Որոնման, հայտնաբերման ու ինքնաճանաչման ընթացք է մարդու կյանքը: Դժվար և գեղեցիկ:
«Աստված իմ մեջ» հաղորդաշարում անվանի մտավորականները, արվեստագետներն ու հոգևորականները խորհում են աստվածայինի ու մարդկայինի, հավերժի ու երջանկության իրենց գաղտնիքի մասին:
Պարբերականությունը՝ ամեն երկուշաբթի, ժամը 21:50-ին
Կրկնությունը՝ երեքշաբթի, ժամը 10:50-ին
 |
Անահիտ ՔոչարյանՏխուր փողոցի լուսաբացը», Ուրախ ավտոբուս». 90-ականների իրականության մասին պատմող խաղարկային ֆիլմերում առանձնանում է գլխավոր դերակատար Անահիտ Քոչարյանի հուզական խաղը: Մեր հաղորդման շրջանակում դերասանուհին փորձում է բնորոշել մարդուն. Խոսում ենք նույն լեզվով, նայում ենք իրար աչքերի մեջ, բայց չենք հասկանում իրար...»: |
 |
Հասմիկ ԲաղդասարյանԵրբ մարդուն շնորհք է տրվում, նա պետք է տարբերակ գտնի շնորհակալություն հայտնելու»,-կարծում է մեր հաղորդման հերոսուհին՝ երգչուհի Հասմիկ Բաղդասարյանը: Իր տարբերակը նա գտել է. աստվածատուր ձայնի համար շնորհակալություն է հայտնում հոգևոր երգ կատարելով: Երգչուհին նաև խոստովանում է, որ հոգևոր երաժշտության միջոցով նա բացահայտում ու սիրում է աշխարհը... |
 |
Վահան ՄարտիրոսյանՀայաստանի պետական կամերային նվագախմբի գլխավոր դիրիժոր, գեղարվեստական ղեկավար Վահան Մարտիրոսյանը ծնվել ու կրթություն է ստացել Խորհրդային Հայաստանում: Շատերի նման նրա պատանեկություն ու երիտասարդությունն անցել է առանց հոգևոր գիտելիքի: Ավելի ուշ՝ Աստծուն իր մեջ գտնելու ճանապարհին, ուղեկից է ընտրել դասական երաժշտությունը. ունկնդրել, կատարել, ապրել ու ներշնչվել: |
 |
Ժորա ԲարսեղյանԳեղանկարիչ Ժորա Բարսեղյանն ապրում է Աբովյան քաղաքում: Թեև հեղինակ է հազարավոր կտավների ու տասնյակ որմնանկարների, իր կոչումը մանկավարժությունն է համարում: 90-ականների ցրտաշունչ օրերին երիտասարդներին նկարել էր սովորեցնում. գալիս էին, հրապուրվում ու սիրում նկարչությունը: Նկարիչը անկեղծանում է, որ դժվար պահերին կողմնոշովելու համար միշտ Աստծուն է դիմել... |
 |
Արթուր ՍահակյանՌեժիսոր Արթուր Սահակյանի ներկայացումներում փնտրող, մտածող, հարցեր առաջադրող մարդն է: Համոզված է, որ ամեն մարդ դեմքով առ Աստված կդառնա այն ժամանակ, երբ գա դրա ժամը, հասունանա պահը… |
 |
Աշոտ ԱյվազյանԵրևանի Կամերային նվագախմբի երաժիշտ, թավջութակահար Աշոտ Այվազյանը երջանիկ է, որ ծնվել է Հայաստանում, ընտրել երաժշտի ուղին: Համոզված է, որ Աստված բոլորի մեջ է և, եթե որևէ մեկին ընտրել է մի գործի համար, ապա ձեռքը բռնած կանցնի նրա հետ նախանշած ճանապարհով և դժվարության պահին միայնակ չի թողնի: |
 |
Արա ԱլեքյանՈմանց համար երկաթի թափոնը պարզապես երկաթի թափոն է, նկարիչ քանդակագործ Արա Ալեքյանի համար` մի նոր գործի սկիզբ, ներշնչանքի աղբյուր: Պարզ, սովորական, բոլորիս ճանաչած երկաթը քանդակագործի արվեստանոցից դուրս է գալիս որպես արվեստի գործ: Արվեստագետն էլ իր նյութերի նման պարզ է, և, միևնույն ժամանակ, ամուր ու հաստատուն՝ հավատքի մեջ: Աստված իմ մեջ» հաղորդաշարում քանդակագործը հիշում է իր մանկությունը, կյանքի ու ինքնաճանաչման ճանապարհը:
|
 |
Արա ԳևորգյանԿոմպոզիտոր Արա Գևորգյանը հիշում է, որ փոքր հասակում հաճախ էր եկեղեցի այցելում, մասնակցում պատարագների: Պապիկը ծխական խորհրդի անդամ էր, տատիկը երգում էր Ս. Հովհաննես եկեղեցում: Սակայն հավատքի իրական զորությունը զգաց, երբ անսպասելի կորցրեց մորը`ճանաչված ժողովրդական երգչուհի Վալյա Սամվելյանին։ Եթե հավատում ես Աստծո գոյությանը, ուրեմն պիտի հավատաս նաև հավերժական կյանքին»,-հավատացած է կոմպոզիտորը: |
 |
Արամ ԻսաբեկյանԱշխարհում բազմաթիվ հիանալի բաներ կան, սակայն նկարիչ Արամ Իսաբեկյանի համար երկրագնդի վրա ամենազարմանալին մարդն է՝ մտածելու, ստեղծագործելու և պարզապես ապրելու մղումներով: Նկարիչը մանկուց սիրել է ընթերցել, պատանեկան տարիքում է առաջին անգամ կարդացել Աստվածաշունչը, խորհել չարի ու բարու, կյանքի ու մահվան մասին: Մեզ հետ զրույցը հին զգացումների վերապրում ու նորերի ձևակերպում էր...
|
 |
Կարեն Բալայան2004-2006 թթ. ընթացքում հայկական Կիլիկիան» պտտվել է Եվրոպայի շուրջ, կտրել շուրջ 15000 ծովային մղոն: Այդ նավարկությունից հետո Կիլիկիան» մոտ հինգ տարի ջուր չի տեսել», միայն նախորդ տարվանից կրկին Սևանա լճում է:
|
 |
Արմեն ՍաֆարյանՌեժիսոր Արմեն Սաֆարյանը հավատում է, որ ամեն շնորհ Աստծուց է: Տերն ասում է՝ Ես որտե՞ղ կարող եմ բնակվել, եթե ոչ` հեզ ու խոնարհ սրտերում: Այդ հեզությունն ու խոնարհությունն է պակասում ինձ, որպեսզի Աստված իմ մեջ լինի»,- համեստորեն ժպտում է ռեժիսորը: |
 |
Կարինե ԽոդիկյանԳրող, դրամատուրգ Կարինե Խոդիկյանը համոզված է, որ Աստծուն ճանաչելու ճանապարհը մարդն անցնում է ամբողջ կյանքի ընթացքում: Հավատալ, նշանակում է անդադար փնտրել, հավատքը հնարավոր չէ մեկ անգամ և ընդմիշտ ձեռք բերել,- կարծում է գրողը և խոստովանում, որ Աստծուց առավելապես բարություն է խնդրում: |
