Մայիսի 7-ից 9-ը եղբայրական այցով Վատիկանում մեկնել Գարեգին Բ Ամենայն հայոց կաթողիկոսը: Մայիսի 8-ին Առաքելական պալատում Հայոց հայրապետը հանդիպում ունեցավ Հռոմի Ֆրանցիսկոս պապի հետ և կաթոլիկ եկեղեցու քահանայապետին 2015թ. Հայոց ցեղասպանության 100-ամյա տարելիցի կապակցությամբ հրավիրեց Մայր Աթոռ Ս. Էջմիածին:
Ռեդեմփթորիս Մայր մատուռում Ֆրանցիսկոս պապի և Գարեգին Բ կաթողիկոսի նախագահությամբ կատարվեց համատեղ աղոթք աշխարհի խաղաղության համար:
Մայիսի 8-ին Ամենայն հայոց կաթողիկոսը, պատվիրակության ուղեկցությամբ, այցելեց Սուրբ Աթոռում ՀՀ դեսպանատուն, հանդիպումներ ունեցավ մի շարք պաշտոնատար անձանց հետ:
Ամենայն հայոց հայրապետը պատվիրակության ուղեկցությամբ այցելեց Ս. Պետրոսի տաճար, ապա՝ Կաթոլիկ եկեղեցու կողմից օրեր առաջ սրբադասված Հովհաննես 23-րդ և Հովհաննես Պողոս Բ պապերի շիրիմներին: Աղոթք կատարվեց այստեղ գտնվող հայոց Ս. Գրիգոր Լուսավորիչ հայրապետի արձանի առջև:
