրտության ավազանը, սյուները: Մակար եպիսկոպոսը նաև վերաօծված սրբավայրում առաջին պատարագն է մատուցել: Լորի Սուրբ Գևորգը եռանավ բազիլիկ է, որը կառուցվել է 17-րդ դարում: Մուտքի միակ դուռը կամարներով զարդարված՝ սրբատաշ քարի շրջանակ ունի: |
 |
Պատմության թանգարանում բացվել է Լուվրի թանգարանի հետ առաջին ցուցահանդեսըԼուվրից Հայաստանի Պատմության թանգարան է բերվել միջնադարյան հոգևոր արվեստի 16 գլուխգործոց։ Դրանք ցուցադրվում են Պատմության թանգարանի մոտ 20 ցուցանմուշների հետ, որոնցից մեկը փոխառված է Սուրբ Էջմիածնի գանձերից: Սուրբ Բարդուղիմեոս առաքյալի արծաթյա մասունքարանն է՝ պատրաստված Վանում, տասներորդ դարում: Մասանց պահարանի մեջ ամփոփված են հայոց առաջին լուսավորիչներից Բարդուղիմեոս առաքյալի մասունքը: Ընդհանուր թեման է՝ Սրբազան երկխոսություն. Լուվրից Հայաստանի պատմության թանգարան: |
 |
Ամենայն Հայոց Կաթողիկոսն հանդիպել է Հռոմի Սրբազան Քահանայապետի հետԱմենայն Հայոց Կաթողիկոսը Հռոմի Պապի հետ հանդիպմանը անդրադարձել է բռնի տեղահանված արցախահայության խնդիրներին, Արցախում ոչնչացման վտանգի առջև կանգնած հայ հոգևոր և մշակութային ժառանգության պահպանությանը, ռազմագերիների և պատանդառվածների վիճակին։ Հռոմի պապին նորին սրբությունը արցախյան խաչքարի կրկնօրիակ է նվիրել: Հանդիպման ավարտին Նորին Սրբությունը Լևոն 14-րդ Պապին հրավիրել է Հայաստան։ |
 |
Խաչվերաց տաղավար տոնի հաջորդ օրը Մեռելոց էԵկեղեցիներում Պատարագ է մատուցվել, որի ընթացքում հեգեհանգստյան կարգ է կատարվել՝ բոլոր ննջեցյալների հիշատակին։ Հոգեւորականներն ու հավատացյալները աղոթել են ննջեցյալների հոգիների խաղաղության համար։ Հանգուցյալների հարազատների խնդրանքով հոգեւորականները օրհնել են գերեզմանները։ |
 |
Վիրահայոց թեմում Խաչվերացի տոնին անցկացրել են Մուսա լեռան ավանդական հարիսայի փառատոնՓառատոնը կազմակերպել են թեմի առաջնորդի աջակցությամբ և Վրաստանի հայ կանանց «Շուշանիկ» միության նախաձեռնությամբ։ Հարիսան պատրաստել են Եկեղեցասեր կանանց և «Հ.Մ.Ը.Մ Թիֆլիս» հասարակական կազմակերպության անդամները: Թբիլիսահայ համայնքում հարիսայի փառատոնը անցկացվում է 2012 թվականից անընդմեջ, տարեցտարի ընդարձակվելով՝ վերածվել է ժողովրդական տոնահանդեսի: |