Ռեժիսոր Սուրեն Տեր-Գրիգորյան

Ներողամտություն. մեկնում է Տ. Մարկոս քահանա Մանգասարյանը

Ինչպե՞ս ներել թշնամուն, ո՞վ է ներող մարդը: Ո՞ւմ կարելի է ներել, ի՞նչ է քարոզում Ավետարանը: Տ. Մարկոս քահանա Մանգասարյանը խոսում է ներելու կարևորության մասին:

Անձնազոհություն. մեկնում է Տ. Մարկոս քահանա Մանգասարյանը

Ռոմանտիկ չէ՞ 21-րդ դարում խոսել անձնազոհության մասին: Ի՞նչ է անձնազոհությունը, արդյոք միայն կյանքը տալ հանուն գաղափարի: Տ. Մարկոս քահանա Մանգասարյանը դիտարկում է անձնազոհության դրսևորումները:

Թանգարանի զինվորը․ Շահեն Խաչատրյան

Հենրիկ Մալյանի անվան թատրոնում կայացել է «Շողակաթ» հեռուստաընկերության նկարահանած «Թանգարանի զինվորը․ Շահեն Խաչատրյան» փաստագրական ֆիլմի պրեմիերան: Այն ներկայացնում է բացառիկ մանրամասներ արվեստաբան, Մարտիրոս Սարյանի տուն-թանգարանի և Ազգային պատկերասրահի երկարամյա տնօրեն, մի քանի տասնյակ արվեստագիտական գրքերի, պատկերագրքերի, կատալոգների հեղինակ Շահեն Խաչատրյանի մասին: Ֆիլմի մտահղացումը և սցենարը լրագրող, խմբագիր, թարգմանիչ Լիլիկ Ստեփանյանինն է: Ռեժիսորը Արտակ Ավետյանն է: Անահիտ Մարգարյանը «Արտֆոկուսում» հյուրընկալել է ֆիլմի հեղինակներին։

Եզդիական համայնքի մշակութային ձեռքբերումները

Հայաստանում եզդիները կարողանում են ազգային դիմագիծը պահպանել

Գիտակրթական, մշակութային և այլ բնույթի ի՞նչ միջոցառումներ ու ծրագրեր է իրականացնում «Հայաստանի երիտասարդ եզդիների ասոցիացիան»:  Որքանո՞վ են եզդի երիտասարդները ընդգրկված Հայաստանի մշակութային կյանքում: Արդյո՞ք հայ հասարակությունը բվարար իրազեկված է եզդիների պատմությանը, մշակույթին և կրոնին: Անահիտ Մարգարյանը զրուցել է Հայաստանի երիտասարդ եզդիների ասոցիացիայի նախագահ Սաիդ Ավդալյանի հետ:

Էդիկ Պողոսյան. «Թատերական պաստառներ – Հայաստան» միջազգային բինեալե

Նոյեմբերի 19-ից դեկտեմբերի 15-ը Սունդուկյանի անվան ազգային ակադեմիական թատրոնում երկրորդ անգամ անցկացվել է Հայաստանում գրաֆիկ դիզայնի ասպարեզում միակ միջազգային լայնամասշտաբ միջոցառումը` «Թատերական պաստառներ – Հայաստան» միջազգային բիենալեն: Կազմակերպիչները «Ակտ» մշակութային ՀԿ-ն ու Գաբրիել Սունդուկյանի անվան ազգային ակադեմիական թատրոնն են: Աշխատանքները գնահատել են անվանի գրաֆիկական դիզայներներ: «Արտֆոկուսում» արվեստաբան Անահիտ Մարգարյանը թեման քննարկել է բիենալեի համահիմնադիր և ղեկավար, գրաֆիկ դիզայներ Էդիկ Պողոսյանի հետ:

«Մետրո» թատրոնի միջազգային վնաճումը

«Տրավիատա կրկես» ներկայացումը նվաճել է Իրանի երիտասարդական միջազգային թատերական փառատոնի գլխավոր մրցանակակը Նոյեմբերին «Մետրո» թատրոնը մեկնել էր Իրան մասնակցելու Համադան քաղաքի երիտասարդական միջազգային թատերական փառատոնին: Թատերախումբը վերադարձել է գլխավոր մրցանակով, որը շնորհվել էր «Լավագույն ներկայացում» եւ «Լավագույն ռեժիսուրա» անվանակարգերում: Մրցանակակիր ներկայացումը Ժան Պոլ Ալեգրիի ստեղծագործության հիման վրա Սոնա Մարտիրոսյանի բեմադրած «Տրավիատա կրկեսն» էր: «Արտֆոկուսում» հյուրախաղերի մասին պատմում են ներկայացման բեմադրիչ, դերասանուհի Սոնա Մարտիրոսյանը և ներկայացման դերակատարներից` Ստեփան Գրիգորյանը: Հաղորդումը վարել է Անահիտ Մարգարյանը:

Համազգային թատրոնի նոր` «Բարկանու՞մ ես» մանկական ներկայացումը

Բարկանա՞լ, թե՞ չբարկանալ: Չ՞է որ բարկացողը շատ բան է կորցնում։ Մեկ ներկայացման մեջ երկու հեքիաթ, որոնց միավորում է մեկ թեմա՝ «Բարկությունը»: Հովհաննես Թումանյանի «Տերն ու ծառան» և Հանս Քրիստիան Անդերսենի «Ծերուկն իր գործը գիտի» հեքիաթների բեմականացման պրեմիերան Սոս Սարգսյանի անվան համազգային թատրոն ներկայացվել է սեպտեմբերի 9-ին: Հնարամիտ, գեղեցիկ ձևավորում, ոգևորող երաժշտություն, հեքիաթային լուսավորում, փայլուն դերասանական խաղ, երախաների ակտիվ մասնակցություն թատերական գործողությանը: Ներկայացման ռեժիսոր` Նարինե Գրիգորյանին և դերասան Գագիկ Մադոյանին «Արտֆոկուսի» տաղավարում հյուրընկալել է արվեստաբան Անահիտ Մարգարյանը:

Հավատարմություն. մեկնում է Տ. Մարկոս քահանա Մանգասարյանը

Հավատարմությունը միակողմանի կարո՞ղ է լինել, ո՞ր գաղափարների հանդեպ պետք է հավատարիմ լինել, ո՞վ կարող է հավատարմության օրինակ լինել։ Տ. Մարկոս քահանա Մանգասարյանը վերլուծում է հավատարմության բոլոր դրսեւորումները:

Անձնազոհություն մեկնում է Տ. Խաժակ արքեպիսկոպոս Պարսամյանը

Ի՞նչ է նշանակում անձնազոհություն, ինչո՞ւ է առաքինություն համարվում, մեր օրերում կա՞ անձնազոհության պակաս: Տ. Խաժակ արքեպիսկոպոս Պարսամյանը խորքային վերլուծում է անձնազոհության ժամանակակից ընկալումները և երեւույթի խորքային իմաստները։

Գրականության և արվեստի թանգարանն այսօր

Թանգարանները մեր մշակույթի և կրթության կարևորագույն կենտրոններն են, որտեղ պահվում և ներկայացվում են մեր պատմական հիշողությունը, կարևոր իրադարձությունների, փաստերի, մեր ազգային ինքնության վկայությունները: Հայաստանում գտնվող ամենամեծ պահոցն ունեցող թանգարանը Եղիշե Չարենցի անվան գրականության և արվեստի թանգարանն է, որտեղ  պահվում է շուրջ երկու միլիոն ցուցանմուշ: Ի՞նչ է թանգարանն առաջարկում այցելուներին և արդյո՞ք այդ առաջարկն ունի պահանջարկ: Ի՞նչ փոփոխություններ են տեղի ունեցել թանգարանում վերջին տարիների ընթացքում և ի՞նչ ծրագրեր են իրականացվելու առաջիկայում: «Արտֆոկուսում» արվեստաբան Անահիտ Մարգարյանի հյուրը Չարենցի անվան գրականության և արվեստի թանգարանի տնօրեն Սյուզաննա Խոջամիրյանն է։