Մայր Աթոռն իր զորակցությունն է հայտնել Արցախի պատանդառված պետական գործիչներին

Մայր Աթոռ Սուրբ Էջմիածինը արձագանքել է Բաքվում անցկացվող ապօրինի դատավարությանն ու դատարանի կայացրած վճռին, որով Արցախի ռազմական և քաղաքական գործիչները դատապարտվել են ցմահ, կամ երկար տարիների ազատազրկման: Մայր Աթոռը վերահաստատել է իր հանձնառությունը՝ աշխարհասփյուռ իր կառույցներով հետևողական ջանքեր գործադրել միջազգային և միջեկեղեցական հարթակներում՝ ի խնդիր գերեվարված հայորդիների ազատ արձակման և Հայրենիք վերադարձի։