Հայ առաքելական եկեղեցին կիրակի կնշի կրկնազատիկը

Տիրոջ Հրաշափառ Հարությանը հաջորդող կիրակին կոչվում է Կրկնազատիկ կամ Նոր կիրակի, որը մարդկային կյանքի նորոգության խորհուրդն ունի: Այդ օրը պատարագի ժամանակ հիշատակվում են Տիրոջ երևումներն իր աշակերտներին: Արևմուտքում այս կիրակին կոչվում է Սպիտակ Կիրակի՝ խորհրդանշելով հաղորդությամբ հոգևոր մաքրագործումը, իսկ Կաթոլիկ եկեղեցին այն անվանում է Թովմասի կիրակի, ավետարանական հայտնի պատմությամբ պայմանավորված: